ਸੈਂਸੈਕਸ 39,749.73 ਅਤੇ ਨਿਫ਼ਟੀ 11,928.75 ਅੰਕ 'ਤੇ ਹੋਇਆ ਬੰਦ
ਮੁੰਬਈ : ਘਰੇਲੂ ਸ਼ੇਅਰ ਬਾਜ਼ਾਰ ਮੰਗਲਵਾਰ ਨੂੰ ਲਗਾਤਾਰ ਤਿੱਜੇ ਦਿਨ ਨਵੀਂ ਉਂਚਾਈ 'ਤੇ ਬੰਦ ਹੋਇਆ। ਘਰੇਲੂ ਪੱਧਰ 'ਤੇ ਮਜ਼ਬੂਤੀ ਦੇ ਨਾਲ ਵਿਦੇਸ਼ੀ ਪੂੰਜੀ ਦੇ ਲਗਾਤਾਰ ਨਿਵੇਸ਼ ਨਾਲ ਸੈਂਸੈਕਸ ਅਤੇ ਨਿਫ਼ਟੀ ਵਿਚ ਤੇਜੀ ਆਈ। ਕਰੀਬ 300 ਅੰਕ ਦੀ ਉਤਾਰ-ਚੜ੍ਹਾਅ ਦੇ ਬਾਅਦ ਬੰਬਈ ਸ਼ੇਅਰ ਬਾਜ਼ਾਰ ਦਾ 30 ਸ਼ੇਅਰਾਂ 'ਤੇ ਆਧਾਰਿਤ ਸੰਵੇਦੀ ਸੂਚਕਾਂਕ 66.44 ਅੰਕ (0.17 ਫ਼ੀ ਸਦੀ) ਦੀ ਵਾਧੇ ਦੇ ਨਾਲ 39,749.73 ਅੰਕ 'ਤੇ ਬੰਦ ਹੋਇਆ। ਕਾਰੋਬਾਰ ਦੀ ਸਮਾਪਤੀ 'ਤੇ ਇਹ ਸੈਂਸੈਕਸ ਦਾ ਹੁਣ ਤਕ ਦਾ ਸੱਭ ਤੋਂ ਵੱਧ ਉੱਚ ਪੱਧਰ ਹੈ। ਕਾਰੋਬਾਰ ਦੇ ਦੌਰਾਨ ਸੈਂਸੈਕਸ 39,828.65 ਅੰਕ ਉੱਪਰ ਤਕ ਗਿਆ ਅਤੇ 39,498.65 ਅੰਕ ਥੱਲੇ ਤਕ ਗਿਆ।
Sensex
ਇਸੇ ਤਰ੍ਹਾਂ, ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫ਼ਟੀ 4 ਅੰਕ (0.03 ਫ਼ੀ ਸਦੀ) ਵੱਧ ਕੇ 11,928.75 ਅੰਕ 'ਤੇ ਬੰਦ ਹੋਇਆ। ਇਹ ਨਿਫ਼ਟੀ ਦਾ ਕਾਰੋਬਾਰ ਦੀ ਸਮਾਪਤੀ 'ਤੇ ਹੁਣ ਤਕ ਦਾ ਉੱਚ ਪੱਧਰ ਹੈ। ਕਾਰੋਬਾਰ ਦੇ ਦੌਰਾਨ ਨਿਫ਼ਟੀ 11,958.55ਅੰਕ ਉੱਪਰ ਤਕ ਅਤੇ 11,864.90 ਅੰਕ ਥੱਲੇ ਤਕ ਗਿਆ। ਸੈਂਸੈਕਸ ਵਿਚ ਸ਼ਾਮਲ ਸ਼ੇਅਰਾਂ ਵਿਚ ਯਸ ਬੈਂਕ ਸਭ ਤੋਂ ਜਿਆਦਾ ਫਾਇਦੇ ਵਿਚ ਰਿਹਾ ਅਤੇ ਇਸ ਵਿਚ 4.06 ਫ਼ੀ ਸਦੀ ਦੀ ਤੇਜੀ ਰਹੀ। ਹੋਰ ਸ਼ੇਅਰਾਂ ਵਿਚ ਕੋਲ ਇੰਡੀਆ, ਇੰਫੋਸਿਸ, ਪਾਵਰਗਰਿਡ, ਵੇਦਾਂਤਾ, ਰਿਲਾਇੰਸ, ਟੀਸੀਐਸ, ਹਿੰਦੁਸਤਾਨ ਯੂਨੀਲੀਵਰ, ਓਐਨਜੀਸ,ਐਚਸੀਐਲ ਟੇਕ, ਇੰਡਸਿੰਡ ਬੈਂਕ, ਐਚਡੀਐਫ਼ਸੀ ਬੈਕ ਅਤੇ ਏਸ਼ੀਅਨ ਪੇਂਟਸ ਵਿਚ 2.72 ਫ਼ੀ ਸਦੀ ਤਕ ਦੀ ਮਜ਼ਬੂਤੀ ਆਈ।
Sensex
ਦੂਜੇ ਪਾਸੇ ਹੀਰੋ ਮੋਟੋਕਾਰਪ, ਬਜਾਜ ਆਟੋ, ਭਾਰਤੀ ਏਅਰਟੇਲ, ਐਲਐਂਡਟੀ, ਬਜਾਜ ਫਾਇਨੈਂਸ, ਮਹਿੰਦਰਾ ਐਂਡ ਮਹਿੰਦਰਾ, ਟਾਟਾ ਸਟੀਲ,ਐਚਡੀਐਫਸੀ, ਕੋਟਕ ਬੈਂਕ ਅਤੇ ਆਈਟੀਸੀ ਸੱਭ ਤੋਂ ਵੱਧ ਨੁਕਸਾਨ ਵਿਚ ਰਹੇ। ਇਨ੍ਹਾਂ ਵਿਚ 2.55 ਫ਼ੀ ਸਦੀ ਤਕ ਦੀ ਗਿਰਾਵਟ ਦਰਜ ਕੀਤੀ ਗਈ। ਭਾਜਪਾ ਦੀ ਅਗੁਵਾਈ ਵਾਲੇ ਰਾਸ਼ਟਰੀ ਜਨਤੰਤਰੀਕ ਗਠਜੋੜ (ਰਾਜਗ) ਦੀ ਆਮ ਚੋਣਾਂ ਵਿਚ ਭਾਰੀ ਜਿੱਤ ਦੇ ਬਾਅਦ ਤੋਂ ਘਰੇਲੂ ਸ਼ੇਅਰ ਬਾਜ਼ਾਰ ਉਤਸਾਹਿਤ ਹੈ। ਕਾਰੋਬਾਰੀਆਂ ਨੇ ਕਿਹਾ ਕਿ ਹੋਰ ਏਸ਼ੀਆਈ ਬਾਜ਼ਾਰਾਂ ਤੋਂ ਮਜ਼ਬੂਤ ਰਵਇਆ ਅਤੇ ਵਿਦੇਸ਼ੀ ਪੂੰਜੀ ਦੇ ਲਗਾਤਾਰ ਨਿਵੇਸ਼ ਨਾਲ ਨਿਵੇਸ਼ਕਾਂ ਦੀ ਧਾਰਣਾ ਨੂੰ ਜੋਰ ਮਿਲਿਆ।
