ਸੀਐਮ ਦੀ ਕੁਰਸੀ ਪਿੱਛੇ ਲੱਗੇ ਤਿਰੰਗੇ ਵਿਚ ਸਫੇਦ ਹਿੱਸਾ ਘੱਟ ਕਰਕੇ ਹਰਾ ਹਿੱਸਾ ਜੋੜਿਆ ਹੋਇਆ ਲੱਗਦਾ ਹੈ – ਕੇਂਦਰੀ ਮੰਤਰੀ ਪ੍ਰਹਿਲਾਦ ਪਟੇਲ
ਨਵੀਂ ਦਿੱਲੀ: ਕੇਂਦਰੀ ਸੱਭਿਆਚਾਰ ਅਤੇ ਸੈਰ ਸਪਾਟਾ ਮੰਤਰੀ ਪ੍ਰਹਿਲਾਦ ਸਿੰਘ ਪਟੇਲ ਦਾ ਦੋਸ਼ ਹੈ ਕਿ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਭਾਰਤ ਦੇ ਰਾਸ਼ਟਰੀ ਝੰਗੇ ਤਿਰੰਗੇ ਦਾ ਅਪਮਾਨ ਕੀਤਾ ਹੈ। ਉਹਨਾਂ ਦਾ ਕਹਿਣਾ ਹੈ ਕਿ ਸੀਐਮ ਦੀ ਕੁਰਸੀ ਪਿੱਛੇ ਲੱਗੇ ਤਿਰੰਗੇ ਵਿਚ ਸਫੇਦ ਹਿੱਸਾ ਘੱਟ ਕਰਕੇ ਹਰਾ ਹਿੱਸਾ ਜੋੜਿਆ ਹੋਇਆ ਲੱਗਦਾ ਹੈ
Delhi CM Arvind Kejriwal
ਉਹਨਾਂ ਨੇ ਇਸ ਸਬੰਧੀ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਅਤੇ ਦਿੱਲੀ ਦੇ ਉਪ ਰਾਜਪਾਲ ਨੂੰ ਚਿੱਠੀ ਲਿਖੀ ਹੈ। ਚਿੱਠੀ ਵਿਚ ਕੇਂਦਰੀ ਮੰਤਰੀ ਨੇ ਕਿਹਾ ਕਿ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਪ੍ਰੈੱਸ ਕਾਨਫਰੰਸ ਦੌਰਾਨ ਬੈਕਗ੍ਰਾਊਂਡ ਵਿਚ ਜੋ ਤਿਰੰਗਾ ਲਗਾਇਆ ਹੈ, ਉਹ ਫਲੈਗ ਕੋਡ ਅਨੁਸਾਰ ਸਹੀ ਨਹੀਂ ਹੈ। ਕੇਂਦਰੀ ਮੰਤਰੀ ਨੇ ਅਪਣੀ ਚਿੱਠੀ ਵਿਚ ਇਸ ਗਲਤੀ ਨੂੰ ਤੁਰੰਤ ਸੁਧਾਰਨ ਦੀ ਮੰਗ ਕੀਤੀ ਹੈ।
Prahlad Singh Patel
ਉਹਨਾਂ ਦਾ ਕਹਿਣਾ ਹੈ ਕਿ ਕੇਜਰੀਵਾਲ ਦੀ ਪ੍ਰੈੱਸ ਕਾਨਫਰੰਸ ਦੌਰਾਨ ਬੈਕਗ੍ਰਾਊਂਡ ਵਿਚ ਰਾਸ਼ਟਰੀ ਤਿਰੰਗੇ ਵਿਚ ਜਿਸ ਤਰ੍ਹਾਂ ਸਫੇਰ ਰੰਗ ਨੂੰ ਘੱਟ ਕੀਤਾ ਗਿਆ ਹੈ ਅਤੇ ਹਰੇ ਰੰਗ ਨੂੰ ਵੱਡਾ ਕੀਤਾ ਗਿਆ ਹੈ, ਉਹ ਰਾਸ਼ਟਰੀ ਫਲੈਗ ਕੋਡ ਦਾ ਉਲੰਘਣ ਹੈ। ਸੈਰ ਸਪਾਟਾ ਮੰਤਰੀ ਨੇ ਉਪ ਰਾਜਪਾਲ ਨੂੰ ਭੇਜੀ ਚਿੱਠੀ ਵਿਚ ਲਿਖਿਆ, ‘ਅਰਵਿੰਦ ਕੇਜਰੀਵਾਲ, ਮਾਣਯੋਗ ਮੁੱਖ ਮੰਤਰੀ, ਦਿੱਲੀ ਜਦੋਂ ਵੀ ਟੀਵੀ ਚੈਨਲ ’ਤੇ ਸੰਬੋਧਨ ਕਰਦੇ ਹਨ ਤਾਂ ਉਹਨਾਂ ਦੀ ਕੁਰਸੀ ਪਿੱਛੇ ਲੱਗੇ ਰਾਸ਼ਟਰੀ ਝੰਗੇ ’ਤੇ ਧਿਆਨ ਜਾਂਦਾ ਹੈ ਕਿਉਂਕਿ ਉਹ ਕੁੱਝ ਵੱਖਰਾ ਲੱਗਦਾ ਹੈ’।
Letter
ਉਹਨਾਂ ਅੱਗੇ ਲਿਖਿਆ, ‘ਤਿਰੰਗੇ ਵਿਚ ਸਫੇਦ ਹਿੱਸੇ ਨੂੰ ਘੱਟ ਕਰਕੇ ਹਰੇ ਨੂੰ ਜੋੜ ਦਿੱਤਾ ਗਿਆ ਹੈ ਜੋ ਕਿ ਭਾਰਤ ਸਰਕਾਰ ਗ੍ਰਹਿ ਮੰਤਰਾਲੇ ਵੱਲੋਂ ਨਿਰਧਾਰਤ ਇੰਡੀਅਨ ਫਲੈਗ ਕੋਡ ਵਿਚ ਦੱਸੇ ਗਏ ਭਾਗ 1 ਦੇ 1.3 ਵਿਚ ਦਿੱਤੇ ਗਏ ਮਾਨਕਾਂ ਅਨੁਸਾਰ ਨਹੀਂ ਦਿਖਾਈ ਦਿੰਦਾ ਹੈ’।
