ਕਿਹਾ, ਲੜਾਈ ਵਿਚ ਫ਼ੌਜੀ ਨਾਇਕ ਤਾਂ ਹੋਣਾ ਹੀ ਚਾਹੀਦੈ
ਨਵੀਂ ਦਿੱਲੀ : ਕਾਂਗਰਸ ਦੇ ਜਨਰਲ ਸਕੱਤਰ ਅਤੇ ਉਤਰਾਖੰਡ ਦੇ ਸਾਬਕਾ ਮੁੱਖ ਮੰਤਰੀ ਹਰੀਸ਼ ਰਾਵਤ ਨੇ ਕਿਹਾ ਕਿ ਕੋਰੋਨਾ ਮਹਾਂਮਾਰੀ ਤੋਂ ਦੇਸ਼ ਦੇ ਉਭਰਨ ਮਗਰੋਂ ਕਾਂਗਰਸ ਨੇ ਜ਼ਮੀਨ 'ਤੇ ਉਤਰ ਕੇ ਲੜਾਈ ਲੜਨੀ ਹੈ ਅਤੇ ਰਾਹੁਲ ਗਾਂਧੀ ਨੂੰ ਮੁੜ ਪਾਰਟੀ ਦੀ ਕਮਾਨ ਸੰਭਾਲਣੀ ਚਾਹੀਦੀ ਹੈ ਕਿਉਂਕਿ ਇਸ ਲੜਾਈ ਵਿਚ 'ਫ਼ੌਜੀ ਨਾਇਕ' ਦੀ ਲੋੜ ਪਵੇਗੀ।
ਜਯੋਤੀਰਿਦਾਤਿਯ ਸਿੰਧੀ ਦੇ ਪਾਰਟੀ ਛੱਡਣ ਅਤੇ ਸਚਿਨ ਪਾਇਲਟ ਦੀ ਬਗ਼ਾਵਤ ਦੇ ਸੰਦਰਭ ਵਿਚ ਕਿਹਾ ਕਿ ਜੇ ਨੌਜਵਾਨ ਆਗੂ ਕੁੱਝ ਸਾਲਾਂ ਤਕ ਸੰਜਮ ਦਾ ਵਿਖਾਵਾ ਕਰਦੇ ਤਾਂ ਮੁੱਖ ਮੰਤਰੀ ਅਹੁਦਾ ਇਨ੍ਹਾਂ ਤੋਂ ਦੂਰ ਨਹੀਂ ਸੀ। ਰਾਵਤ ਨੇ ਕਿਹਾ, 'ਭਾਜਪਾ ਵਿਚ ਜਾਣ ਵਾਲੇ ਕਿਸੇ ਵਿਅਕਤੀ ਦੀ ਮੁੱਖ ਮੰਤਰੀ ਬਣਨ ਦੀ ਇੱਛਾ ਪੂਰੀ ਨਹੀਂ ਹੋਵੇਗੀ।
ਇਨ੍ਹਾਂ ਨੂੰ ਉਹ ਸਥਾਨ, ਅਹਿਮੀਅਤ ਅਤੇ ਮੌਕਾ ਨਹੀਂ ਮਿਲੇਗਾ ਜੋ ਕਾਂਗਰਸ ਵਿਚ ਮਿਲ ਰਿਹਾ ਸੀ।' ਉਨ੍ਹਾਂ ਕਿਹਾ ਕਿ ਮੱਧ ਪ੍ਰਦੇਸ਼ ਵਿਚ ਸਿੰਧੀਆ ਨੂੰ ਅਗਲੇ ਦੋ ਤਿੰਨ ਸਾਲਾਂ ਵਿਚ ਮੁੱਖ ਮੰਤਰੀ ਬਣਨ ਤੋਂ ਕੋਈ ਤਾਕਤ ਨਹੀਂ ਰੋਕ ਸਕਦੀ ਸੀ ਕਿਉਂਕਿ ਕਮਲਨਾਥ ਅਤੇ ਦਿਗਵਿਜੇ ਸਿੰਘ ਉਮਰ ਦੇ ਜਿਸ ਮੁਕਾਮ ਵਿਚ ਸਨ, ਉਸ ਨੂੰ ਵੇਖਦਿਆਂ ਸਿੰਧੀਆ ਨੂੰ ਸਹਿਜਤਾ ਵਿਖਾਉਣੀ ਚਾਹੀਦੀ ਸੀ।
ਰਾਹੁਲ ਦੇ ਮੁੜ ਪ੍ਰਧਾਨ ਬਣਨ ਬਾਰੇ ਪੁੱਛੇ ਜਾਣ 'ਤੇ 72 ਸਾਲਾ ਰਾਵਤ ਨੇ ਕਿਹਾ, 'ਬਿਲਕੁਲ ਬਣ ਜਾਣਾ ਚਾਹੀਦਾ ਹੈ। ਇਸ ਸਮੇਂ ਅਸੀਂ ਵਾਰ ਰੂਮ ਸ਼ੈਲੀ ਦੀ ਲੜਾਈ ਲੜਨੀ ਹੈ। ਕੋਰੋਨਾ ਮਗਰੋਂ ਅਸੀਂ ਮੈਦਾਨ ਵਿਚ ਉਤਰ ਕੇ ਲੜਾਈ ਲੜਨੀ ਹੈ। ਇਸ ਲੜਾਈ ਵਿਚ ਸਾਰਿਆਂ ਨੂੰ ਉਤਰਨਾ ਪਵੇਗਾ ਪਰ ਫ਼ੌਜੀ ਨਾਇਕ ਤਾਂ ਹੋਣਾ ਹੀ ਚਾਹੀਦਾ ਹੈ।'
ਉਨ੍ਹਾਂ ਕਿਹਾ ਕਿ ਅਜਿਹਾ ਨਹੀਂ ਕਿ ਸੋਨੀਆ ਜੀ ਕਮਜ਼ੋਰ ਲੜਾਈ ਲੜ ਰਹੀ ਹੈ ਪਰ ਹਰ ਚੀਜ਼ ਦੀ ਇਕ ਹੱਦ ਹੁੰਦੀ ਹੈ। ਉਨ੍ਹਾਂ ਇਹ ਵੀ ਕਿਹਾ ਕਿ ਹਾਲਤਾਂ ਦੇ ਵਖਰੇਵੇਂ ਕਾਰਨ ਰਾਹੁਲ ਅੱਜ ਓਨਾ ਸਟੀਕ ਕੰਮ ਨਹੀਂ ਕਰ ਰਹੇ ਜਿੰਨਾ ਸਟੀਕ ਰਾਜੀਵ ਗਾਂਧੀ ਦੇ ਸਮੇਂ ਸੀ। ਅੱਜ ਕਾਮਯਾਬੀ ਨਹੀਂ ਮਿਲ ਰਹੀ ਕਿਉਂਕਿ ਦੂਜੀ ਧਿਰ ਨੇ ਟੀਚੇ ਬਣਾ ਕੇ ਸਾਨੂੰ ਤੋੜਨ ਦਾ ਟੀਚਾ ਸੰਕਲਪ ਲਿਆ ਹੋਇਆ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।