Advertisement

ਤਸਵੀਰ 'ਚ ਪ੍ਰਧਾਨ ਮੰਤਰੀ ਨੂੰ ਭਿਖਾਰੀ ਦਰਸਾਉਣ ਵਾਲਾ ਪਹੁੰਚਿਆ ਜੇਲ੍ਹ

ਏਜੰਸੀ
Published Jan 29, 2019, 1:08 pm IST
Updated Jan 29, 2019, 1:08 pm IST
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਖਿਲਾਫ਼ ਫ਼ੇਸਬੁਕ 'ਤੇ ਇਤਰਾਜ਼ਯੋਗ ਪੋਸਟ ਕਰਨਾ ਇਕ ਵਿਅਕਤੀ ਨੂੰ ਮਹਿੰਗਾ ਪੈ ਗਿਆ। ਪ੍ਰਧਾਨ ਮੰਤਰੀ ਉਤੇ ਪੋਸਟ ਕਰਨ ਵਾਲੇ ਐਮਡੀਐਮਕੇ...
Leader arrested for picture showing PM as beggar
 Leader arrested for picture showing PM as beggar

ਨਵੀਂ ਦਿੱਲੀ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਖਿਲਾਫ਼ ਫ਼ੇਸਬੁਕ 'ਤੇ ਇਤਰਾਜ਼ਯੋਗ ਪੋਸਟ ਕਰਨਾ ਇਕ ਵਿਅਕਤੀ ਨੂੰ ਮਹਿੰਗਾ ਪੈ ਗਿਆ। ਪ੍ਰਧਾਨ ਮੰਤਰੀ ਉਤੇ ਪੋਸਟ ਕਰਨ ਵਾਲੇ ਐਮਡੀਐਮਕੇ (MDMK) ਕਰਮਚਾਰੀ ਸਾਥਿਆਰਾਜ ਬਲੁ ਨੂੰ ਪੁਲਿਸ ਨੇ ਗ੍ਰਿਫ਼ਤਾਰ ਕਰ ਲਿਆ ਹੈ। ਐਮਡੀਐਮਕੇ ਕਰਮਚਾਰੀ ਸਾਥਿਆਰਾਜ ਬਲੁ ਨੇ ਪ੍ਰਧਾਨ ਮੰਤਰੀ ਦੇ ਖਿਲਾਫ਼ ਇਕ ਪੋਸਟ ਕੀਤੀ ਸੀ। ਜਿਸ ਦੇ ਖਿਲਾਫ ਪੁਲਿਸ ਵਿਚ ਸ਼ਿਕਾਇਤ ਦਰਜ ਕੀਤੀ ਗਈ ਸੀ। 

ArrestedArrested

Advertisement

ਸਥਾਨਕ ਪੁਲਿਸ ਦੇ ਮੁਤਾਬਕ ਸਾਥਿਆਰਾਜ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਇਕ ਤਸਵੀਰ ਨਾਲ ਛੇੜਛਾੜ ਕਰਦੇ ਹੋਏ ਉਨ੍ਹਾਂ ਨੂੰ ਇਕ ਕਟੋਰੇ ਦੇ ਨਾਲ (ਮੰਗਤੇ ਦੇ ਪਹਿਰਾਵੇ ਵਿਚ) ਵਿਖਾਇਆ ਸੀ। ਜੋ ਇਤਰਾਜ਼ਯੋਗ ਸੀ। ਉਨ੍ਹਾਂ ਨੂੰ ਆਈਪੀਸੀ ਦੀ ਧਾਰਾ 504, 505 (2) ਦੇ ਤਹਿਤ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਤੁਹਾਨੂੰ ਦੱਸ ਦਈਏ ਕਿ ਸਾਥਿਆਰਾਜ ਬਲੁ ਨੇ ਪ੍ਰਧਾਨ ਮੰਤਰੀ  ਦੇ ਮਦੁਰੈ ਦੌਰੇ ਤੋਂ ਪਹਿਲਾਂ ਇਸ ਪੋਸਟ ਨੂੰ ਸੋਸ਼ਲ ਮੀਡੀਆ 'ਤੇ ਪਾਇਆ ਸੀ ਜੋ ਬਹੁਤ ਵਾਇਰਲ ਹੋ ਗਿਆ ਸੀ। ਐਤਵਾਰ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਮਦੁਰੈ ਦੇ ਦੌਰੇ 'ਤੇ ਸਨ।

ਜਿੱਥੇ ਉਨ੍ਹਾਂ ਨੇ ਏਮਸ ਦੀ ਨੀਂਹ ਪੱਥਰ ਰੱਖਿਆ। ਇਥੇ ਐਮਡੀਐਮਕੇ ਪ੍ਰਮੁੱਖ ਵਾਇਕੋ ਦੀ ਅਗੁਵਾਈ ਵਿਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਵਿਰੋਧ ਕੀਤਾ ਗਿਆ ਸੀ। ਸਥਾਨਕ ਲੋਕਾਂ ਦਾ ਇਲਜ਼ਾਮ ਸੀ ਕਿ ਕਾਵੇਰੀ, ਮੇਕਾਡਤੁ, ਸਟਰਲਾਈਟ ਸਮੇਤ ਕਈ ਮੁੱਦਿਆਂ 'ਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਚੁੱਪੀ ਸਾਧ ਰਖੀ ਸੀ ਅਤੇ ਹੁਣ ਚੋਣ ਦਾ ਸਮਾਂ ਨੇੜੇ ਆਉਣ 'ਤੇ ਰਾਜ ਵਿਚ ਵੋਟ ਮੰਗਣ ਦੇ ਮਕਸਦ ਤੋਂ ਆ ਰਹੇ ਹਨ।

PM Narendra ModiPM Narendra Modi

ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ ਹੀ ਮੱਧ ਪ੍ਰਦੇਸ਼ ਵਿਚ ਵੀ ਇਕ ਸੋਸ਼ਲ ਮੀਡੀਆ ਕਾਰਕੂਨ ਨੂੰ ਦਿੱਲੀ ਪੁਲਿਸ ਨੇ ਗ੍ਰਿਫ਼ਤਾਰ ਕਰ ਲਿਆ ਸੀ। ਦਿੱਲੀ ਪੁਲਿਸ ਦਾ ਇਲਜ਼ਾਮ ਸੀ ਕਿ ਕਾਰਕੂਨ ਨੇ ਸੋਸ਼ਲ ਮੀਡੀਆ 'ਤੇ ਗ੍ਰਹਿ ਮੰਤਰੀ ਰਾਜਨਾਥ ਸਿੰਘ ਦੇ ਖਿਲਾਫ਼ ਪੋਸਟ ਲਿਖਿਆ ਸੀ। ਇਸ ਮੁੱਦੇ 'ਤੇ ਕਾਂਗਰਸ ਦੀ ਮੱਧ ਪ੍ਰਦੇਸ਼ ਸਰਕਾਰ ਨੇ ਇਤਰਾਜ਼ ਦਰਜ ਕਰਾਏ ਸਨ।  ਕੁਲ ਮਿਲਾਕੇ ਤਮਿਲਨਾਡੁ ਵਿਚ ਮੋਦੀ ਸਰਕਾਰ ਨੂੰ ਲੈ ਕੇ ਲੋਕ ਨਾਰਾਜ਼ ਹਨ ਇਸ ਗੱਲ ਨੂੰ ਨਕਾਰਿਆ ਨਹੀਂ ਜਾ ਸਕਦਾ ਪਰ ਕਿਸੇ ਉਤੇ ਵੀ ਇਤਰਾਜ਼ਯੋਗ ਟਿੱਪਣੀ ਨਹੀਂ ਕੀਤੀ ਜਾਣੀ ਚਾਹੀਦੀ ਹੈ।

Location: India, Delhi, New Delhi
Advertisement

 

Advertisement
Advertisement