ਪੱਛਮ ਬੰਗਾਲ ਵਿਚ ਰਾਮ ਨੌਮੀ ਦੇ ਦਿਹਾੜੇ ਮੌਕੇ ਫੈਲੀ ਹਿੰਸਾ ਅਜੇ ਵੀ ਰੁਕਣ ਦਾ ਨਾਮ ਨਹੀਂ ਲੈ ਰਹੀ ਹੈ। ਇਹ ਹਿੰਸਾ ਸੂਬੇ ਦੇ ਹੋਰਨਾਂ ਖੇਤਰਾਂ ਵਿਚ ਵੀ ਫੈਲਦੀ ਜਾ ਰਹੀ ਹੈ।
ਆਸਨਸੋਲ, ਰਾਨੀਗੰਜ : ਪੱਛਮ ਬੰਗਾਲ ਵਿਚ ਰਾਮ ਨੌਮੀ ਦੇ ਦਿਹਾੜੇ ਮੌਕੇ ਫੈਲੀ ਹਿੰਸਾ ਅਜੇ ਵੀ ਰੁਕਣ ਦਾ ਨਾਮ ਨਹੀਂ ਲੈ ਰਹੀ ਹੈ। ਇਹ ਹਿੰਸਾ ਸੂਬੇ ਦੇ ਹੋਰਨਾਂ ਖੇਤਰਾਂ ਵਿਚ ਵੀ ਫੈਲਦੀ ਜਾ ਰਹੀ ਹੈ। ਸੂਬੇ ਵਿਚ ਭਿਆਨਕ ਹਿੰਸਾ ਫੈਲਦੀ ਜਾ ਰਹੀ ਹੈ ਪਰ ਸੂਬੇ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਦਿੱਲੀ ਵਿਚ ਤੀਸਰੇ ਮੋਰਚੇ ਦੀ ਤਿਆਰੀ ਵਿਚ ਲੱਗੀ ਹੋਈ ਹੈ। ਆਸਨਸੋਲ, ਰਾਨੀਗੰਜ, ਬਰਧਮਾਨ ਸਮੇਤ ਕਈ ਥਾਵਾਂ 'ਤੇ ਅਜੇ ਵੀ ਹਾਲਾਤ ਕਾਫ਼ੀ ਖ਼ਰਾਬ ਹਨ। ਹਾਲਾਂਕਿ, ਮਮਤਾ ਬੈਨਰਜੀ ਦੇ ਅੱਜ ਸ਼ਾਮ ਤਕ ਹੀ ਵਾਪਸ ਪਰਤਣ ਦੀ ਉਮੀਦ ਹੈ।
Bengal violence internet service stopped
ਆਸਨਸੋਲ ਦੇ ਪੁਲਿਸ ਕਮਿਸ਼ਨਰ ਦਾ ਕਹਿਣਾ ਹੈ ਕਿ ਹਿੰਸਾ ਦੇ ਚਲਦੇ ਇੰਟਰਨੈੱਟ ਸਸੇਵਾ ਨੂੰ ਅਗਲੇ 48 ਘੰਟਿਆਂ ਲਈ ਬੰਦ ਕਰ ਦਿਤਾ ਗਿਆ ਹੈ। ਉਥੇ ਹੀ ਕਰੀਬ 30 ਲੋਕਾਂ ਨੂੰ ਇਸ ਮਾਮਲੇ ਵਿਚ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਦਸਿਆ ਜਾ ਰਿਹਾ ਹੈ ਕਿ ਅਜੇ ਵੀ ਕਈ ਛੋਟੇ ਪਿੰਡਾਂ ਵਿਚ ਹਾਲਾਤ ਕਾਫ਼ੀ ਵਿਗੜੇ ਹੋਏ ਹਨ, ਇਹੀ ਕਾਰਨ ਹੈ ਕਿ ਸੁਰੱਖਿਆ ਪ੍ਰਬੰਧਾਂ ਨੂੰ ਹੋਰ ਮਜ਼ਬੂਤ ਕਰ ਦਿਤਾ ਗਿਆ ਹੈ।
Bengal violence internet service stopped
ਸੂਬੇ ਦੇ ਰਾਜਪਾਲ ਕੇਸਰੀਨਾਥ ਤਿਵਾਰੀ ਵੀ ਅਜਿਹੇ ਵਿਚ ਆਸਨਸੋਲ ਜਾਣ ਦੀ ਤਿਆਰੀ ਕਰ ਰਹੇ ਸਨ ਪਰ ਸੂਬਾ ਸਰਕਾਰ ਨੇ ਉਨ੍ਹਾਂ ਨੂੰ ਸੁਰੱਖਿਆ ਉਪਲਬਧ ਕਰਵਾਉਣ ਤੋਂ ਇਨਕਾਰ ਕਰ ਦਿਤਾ ਹੈ। ਰਾਜ ਸਰਕਾਰ ਨੇ ਸੂਚਿਤ ਕੀਤਾ ਹੈ ਕਿ ਖੇਤਰ ਵਿਚ ਪੁਲਿਸ ਦੀ ਨਿਯੁਕਤੀ ਨੂੰ ਵੇਖਦੇ ਹੋਏ ਮਾਣਯੋਗ ਰਾਜਪਾਲ ਨੂੰ ਸਮਰੱਥ ਸੁਰੱਖਿਆ ਉਪਲੱਬਧ ਕਰਾਉਣੀ ਮੁਸ਼ਕਲ ਹੋਵੇਗੀ। ਇਹ ਵੀ ਦਸਿਆ ਗਿਆ ਕਿ ਨੇੜਲੇ ਰਾਣੀਗੰਜ ਵਿਚ ਵੀ ਸਥਿਤੀ ਤਣਾਅਪੂਰਨ ਬਣੀ ਹੋਈ ਹੈ।
Bengal violence internet service stopped
ਇਸੇ ਦੌਰਾਨ ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਕੇਂਦਰੀ ਮੰਤਰੀ ਬਾਬੁਲ ਸੁਪ੍ਰਿਯੋ ਵੀ ਆਸਨਸੋਲ ਦਾ ਦੌਰਾ ਕਰ ਸਕਦੇ ਹਨ। ਸੁਪ੍ਰਿਯੋ ਹਿੰਸਾ ਨੂੰ ਲੈ ਕੇ ਲਗਾਤਾਰ ਮਮਤਾ ਸਰਕਾਰ 'ਤੇ ਹਮਲੇ ਕਰ ਰਹੇ ਹਨ। ਸੁਪ੍ਰਿਓ ਨੇ ਇਸ ਸੰਬੰਧ ਵਿੱਚ ਟਵੀਟ ਕੀਤਾ ਅਤੇ ਲਿਖਿਆ ਕਿ ਉਹ ਜਿਹਾਦੀ ਸਰਕਾਰ ਨੂੰ ਵਿਖਾ ਦੇਣਗੇ ਕਿ ਬੰਗਾਲ ਦੀ ਆਤਮਾ ਅਜੇ ਜ਼ਿੰਦਾ ਹੈ। ਸੁਪ੍ਰਿਯੋ ਨੇ ਇਸ ਸਬੰਧੀ ਕੇਂਦਰੀ ਗ੍ਰਹਿ ਮੰਤਰੀ ਰਾਜਨਾਥ ਸਿੰਘ ਨਾਲ ਵੀ ਫ਼ੋਨ 'ਤੇ ਗੱਲ ਕੀਤੀ ਹੈ। ਦਸ ਦਈਏ ਕਿ ਕੇਂਦਰ ਸਰਕਾਰ ਨੇ ਵੀ ਬੁੱਧਵਾਰ ਨੂੰ ਇਸ ਮਾਮਲੇ ਵਿਚ ਮਮਤਾ ਸਰਕਾਰ ਤੋਂ ਰਿਪੋਰਟ ਮੰਗੀ ਸੀ।
Bengal violence internet service stopped
ਦਸ ਦਈਏ ਕਿ 25 ਮਾਰਚ ਨੂੰ ਰਾਮ ਨੌਮੀ ਵਾਲੇ ਦਿਨ ਕੱਢੇ ਗਏ ਜੁਲੂਸ ਨੂੰ ਲੈ ਕੇ ਬਰਧਮਾਨ ਜ਼ਿਲ੍ਹੇ ਰਾਣੀਗੰਜ ਇਲਾਕੇ ਵਿਚ ਤਣਾਅ ਦੀ ਸਥਿਤੀ ਪੈਦਾ ਹੋ ਗਈ ਸੀ। ਹਾਲਾਤ ਅੱਗ ਲਗਾਉਣ ਅਤੇ ਫਾਇਰਿੰਗ ਤਕ ਪਹੁੰਚ ਗਏ ਸਨ, ਜਿਸ ਵਿਚ ਇੱਕ ਵਿਅਕਤੀ ਦੀ ਮੌਤ ਵੀ ਹੋ ਗਈ ਸੀ। ਪੁਲਿਸ ਨੇ ਹੁਣ ਤਕ ਇਸ ਮਾਮਲੇ 'ਚ 19 ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ।
