Advertisement
  ਖ਼ਬਰਾਂ   ਰਾਸ਼ਟਰੀ  29 May 2020  ਇਕ ਵਾਰ ਫਿਰ ਸੋਸ਼ਲ ਮੀਡੀਆ 'ਤੇ ਵਾਹ-ਵਾਹ ਲੁੱਟ ਰਹੇ ਸੋਨੂੰ ਸੂਦ

ਇਕ ਵਾਰ ਫਿਰ ਸੋਸ਼ਲ ਮੀਡੀਆ 'ਤੇ ਵਾਹ-ਵਾਹ ਲੁੱਟ ਰਹੇ ਸੋਨੂੰ ਸੂਦ

ਏਜੰਸੀ
Published May 29, 2020, 2:30 pm IST
Updated May 29, 2020, 6:51 pm IST
ਲੌਕਡਾਊਨ 'ਚ ਫਸੀਆਂ 150 ਪ੍ਰਵਾਸੀ ਔਰਤਾਂ ਲਈ ਕੀਤਾ ਉਡਾਨਾਂ ਦਾ ਪ੍ਰਬੰਧ
Photo
 Photo

ਮੁੰਬਈ: ਇਸ ਸਮੇਂ ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ ਵਿਚ ਫਸੇ ਪ੍ਰਵਾਸੀ ਮਜ਼ਦੂਰਾਂ ਨੂੰ ਸਰਕਾਰ ਤੋਂ ਵੀ ਜ਼ਿਆਦਾ ਬਾਲੀਵੁੱਡ ਅਦਾਕਾਰ ਸੋਨੂੰ ਸੂਦ 'ਤੇ ਯਕੀਨ ਹੈ। ਸੋਨੂੰ ਸੂਦ ਮੁਸ਼ਕਿਲ ਦੀ ਘੜੀ ਵਿਚ ਪ੍ਰਵਾਸੀ ਮਜ਼ਦੂਰਾਂ ਲਈ ਮਸੀਹਾ ਬਣ ਕੇ ਸਾਹਮਣੇ ਆਏ ਹਨ, ਸੋਨੂੰ ਸੂਦ ਨੇ ਉਹ ਕਰ ਦਿਖਾਇਆ ਜੋ ਵੱਡੀਆਂ ਸਰਕਾਰਾਂ ਨਹੀਂ ਕਰ ਸਕੀਆਂ।

PhotoSonu Sood

ਉਹਨਾਂ ਨੇ ਅਪਣੇ ਦਮ 'ਤੇ ਮਜ਼ਦੂਰਾਂ ਨੂੰ ਉਹਨਾਂ ਦੇ ਘਰ ਪਹੁੰਚਾਉਣ ਲਈ ਬੱਸਾਂ ਦਾ ਇੰਤਜ਼ਾਮ ਕੀਤਾ। ਕੇਰਲ ਦੇ ਕੋਚੀ ਵਿਚ ਫਸੀਆਂ ਓਡੀਸ਼ਾ ਦੀਆਂ 150 ਔਰਤਾਂ ਨੂੰ ਉਹਨਾਂ ਦੇ ਘਰ ਪਹੁੰਚਾਉਣ ਲਈ ਸੋਨੂੰ ਸੂਦ ਨੇ ਸਿੱਧਾ ਚਾਰਟਡ ਪਲੇਨ ਦਾ ਪ੍ਰਬੰਧ ਕੀਤਾ ਹੈ।

PhotoPhoto

ਇਹ ਸਾਰੀਆਂ ਔਰਤਾਂ ਕੋਚੀ ਦੀ ਇਕ ਫੈਕਟਰੀ ਵਿਚ ਕੰਮ ਕਰਦੀਆਂ ਸਨ ਅਤੇ ਲੌਕਡਾਊਨ ਤੋਂ ਬਾਾਅਦ ਇਹਨਾਂ ਨੇ ਨੌਕਰੀ ਤੋਂ ਅਸਤੀਫਾ ਦੇ ਦਿੱਤਾ। ਇਹਨਾਂ ਔਰਤਾਂ ਨੂੰ ਘਰ ਪਹੁੰਚਾਉਣ ਦਾ ਬੀੜਾ ਸੋਨੂੰ ਸੂਦ ਨੇ ਚੁੱਕਿਆ ਹੈ। ਇਹ ਔਰਤਾਂ ਓਡੀਸ਼ਾ ਦੇ ਕੇਂਦਰਪਾੜਾ ਦੀਆਂ ਰਹਿਣ ਵਾਲੀਆਂ ਹਨ।

Sonu SoodSonu Sood

ਮੀਡੀਆ ਰਿਪੋਰਟ ਅਨੁਸਾਰ ਇਹਨਾਂ ਔਰਤਾਂ ਨੂੰ ਅੱਜ ਸਵੇਰੇ ਹੀ ਕੋਚੀ ਤੋਂ ਭੁਵਨੇਸ਼ਵਰ ਏਅਰਪੋਰਟ ਲਈ ਭੇਜਿਆ ਗਿਆ, ਇਹਨਾਂ ਔਰਤਾਂ ਦੇ ਨਾਲ 10 ਹੋਰ ਫੈਕਟਰੀ ਕਰਮਚਾਰੀਆਂ ਨੂੰ ਭੇਜਿਆ ਗਿਆ। ਇਸ ਤੋਂ ਪਹਿਲਾਂ ਕੋਚੀ ਦੇ ਜ਼ਿਲ੍ਹਾ ਅਧਿਕਾਰੀਆਂ ਨੇ ਔਰਤਾਂ ਨੂੰ ਸਪੈਸ਼ਲ ਟਰੇਨਾਂ ਜ਼ਰੀਏ ਪਹੁੰਚਾਉਣ ਦੀ ਤਿਆਰੀ ਕੀਤੀ ਸੀ ਪਰ ਉਹ ਸਮੇਂ 'ਤੇ ਉਹਨਾਂ ਦੀ ਟਿਕਟ ਨਹੀਂ ਕਰਵਾ ਸਕੇ। ਉਸ ਸਮੇਂ ਤੋਂ ਇਹ ਔਰਤਾਂ ਫਸੀਆਂ ਹੋਈਆਂ ਸਨ।

Sonu Sood Sonu Sood

ਸੋਨੂੰ ਸੂਦ ਇਸ ਸਮੇਂ ਕਈ ਹਜ਼ਾਰ ਮਜ਼ਦੂਰਾਂ ਨੂੰ ਸੁਰੱਖਿਅਤ ਉਹਨਾਂ ਦੇ ਘਰ ਪਹੁੰਚਾ ਚੁੱਕੇ ਹਨ। ਇਸ ਦੇ ਲ਼ਈ ਉਹ ਦਿਨ-ਰਾਤ ਇਕ ਕਰ ਕੇ ਕੰਮ ਕਰ ਰਹੇ ਹਨ। ਸੋਸ਼ਲ ਮੀਡੀਆ 'ਤੇ ਵੀ ਸੋਨੂੰ ਸੂਦ ਦੀਆਂ ਤਾਰੀਫਾਂ ਹੋ ਰਹੀਆਂ ਹਨ। ਲੋਕ ਉਹਨਾਂ ਨੂੰ ਅਸਲੀ ਹੀਰੋ ਕਹਿ ਰਹੇ ਹਨ, ਇਸ ਤੋਂ ਇਲਾਵਾ ਵੱਡੀ ਗਿਣਤੀ ਵਿਚ ਲੋਕ ਉਹਨਾਂ ਨੂੰ ਦੁਆਵਾਂ ਦੇ ਰਹੇ ਹਨ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।

Advertisement
Advertisement

 

Advertisement
Advertisement