ਕਾਂਗਰਸ ਆਗੂ ਰਾਹੁਲ ਗਾਂਧੀ ਨੇ ਐਤਵਾਰ ਨੂੰ ਕਿਹਾ ਕਿ ਦੇਸ਼ ਦੀ ਰਖਿਆ ਅਤੇ ਸੁਰੱਖਿਆ ਬਾਰੇ ਕਦੋਂ ਗੱਲ ਹੋਵੇਗੀ।
ਨਵੀਂ ਦਿੱਲੀ, 28 ਜੂਨ : ਕਾਂਗਰਸ ਆਗੂ ਰਾਹੁਲ ਗਾਂਧੀ ਨੇ ਐਤਵਾਰ ਨੂੰ ਕਿਹਾ ਕਿ ਦੇਸ਼ ਦੀ ਰਖਿਆ ਅਤੇ ਸੁਰੱਖਿਆ ਬਾਰੇ ਕਦੋਂ ਗੱਲ ਹੋਵੇਗੀ। ਉਨ੍ਹਾਂ ਦੀ ਇਹ ਟਿਪਣੀ ਆਕਾਸ਼ਵਾਣੀ 'ਤੇ ਪ੍ਰਸਾਰਤ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ 'ਮਨ ਦੀ ਬਾਤ' ਪ੍ਰੋਗਰਾਮ ਤੋਂ ਪਹਿਲਾਂ ਆਈ ਹੈ। ਉਨ੍ਹਾਂ ਨੇ ਟਵੀਟ ਕੀਤਾ, ''ਕਦੋਂ ਹੋਵੇਗੀ ਰਾਸ਼ਟਰ ਰਖਿਆ ਅਤੇ ਸੁਰੱਖਿਆ ਦੀ ਬਾਤ?''
File Photo
ਰਾਹੁਲ ਗਾਂਧੀ ਲੱਦਾਖ਼ 'ਚ ਅਸਲ ਕੰਟਰੋਲ ਲਾਈਨ 'ਤੇ ਚੀਨੀ ਗਤੀਰੋਧ ਅਤੇ ਭਾਰਤੀ ਖੇਤਰ 'ਚ ਚੀਨ ਦੀ ਘੁਸਪੈਠ ਦੇ ਦੋਸ਼ਾਂ 'ਤੇ ਸਰਕਾਰ ਤੋਂ ਸਖ਼ਤ ਸਵਾਲ ਪੁੱਛ ਰਹੇ ਹਨ ਅਤੇ ਪ੍ਰਧਾਨ ਮੰਤਰੀ ਤੋਂ ਉਨ੍ਹਾਂ ਦਾ ਜਵਾਬ ਮੰਗ ਮੰਗ ਰਹੇ ਹਨ। ਕਾਂਗਰਸ ਦੇ ਮੁੱਖ ਬੁਲਾਰੇ ਰਣਦੀਪ ਸੁਰਜੇਵਾਲਾ ਨੇ ਵੀ ਸਰਕਾਰ 'ਤੇ ਨਿਸ਼ਾਨਾ ਲਾਉਂਦੇ ਹੋਏ ਟਵੀਟ ਕੀਤਾ, ''ਹੁਣ ਨੇਪਾਲ ਨੇ ਪਹਿਲੀ ਵਾਰ ਸਰਹੱਦ 'ਤੇ ਫ਼ੌਜ ਦੀ ਤਾਇਨਾਤੀ ਕੀਤੀ। ਮੋਦੀ ਹੈ ਤਾਂ ਇਹ ਵੀ ਮੁਮਕਿਨ ਹੈ।'' (ਪੀਟੀਆਈ)
File Photo
ਪੀ.ਐੱਮ ਕੇਅਰਜ਼ ਫ਼ੰਡ 'ਚ ਚੀਨੀ ਕੰਪਨੀਆ ਤੋਂ ਲਿਆ ਦਾਨ : ਕਾਂਗਰਸ
ਨਵੀਂ ਦਿੱਲੀ, 28 ਜੂਨ : ਭਾਜਪਾ ਵਲੋਂ ਰਾਜੀਵ ਗਾਂਧੀ ਫ਼ਾਉਂਡੇਸ਼ਨ ਦੀ ਫ਼ੰਡਿੰਗ 'ਤੇ ਸਵਾਲ ਚੁੱਕੇ ਜਾਣ ਦੇ ਬਾਅਦ ਕਾਂਗਰਸ ਨੇ ਪਲਟਵਾਰ ਕਰਦੇ ਹੋਏ ਐਤਵਾਰ ਨੂੰ ਦੋਸ਼ ਲਾਇਆ ਕਿ ਪ੍ਰਧਾਨ ਮੰਤਰੀ ਨਾਗਰਿਕ ਮਦਦ ਅਤੇ ਆਫ਼ਤ ਸਥਿਤੀ (ਪੀ.ਐੱਮ ਕੇਅਰਜ਼) 'ਚ ਚੀਨੀ ਕੰਪਨੀਆ ਦਾਨ ਦੇ ਰਹੀਆਂ ਹਨ ਅਤੇ ਪੁਛਿਆ ਕਿ ਜਦੋਂ ਭਾਰਤ ਅਤੇ ਚੀਨ ਵਿਚਾਲੇ ਲੱਦਾਖ਼ 'ਚ ਸਰਹੱਦ 'ਤੇ ਗਤੀਰੋਧ ਚਲ ਰਿਹਾ ਹੈ
File Photo
ਤਾਂ ਇਸ ਰਕਮ ਨੂੰ ਸਵੀਕਾਰ ਕਿਉਂ ਕੀਤਾ ਜਾ ਰਿਹਾ ਹੈ। ਕਾਂਗਰਸ ਬੁਲਾਰੇ ਅਭਿਸ਼ੇਕ ਮਨੂ ਸਿੰਘਵੀ ਨੇ ਪਿਛਲੇ 6 ਸਾਲ ਦੌਰਾਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਚੀਨੀ ਰਾਸ਼ਟਰਪਤੀ ਸ਼ੀ ਚਿਨਫਿੰਗ ਨਾਲ 18 ਮੁਲਾਕਾਤਾਂ 'ਤੇ ਵੀ ਸਵਾਲ ਚੁੱਕੇ ਅਤੇ ਪੁਛਿਆ ਕਿ ਉਨ੍ਹਾਂ ਨੇ ਚੀਨ ਨੂੰ ਹੁਣ ਤਕ ਕਿਉਂ ਹਮਲਾਵਰ ਨਹੀਂ ਕਿਹਾ। (ਪੀਟੀਆਈ)
