Delhi News : 4 ਆਈ.ਆਈ.ਟੀ., 3 ਆਈ.ਆਈ.ਐਮ, ਏ.ਐਮ.ਯੂ. ਨੇ ਨਹੀਂ ਕੀਤੀ ਰੈਗਿੰਗ ਰੋਕੂ ਨਿਯਮਾਂ ਦੀ ਪਾਲਣਾ 

Delhi News in Punjabi :  ਯੂਨੀਵਰਸਿਟੀ ਗ੍ਰਾਂਟਸ ਕਮਿਸ਼ਨ (ਯੂ.ਜੀ.ਸੀ.) ਦੇ ਅਧਿਕਾਰੀਆਂ ਅਨੁਸਾਰ ਰੈਗਿੰਗ ਰੋਕੂ ਨਿਯਮਾਂ ਦੀ ਪਾਲਣਾ ਨਾ ਕਰਨ ਕਾਰਨ ਚਾਰ ਭਾਰਤੀ ਤਕਨਾਲੋਜੀ ਸੰਸਥਾਨ (ਆਈ.ਆਈ.ਟੀ.) ਅਤੇ ਤਿੰਨ ਇੰਡੀਅਨ ਇੰਸਟੀਚਿਊਟ ਆਫ਼ ਮੈਨੇਜਮੈਂਟ (ਆਈ.ਆਈ.ਐਮ.) ਡਿਫਾਲਟਰਾਂ ਦੀ ਸੂਚੀ ’ਚ ਹਨ।

ਯੂ.ਜੀ.ਸੀ. ਨੇ ਰੈਗਿੰਗ ਵਿਰੋਧੀ ਨਿਯਮਾਂ ਦੀ ਲਾਜ਼ਮੀ ਪਾਲਣਾ ਨਾ ਕਰਨ ਲਈ ਦੇਸ਼ ਭਰ ਦੀਆਂ 89 ਸੰਸਥਾਵਾਂ ਨੂੰ ਕਾਰਨ ਦੱਸੋ ਨੋਟਿਸ ਜਾਰੀ ਕੀਤੇ ਹਨ। ਡਿਫਾਲਟਰਾਂ ਦੀ ਸੂਚੀ ਵਿਚ ਆਈ.ਆਈ.ਟੀ., ਆਈ.ਆਈ.ਐਮ., ਏਮਜ਼ ਅਤੇ ਐਨ.ਆਈ.ਡੀ. ਸਮੇਤ ਕੌਮੀ ਮਹੱਤਵ ਦੇ 17 ਸੰਸਥਾਨ ਸ਼ਾਮਲ ਹਨ। 

ਡਿਫਾਲਟਰ ਆਈ.ਆਈ.ਟੀ. ਹਨ- ਆਈ.ਆਈ.ਟੀ. ਬੰਬਈ, ਆਈ.ਆਈ.ਟੀ. ਖੜਗਪੁਰ, ਆਈ.ਆਈ.ਟੀ. ਪਲੱਕੜ ਅਤੇ ਆਈ.ਆਈ.ਟੀ. ਹੈਦਰਾਬਾਦ। ਇਸੇ ਤਰ੍ਹਾਂ ਆਈ.ਆਈ.ਐਮ. ਬੰਬਈ, ਆਈ.ਆਈ.ਐਮ., ਰੋਹਤਕ ਅਤੇ ਆਈ.ਆਈ.ਐਮ. ਤਿਰੂਚਿਰਪੱਲੀ ਵੀ ਸੂਚੀ ਵਿਚ ਸ਼ਾਮਲ ਹਨ। ਡਿਫਾਲਟਰਾਂ ਵਿਚ ਏਮਜ਼ ਰਾਏਬਰੇਲੀ ਅਤੇ ਨੈਸ਼ਨਲ ਇੰਸਟੀਚਿਊਟ ਆਫ ਡਿਜ਼ਾਈਨ ਦਿੱਲੀ, ਆਂਧਰਾ ਪ੍ਰਦੇਸ਼ ਅਤੇ ਹਰਿਆਣਾ ਵੀ ਸ਼ਾਮਲ ਹਨ। 

ਐਂਟੀ ਰੈਗਿੰਗ ਰੈਗੂਲੇਸ਼ਨਜ਼ 2009 ਅਨੁਸਾਰ ਹਰ ਵਿਦਿਆਰਥੀ ਅਤੇ ਉਨ੍ਹਾਂ ਦੇ ਮਾਪਿਆਂ ਅਤੇ ਸਰਪ੍ਰਸਤਾਂ ਨੂੰ ਦਾਖਲੇ ਦੇ ਸਮੇਂ ਅਤੇ ਹਰ ਅਕਾਦਮਿਕ ਸਾਲ ਦੀ ਸ਼ੁਰੂਆਤ ਵਿਚ ਰੈਗਿੰਗ ਵਿਰੋਧੀ ਅੰਡਰਟੇਕਿੰਗ ਜਮ੍ਹਾਂ ਕਰਵਾਉਣੀ ਲਾਜ਼ਮੀ ਹੈ। 

(For more news apart from Many big institutions included in UGC's defaulter list for not following anti-ragging rules News in Punjabi, stay tuned to Rozana Spokesman)