Gujarat High Court: ਅਜ਼ਾਨ ਲਈ ਲਾਊਡਸਪੀਕਰ ਦੀ ਵਰਤੋਂ 'ਤੇ ਪਾਬੰਦੀ ਦੀ ਮੰਗ ਕਰਨ ਵਾਲੀ ਪਟੀਸ਼ਨ ਖਾਰਜ
Published : Nov 29, 2023, 1:25 pm IST
Updated : Nov 29, 2023, 1:25 pm IST
SHARE ARTICLE
Gujarat High Court Dismisses Plea To Ban Loudspeakers Used For Azaan
Gujarat High Court Dismisses Plea To Ban Loudspeakers Used For Azaan

ਗੁਜਰਾਤ ਹਾਈ ਕੋਰਟ ਨੇ ਕਿਹਾ, “ਮੰਦਰ ਵਿਚ ਵੀ ਸਵੇਰ ਦੀ ਆਰਤੀ ਢੋਲ ਅਤੇ ਸੰਗੀਤ ਨਾਲ 3 ਵਜੇ ਸ਼ੁਰੂ ਹੁੰਦੀ ਹੈ। ਇਸ ਦੀ ਆਵਾਜ਼ ਬਾਹਰ ਨਹੀਂ ਜਾਂਦੀ?”

Gujarat High Court: ਗੁਜਰਾਤ ਹਾਈ ਕੋਰਟ ਨੇ ਮੰਗਲਵਾਰ ਨੂੰ ਮਸਜਿਦਾਂ ਵਿਚ ਅਜ਼ਾਨ ਜਾਂ ਨਮਾਜ਼ ਲਈ ਲਾਊਡਸਪੀਕਰ ਦੀ ਵਰਤੋਂ 'ਤੇ ਪਾਬੰਦੀ ਦੀ ਮੰਗ ਕਰਨ ਵਾਲੀ ਜਨਹਿਤ ਪਟੀਸ਼ਨ ਨੂੰ ਖਾਰਜ ਦਰਦਿਆਂ ਇਸ ਨੂੰ "ਪੂਰੀ ਤਰ੍ਹਾਂ ਗਲਤ ਧਾਰਨਾ" 'ਤੇ ਅਧਾਰਤ ਕਰਾਰ ਦਿਤਾ। ਚੀਫ਼ ਜਸਟਿਸ ਸੁਨੀਤਾ ਅਗਰਵਾਲ ਅਤੇ ਜਸਟਿਸ ਅਨਿਰੁਧ ਪੀ. ਮੇਈ ਦੀ ਡਿਵੀਜ਼ਨ ਬੈਂਚ ਨੇ ਸੁਣਵਾਈ ਦੌਰਾਨ ਇਹ ਵੀ ਪੁੱਛਿਆ ਕਿ ਕੀ ਪਟੀਸ਼ਨਕਰਤਾ ਇਹ ਦਾਅਵਾ ਕਰ ਸਕਦਾ ਹੈ ਕਿ ਮੰਦਰ ਵਿਚ ਆਰਤੀ ਦੌਰਾਨ ਘੰਟੀਆਂ ਦੀ ਆਵਾਜ਼ ਬਾਹਰ ਨਹੀਂ ਸੁਣਾਈ ਦਿੰਦੀ।

ਬਜਰੰਗ ਦਲ ਦੇ ਨੇਤਾ ਸ਼ਕਤੀ ਸਿੰਘ ਝਾਲਾ ਦੁਆਰਾ ਦਾਇਰ ਪਟੀਸ਼ਨ ਵਿਚ ਦਾਅਵਾ ਕੀਤਾ ਗਿਆ ਹੈ ਕਿ ਲਾਊਡਸਪੀਕਰਾਂ ਰਾਹੀਂ ਅਜ਼ਾਨ ਕਾਰਨ ਹੋਣ ਵਾਲਾ 'ਸ਼ੋਰ ਪ੍ਰਦੂਸ਼ਣ' ਲੋਕਾਂ, ਖਾਸ ਕਰਕੇ ਬੱਚਿਆਂ ਦੀ ਸਿਹਤ ਨੂੰ ਪ੍ਰਭਾਵਿਤ ਕਰਦਾ ਹੈ ਅਤੇ ਅਸੁਵਿਧਾ ਦਾ ਕਾਰਨ ਬਣਦਾ ਹੈ। ਹਾਲਾਂਕਿ ਹਾਈ ਕੋਰਟ ਨੇ ਕਿਹਾ ਕਿ ਪਟੀਸ਼ਨ ਵਿਚਲੇ ਦਾਅਵਿਆਂ ਦਾ ਕੋਈ ਵਿਗਿਆਨਕ ਆਧਾਰ ਨਹੀਂ ਹੈ। ਅਦਾਲਤ ਨੇ ਕਿਹਾ ਕਿ ਅਜ਼ਾਨ ਦਿਨ ਦੇ ਵੱਖ-ਵੱਖ ਘੰਟਿਆਂ ਵਿਚ ਇਕ ਵਾਰ ਵਿਚ ਵੱਧ ਤੋਂ ਵੱਧ ਦਸ ਮਿੰਟ ਲਈ ਦਿਤੀ ਜਾਂਦੀ ਹੈ।

ਅਦਾਲਤ ਨੇ ਇਹ ਵੀ ਕਿਹਾ, "ਅਸੀਂ ਇਹ ਸਮਝਣ ਵਿਚ ਅਸਫਲ ਹਾਂ ਕਿ ਸਵੇਰ ਵੇਲੇ ਲਾਊਡਸਪੀਕਰ ਰਾਹੀਂ ਅਜ਼ਾਨ ਦੇਣ ਵਾਲੀ ਮਨੁੱਖੀ ਆਵਾਜ਼ ਸ਼ੋਰ ਪ੍ਰਦੂਸ਼ਣ ਦੇ ਪੱਧਰ (ਡੈਸੀਬਲ) ਤਕ ਕਿਵੇਂ ਪਹੁੰਚ ਸਕਦੀ ਹੈ, ਜਿਸ ਨਾਲ ਲੋਕਾਂ ਦੀ ਸਿਹਤ ਨੂੰ ਵੱਡੇ ਪੱਧਰ 'ਤੇ ਖ਼ਤਰਾ ਹੈ।" ਅਦਾਲਤ ਨੇ ਕਿਹਾ, "ਅਸੀਂ ਇਸ ਤਰ੍ਹਾਂ ਦੀ ਜਨਹਿੱਤ ਪਟੀਸ਼ਨ 'ਤੇ ਵਿਚਾਰ ਨਹੀਂ ਕਰ ਰਹੇ ਹਾਂ। ਇਹ ਇਕ ਵਿਸ਼ਵਾਸ ਅਤੇ ਅਭਿਆਸ ਹੈ ਜੋ ਸਾਲਾਂ ਤੋਂ ਚੱਲ ਰਿਹਾ ਹੈ, ਜੋ ਪੰਜ-ਦਸ ਮਿੰਟਾਂ ਲਈ ਹੁੰਦਾ ਹੈ।"

ਅਦਾਲਤ ਨੇ ਵਕੀਲ ਨੂੰ ਪੁੱਛਿਆ, “ਤੁਹਾਡੇ ਮੰਦਰ ਵਿਚ ਵੀ ਸਵੇਰ ਦੀ ਆਰਤੀ ਢੋਲ ਅਤੇ ਸੰਗੀਤ ਨਾਲ 3 ਵਜੇ ਸ਼ੁਰੂ ਹੁੰਦੀ ਹੈ। ਕੀ ਤੁਸੀਂ ਕਹਿ ਸਕਦੇ ਹੋ ਕਿ ਇਸ ਦਾ ਸ਼ੋਰ ਸਿਰਫ ਮੰਦਰ ਦੇ ਪਰਿਸਰ ਵਿਚ ਰਹਿੰਦਾ ਹੈ ਅਤੇ ਬਾਹਰ ਨਹੀਂ ਫੈਲਦਾ?” ਅਦਾਲਤ ਨੇ ਕਿਹਾ ਕਿ ਸ਼ੋਰ ਪ੍ਰਦੂਸ਼ਣ ਦੇ ਪੱਧਰ ਨੂੰ ਮਾਪਣ ਲਈ ਇਕ ਵਿਗਿਆਨਕ ਤਰੀਕਾ ਹੈ, ਪਰ ਪਟੀਸ਼ਨ ਵਿਚ ਇਹ ਦਰਸਾਉਣ ਲਈ ਕੋਈ ਅੰਕੜਾ ਨਹੀਂ ਦਿਤਾ ਗਿਆ ਕਿ 10 ਮਿੰਟ ਦੀ ਅਜ਼ਾਨ ਸ਼ੋਰ ਪ੍ਰਦੂਸ਼ਣ ਦਾ ਕਾਰਨ ਬਣਦੀ ਹੈ।

(For more news apart from Gujarat High Court Dismisses Plea To Ban Loudspeakers Used For Azaan, stay tuned to Rozana Spokesman)

Location: India, Gujarat, Ahmedabad

SHARE ARTICLE

ਏਜੰਸੀ

ਸਬੰਧਤ ਖ਼ਬਰਾਂ

Advertisement
Advertisement

Sukhbir Badal ਦੇ ਸੁਖ ਵਿਲਾਸ Hotel ਬਾਰੇ CM Mann ਦਾ ਵੱਡਾ ਐਕਸ਼ਨ, ਕੱਢ ਲਿਆਏ ਕਾਗ਼ਜ਼, Press Conference LIVE

29 Feb 2024 4:22 PM

Shubkaran ਦੀ ਮੌਤ ਮਾਮਲੇ 'ਚ high court ਦੇ ਵਕੀਲ ਨੇ ਕੀਤੇ ਵੱਡੇ ਖੁਲਾਸੇ ਦੇਰੀ ਨਾਲ ਹੋਵੇਗਾ postmortem

29 Feb 2024 1:18 PM

Subhkaran ਦੇ ਪੋਸਟਮਾਰਟਮ ਬਾਰੇ ਪਤਾ ਲੱਗਦੇ ਹੀ ਪਹੁੰਚ ਗਏ Kisan ! ਦੇਖੋ LIVE ਤਸਵੀਰਾਂ

29 Feb 2024 12:00 PM

ਖੇਤੀ ਕਿਵੇਂ ਤੇ ਕਿਉਂ ਬਣੀ ਘਾਟੇ ਦਾ ਸੌਦਾ? ਕੌਣ ਕਰਦਾ ਹੈ ਗਲਤ ਅੰਕੜੇ ਪੇਸ਼? ਕਿਸਾਨ ਕੋਲ ਬਚਿਆ ਬੱਸ ਇਹੋ ਆਖਰੀ ਹੱਲ

29 Feb 2024 11:37 AM

ਖ਼ਤਰੇ 'ਚ ਹਿਮਾਚਲ ਦੀ ਸੁੱਖੂ ਸਰਕਾਰ, ਕਾਂਗਰਸ ਨੂੰ ਕਾਂਗਰਸ ਨੇ ਹਰਾਇਆ! ਹਿਮਾਚਲ ਸਿਆਸਤ 'ਚ ਉਥਲ-ਪੁਥਲ ਦਾ ਸੂਤਰਧਾਰ ਕੌਣ?

29 Feb 2024 11:21 AM
Advertisement