ਕੇਂਦਰੀ ਪ੍ਰਦੂਸ਼ਣ ਨਿਯੰਤਰਣ ਬੋਰਡ ਨੇ ਦਿੱਲੀ ਪੁਲਿਸ ਨੂੰ ਪਟਾਕੇ ਚਲਾਉਣ ਸਬੰਧੀ ਸੁਪਰੀਮ ਕੋਰਟ ਦੇ ਹੁਕਮ ਨੂੰ ਨਵੇਂ ਸਾਲ ਵਿਚ ਯਕੀਨੀ ਬਣਾਉਣ ਦਾ ਹੁਕਮ ਦਿਤਾ ਹੈ।
ਨਵੀਂ ਦਿੱਲੀ : ਕੇਂਦਰੀ ਪ੍ਰਦੂਸ਼ਣ ਨਿਯੰਤਰਣ ਬੋਰਡ ਨੇ ਦਿੱਲੀ ਪੁਲਿਸ ਨੂੰ ਪਟਾਕੇ ਚਲਾਉਣ ਸਬੰਧੀ ਸੁਪਰੀਮ ਕੋਰਟ ਦੇ ਹੁਕਮ ਨੂੰ ਨਵੇਂ ਸਾਲ ਵਿਚ ਲਾਗੂ ਕਰਨ ਨੂੰ ਯਕੀਨੀ ਬਣਾਉਣ ਦਾ ਹੁਕਮ ਦਿਤਾ ਹੈ। ਸੀਪੀਸੀਬੀ ਮੁਖੀ ਐਸਪੀ ਸਿੰਘ ਪਰਿਹਾਰ ਨੇ ਜ਼ਾਰੀ ਕੀਤੇ ਨੋਟਿਸ ਵਿਚ ਪੁਲਿਸ ਮੁਖੀ ਨੂੰ ਇਹ ਯਕੀਨੀ ਬਣਾਉਣ ਲਈ ਕਿਹਾ ਕਿ ਵਾਤਾਵਰਣ ਹਿਤੈਸ਼ੀ ਪਟਾਕਿਆਂ ਨੂੰ ਦੋ ਘੰਟੇ ਦੀ ਨਿਰਧਾਰਤ ਮਿਆਦ ਤੱਕ ਚਲਾਉਣ ਦੇ ਹੁਕਮ ਦੀ ਪਾਲਣਾ ਯਕੀਨੀ ਬਣਾਈ ਜਾਵੇ।
Central Pollution Control Board
ਅਦਾਲਤ ਨੇ ਹੁਕਮ ਦਿਤਾ ਹੈ ਕਿ ਦੀਵਾਲੀ ਅਤੇ ਹੋਰਨਾਂ ਤਿਉਹਾਰਾਂ ਦੇ ਮੌਕੇ ਪਟਾਕੇ ਚਲਾਉਣ ਦੀ ਮਿਆਦ ਦੋ ਘੰਟੇ ਤੱਕ ਸੀਮਤ ਹੋਵੇ ਅਤੇ ਦਿੱਲੀ ਅਤੇ ਰਾਸ਼ਟਰੀ ਰਾਜਧਾਨੀ ਖੇਤਰ ਵਿਚ ਸਿਰਫ ਵਾਤਾਵਰਣ ਹਿਤੈਸ਼ੀ ਪਟਾਕਿਆਂ ਦੀ ਹੀ ਵਿਕਰੀ ਹੋਵੇ। ਹਾਲਾਂਕਿ ਦੀਵਾਲੀ ਮੌਕੇ ਇਸ ਹੁਕਮ ਦੀ ਉਲੰਘਣਾ ਕਰਦੇ ਹੋਏ ਦੇਸ਼ ਵਿਚ ਕਈ ਥਾਵਾਂ 'ਤੇ ਧੂੰਏ ਵਾਲੇ ਪਟਾਕੇ ਚਲਾਏ ਗਏ। ਸੀਪੀਸੀਬੀ ਨੇ ਸੁਪਰੀਮ ਕੋਰਟ ਦੇ ਹੁਕਮ ਦੀ ਉਲੰਘਣਾ 'ਤੇ ਪੁਲਿਸ ਮੁਖੀ ਤੋਂ ਸਪਸ਼ਟੀਕਰਨ ਮੰਗਿਆ ਸੀ।
Eco friendly crackers
ਉਹਨਾਂ ਕਿਹਾ ਕਿ ਜਵਾਬ ਵਿਚ ਪੁਲਿਸ ਮੁਖੀ ਨੇ ਕਿਹਾ ਹੈ ਕਿ ਕੋਈ ਅਸਥਾਈ ਲਾਇਸੈਂਸ ਜ਼ਾਰੀ ਨਹੀਂ ਕੀਤਾ ਗਿਆ ਹੈ। ਸਾਰੇ 18 ਲਾਇਸੈਂਸ ਧਾਰਕਾਂ ਦੇ ਖੇਤਰਾਂ ਦਾ ਨਿਰੀਖਣ ਕੀਤਾ ਗਿਆ ਅਤੇ ਉਹਨਾਂ ਵਿਚੋਂ ਦੋ ਵਿਰੁਧ ਕਾਰਨ ਦੱਸੋਂ ਨੋਟਿਸ ਜ਼ਾਰੀ ਕੀਤੇ ਗਏ ਸਨ। ਦਿੱਲੀ ਪੁਲਿਸ ਨੇ ਸੀਪੀਸੀਬੀ ਨੂੰ ਇਹ ਵੀ ਸੂਚਨਾ ਦਿਤੀ ਕਿ ਸਿਖਰ ਅਦਾਲਤ ਦੇ ਹੁਕਮਾਂ ਦੀ ਉਲੰਘਣਾ ਕਰਨੇ ਦੇ ਮਾਮਲੇ ਵਿਚ 613 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ ਅਤੇ 8386 ਵਿਸਫੋਟਕ ਜ਼ਬਤ ਕੀਤਾ ਗਿਆ ਸੀ।
