ਉਹਨਾਂ ਨੇ ਇਹ ਵੀ ਕਿਹਾ ਕਿ ਅਰਧਸੈਨਿਕ ਬਲ ਦੇ ਜਵਾਨਾਂ ਦੇ ਪਰਵਾਰਾਂ ਨੂੰ ਸਿਹਤ ਕਾਰਡ ਦੀ ਸੁਵਿਧਾ ਪ੍ਰਦਾਨ ਕੀਤੀ ਜਾਵੇਗੀ।
ਨਵੀਂ ਦਿੱਲੀ: ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਸੁਰੱਖਿਆ ਬਲਾਂ ਦੇ ਜਵਾਨਾਂ ਦੇ ਪਰਵਾਰਾਂ ਦੀ ਦੇਖਭਾਲ ਕਰਨ ਲਈ ਪ੍ਰਬੰਧ ਕੀਤਾ ਹੈ। ਸੀਆਰਪੀਐਫ ਦੇ ਨਵੇਂ ਹੈਡਕੁਆਰਟਰ ਭਵਨ ਦਾ ਨੀਂਹ ਪੱਥਰ ਰੱਖਣ ਵਾਲੇ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਕਿਹਾ ਕਿ ਸਰਕਾਰ ਚਾਹੁੰਦੀ ਹੈ ਕਿ ਅਰਧਸੈਨਿਕ ਬਲ ਦੇ ਜਵਾਨ ਘਟ ਤੋਂ ਘਟ 100 ਦਿਨ ਅਪਣੇ ਪਰਵਾਰ ਨਾਲ ਬਿਤਾਉਣ।
Amit shah ਉਹਨਾਂ ਨੇ ਇਹ ਵੀ ਕਿਹਾ ਕਿ ਅਰਧਸੈਨਿਕ ਬਲ ਦੇ ਜਵਾਨਾਂ ਦੇ ਪਰਵਾਰਾਂ ਨੂੰ ਸਿਹਤ ਕਾਰਡ ਦੀ ਸੁਵਿਧਾ ਪ੍ਰਦਾਨ ਕੀਤੀ ਜਾਵੇਗੀ। ਸੀਆਰਪੀਐਫ ਵਿਚ ਤਿੰਨ ਲੱਖ ਤੋਂ ਵਧ ਜਵਾਨ ਹਨ ਅਤੇ ਇਹ ਬਲ ਨਕਸਲ ਵਿਰੋਧੀ ਅਭਿਆਨਾਂ ਦਾ ਮੁੱਖ ਆਧਾਰ ਰਿਹਾ ਹੈ। ਕੇਂਦਰੀ ਰਿਜ਼ਰਵ ਪੁਲਿਸ ਬਲ ਦਾ ਨਵਾਂ ਹੈਡਕੁਆਰਟਰ ਲੋਧੀ ਰੋਡ ਤੇ 277 ਕਰੋੜ ਰੁਪਏ ਦੀ ਲਾਗਤ ਨਾਲ 2.23 ਏਕੜ ਜ਼ਮੀਨ ਤੇ ਬਣੇਗਾ।
Photo ਜੋ ਸੀਬੀਆਈ ਦੇ ਹੈਡਕੁਆਰਟਰ ਨਾਲ ਲਗਦੀ ਹੈ। ਸੀਪੀਡਬਲਯੂਡੀ ਨੂੰ 2022 ਤਕ ਨਵੇਂ ਭਵਨ ਦੇ ਨਿਰਮਾਣ ਦਾ ਕੰਮ ਸੌਂਪਿਆ ਗਿਆ ਹੈ। ਸੀਆਰਪੀਐਫ ਦਾ ਵਰਤਮਾਨ ਹੈਡਕੁਆਰਟਰ ਲੋਧੀ ਰੋਡ ਤੇ ਕੇਂਦਰ ਸਰਕਾਰੀ ਦਫ਼ਤਰ ਕੈਂਪਸ ਵਿਚ ਬਲਾਕ ਨੰਬਰ 1 ਸਥਿਤ ਹੈ, ਪਰ ਹੈਡਕੁਆਰਟਰ ਦੀ ਇਮਾਰਤ ਵਿਚ ਜਗ੍ਹਾ ਦੀ ਕਮੀ ਹੈ। ਇਸ ਦੇ ਚਲਦੇ ਕਈ ਦਫ਼ਤਰ ਜਿਵੇਂ ਆਰਏਐਫ, ਕੋਬਰਾ, ਮੈਡੀਕਲ, ਸਿਖਲਾਈ, ਸੰਚਾਰ ਅਤੇ ਕਾਰਜ ਅਤੇ ਭਰਤੀ ਦਫ਼ਤਰ ਰਾਸ਼ਟਰੀ ਰਾਜਧਾਨੀ ਵਿਚ ਵੱਖ-ਵੱਖ ਥਾਵਾਂ ਤੇ ਸਥਿਤ ਹਨ।
Photoਨਵਾਂ ਹੈਡਕੁਆਰਟਰ 12 ਮੰਜਿਲਾ ਹੋਵੇਗਾ, ਜਿਸ ਵਿਚ ਆਡੀਟੋਰੀਅਮ, ਕਾਨਫਰੰਸ ਰੂਮ, ਅਧੀਨ ਕੰਮ ਕਰਨ ਵਾਲੇ ਸਟਾਫ ਲਈ ਬੈਰਕ, ਕੰਟੀਨ, ਜਿਮਨੇਜ਼ੀਅਮ, ਗੈਸਟ ਹਾਊਸ, ਰਸੋਈ ਅਤੇ ਡਾਇਨਿੰਗ ਰੂਮ ਅਤੇ 520 ਕਾਰਾਂ ਅਤੇ 15 ਬੱਸਾਂ ਦੀ ਪਾਰਕਿੰਗ ਹੋਵੇਗਾ।
Photoਦਫਤਰ ਦੇ ਬਲਾਕ ਨੂੰ ਕੈਫੇਟੇਰੀਆ ਨਾਲ ਜੋੜਨ ਲਈ ਇਮਾਰਤ ਦੀ ਛੇਵੀਂ ਅਤੇ ਸੱਤਵੀਂ ਮੰਜ਼ਿਲ 'ਤੇ ਸਕਾਈਵਾਕ ਬਣਾਏ ਜਾਣਗੇ। ਇਮਾਰਤ ਵਿਚ ਪਾਣੀ ਅਤੇ ਸੀਵਰੇਜ ਟਰੀਟਮੈਂਟ ਪਲਾਂਟ, ਮੀਂਹ ਦੇ ਪਾਣੀ ਦੀ ਕਟਾਈ ਪ੍ਰਣਾਲੀ ਅਤੇ ਇਕ ਸਵਦੇਸ਼ੀ ਹਵਾਦਾਰੀ ਪ੍ਰਣਾਲੀ ਦੀ ਵੀ ਤਜਵੀਜ਼ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
