ਪਿੱਛੇ ਤੋਂ ਫਾਰਚੂਨਰ ਕਾਰ ਅਚਾਨਕ ਅੱਗੇ ਨਿਕਲੀ। ਕੁਝ ਹੀ ਦੂਰੀ ‘ਤੇ ਕਾਰ ਡਰਾਈਵਰ ਨੇ ਅਚਾਨਕ ਬ੍ਰੇਕ ਲਗਾ ਦਿੱਤੀ।
ਹਰਿਆਣਾ: ਹਰਿਆਣੇ ਦੀ ਮਸ਼ਹੂਰ ਡਾਂਸਰ ਸਪਨਾ ਚੌਧਰੀ ਦੇ ਡਾਂਸ ਦੇ ਹਰ ਪਾਸੇ ਚਰਚੇ ਹਨ। ਉਹਨਾਂ ਦੇ ਡਾਂਸ ਦਾ ਹਰ ਕੋਈ ਦਿਵਾਨਾ ਹੈ। ਸਪਨਾ ਚੌਧਰੀ ਦੇ ਡਾਂਸ ਦੀਆਂ ਵੀਡੀਉ ਬਹੁਤ ਵਾਇਰਲ ਹੁੰਦੀਆਂ ਹਨ। ਹਾਲ ਹੀ ਵਿਚ ਉਸ ਦੀ ਇਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਸ਼ਾਪਿੰਗ ਕਰਕੇ ਸੋਹਨਾ ਰੋਡ ਤੋਂ ਪਰਤ ਰਹੀ ਸਪਨਾ ਚੌਧਰੀ ਦੀ ਕਾਰ ਨੂੰ ਵਾਟਿਕਾ ਚੌਕ ਨੇੜੇ ਇਕ ਤੇਜ਼ ਰਫਤਾਰ ਕਾਰ ਨੇ ਟੱਕਰ ਮਾਰ ਦਿੱਤੀ।
ਪਰ ਉਸ ਦੀ ਜਾਨ ਬਚ ਗਈ ਹੈ। ਉਸ ਨੂੰ ਕੋਈ ਸੱਟ ਵਗੈਰਾ ਨਹੀਂ ਲੱਗੀ। ਸਪਨਾ ਨੇ ਪੁਲਿਸ ਨੂੰ ਕੋਈ ਸ਼ਿਕਾਇਤ ਨਹੀਂ ਕੀਤੀ ਸੀ ਤੇ ਉੱਥੇ ਚਲੀ ਗਈ। ਇਹ ਘਟਨਾ ਵੀਰਵਾਰ ਦੀ ਰਾਤ ਨੂੰ ਵਾਪਰੀ ਸੀ। ਹੀਰੋ ਹੋਂਡਾ ਚੌਕ ਨੇੜੇ 25 ਦਸੰਬਰ ਰਾਤ 12 ਤੋਂ ਇਕ ਵਜੇ ਕੈਂਟਰ ਜਿਸ ਫਾਰਚੂਨਰ ਨਾਲ ਟਕਰਾਇਆ ਸੀ ਉਸ ਦੀ ਪਛਾਣ ਕਰ ਲਈ ਗਈ ਹੈ। ਕਾਰ ਹਰਿਆਣਵੀ ਸਿੰਗਰ ਤੇ ਡਾਂਸਰ ਸਪਨਾ ਚੌਧਰੀ ਦੇ ਨਾਂ ‘ਤੇ ਹੈ।
ਹਾਦਸੇ ਵਾਲੀ ਰਾਤ ਕਾਰ ‘ਚ ਦੋ ਨੌਜਵਾਨ ਸਨ। ਉਹ ਨੌਜਵਾਨ ਕੌਣ ਸਨ, ਕਿਸ ਕਾਰਨ ਹੋਇਆ ਸੀ ਹਾਦਸਾ, ਇਸ ਬਾਰੇ ਸਦਰ ਥਾਣਾ ਪੁਲਿਸ ਨੇ ਕਾਰ ਮਾਲਕ ਨੂੰ ਆਪਣਾ ਪੱਖ ਰੱਖਣ ਲਈ ਨੋਟਿਸ ਭੇਜਿਆ ਹੈ। ਨਾਲ ਹੀ ਕੈਂਟਰ ਡਰਾਈਵਰ ਨੂੰ ਵੀ ਨੋਟਿਸ ਦਿੱਤਾ ਗਿਆ ਹੈ ਤਾਂ ਜੋ ਹਾਦਸੇ ਦੀ ਸੱਚਾਈ ਸਾਹਮਣੇ ਆ ਸਕੇ।ਸਦਰ ਥਾਣਾ ਇੰਚਾਰਜ ਬਸੰਤ ਕੁਮਾਰ ਨੇ ਕਿਹਾ ਕਿ ਸੁਭਾਸ਼ ਚੌਕ ਤੋਂ ਹੀਰੋ ਹੋਂਡਾ ਚੌਕ ਵੱਲ ਇਕ ਕੈਂਟਰ ਜਾ ਰਿਹਾ ਸੀ।
ਪਿੱਛੇ ਤੋਂ ਫਾਰਚੂਨਰ ਕਾਰ ਅਚਾਨਕ ਅੱਗੇ ਨਿਕਲੀ। ਕੁਝ ਹੀ ਦੂਰੀ ‘ਤੇ ਕਾਰ ਡਰਾਈਵਰ ਨੇ ਅਚਾਨਕ ਬ੍ਰੇਕ ਲਗਾ ਦਿੱਤੀ। ਇਸ ਨਾਲ ਕੈਂਟਰ ਉਸ ਵਿਚ ਟਕਰਾ ਗਿਆ। ਹਾਦਸੇ ਕਾਰਨ ਕਾਰ ਤੇ ਕੈਂਟਰ ਨੂੰ ਦੋਵਾਂ ਨੂੰ ਨੁਕਸਾਨ ਹੋਇਆ। ਇਸ ਤੋਂ ਇਲਾਵਾ ਤੁਹਾਨੂੰ ਦੱਸ ਦਈਏ ਕਿ ਸਪਨਾ ਦਾ ਅਸਲ ਨਾਮ ‘ਸਪਨਾ ਚੌਧਰੀ’ ਨਹੀਂ ਬਲਕਿ ‘ਸੁਸ਼ਮਿਤਾ’ ਹੈ।
ਜਦੋਂ ਸਪਨਾ ਬਿਗ ਬੌਸ 11 ਦੀ ਸ਼ੂਟਿੰਗ ਕਰ ਰਹੀ ਸੀ ਤਾਂ ਉਸ ਦੀ ਮਾਂ ਨੀਲਮ ਚੌਧਰੀ ਨੇ ਇਕ ਇੰਟਰਵਿਊ ਦੌਰਾਨ ਇਹ ਖੁਲਾਸਾ ਕੀਤਾ। ਹਾਲ ਹੀ ਵਿੱਚ ਸਪਨਾ ਦਾ ਨਵਾਂ ਹਰਿਆਣਵੀ ਗੀਤ ‘ਲੂਟੇਰਾ’ ਰਿਲੀਜ਼ ਹੋਇਆ ਹੈ। ਇਸ ਵੀਡੀਓ ਵਿੱਚ ਉਸਨੇ ਆਪਣੇ ਧੜਕਦੇ ਡਾਂਸ ਨਾਲ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤ ਲਿਆ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।