ਮਨੁੱਖੀ ਸਰੀਰ 'ਤੇ ਲੰਬੇ ਸਮੇਂ ਤੋਂ ਖੋਜਾਂ ਹੁੰਦੀਆਂ ਆ ਰਹੀਆਂ ਹਨ, ਜਿਨ੍ਹਾਂ ਨਾਲ ਵਿਗਿਆਨੀਆਂ ਨੇ ਕਈ ਬਿਮਾਰੀਆਂ ਦੇ ਇਲਾਜ ਵੀ ਲੱਭੇ ਹਨ ਪਰ ਹੁਣ ਵਿਗਿਆਨੀਆਂ ਨੇ ਇਕ
ਨਵੀਂ ਦਿੱਲੀ : ਮਨੁੱਖੀ ਸਰੀਰ 'ਤੇ ਲੰਬੇ ਸਮੇਂ ਤੋਂ ਖੋਜਾਂ ਹੁੰਦੀਆਂ ਆ ਰਹੀਆਂ ਹਨ, ਜਿਨ੍ਹਾਂ ਨਾਲ ਵਿਗਿਆਨੀਆਂ ਨੇ ਕਈ ਬਿਮਾਰੀਆਂ ਦੇ ਇਲਾਜ ਵੀ ਲੱਭੇ ਹਨ ਪਰ ਹੁਣ ਵਿਗਿਆਨੀਆਂ ਨੇ ਇਕ ਅਜਿਹਾ ਅੰਗ ਖੋਜਿਆ ਹੈ ਜੋ ਸ਼ਾਇਦ ਮਨੁੱਖੀ ਸਰੀਰ ਦਾ ਸਭ ਤੋਂ ਵੱਡਾ ਅੰਗ ਹੋ ਸਕਦਾ ਹੈ।
Interstitium New Organ Discovered Human Body
ਹੈਰਾਨੀ ਦੀ ਗੱਲ ਇਹ ਹੈ ਕਿ ਹੁਣ ਤਕ ਵਿਗਿਆਨੀ ਇਸ ਤੋਂ ਅਣਜਾਣ ਸਨ। ਇਸ ਅੰਗ ਦਾ ਨਾਂ ਇੰਟਰਸਿਟੀਅਮ ਹੈ। ਵਿਗਿਆਨੀਆਂ ਨੂੰ ਉਮੀਦ ਹੈ ਕਿ ਇਸ ਨਵੀਂ ਖੋਜ ਦੀ ਮਦਦ ਨਾਲ ਮਨੁੱਖ ਦੇ ਸਰੀਰ ਵਿਚ ਕੈਂਸਰ ਕਿਵੇਂ ਫੈਲਦਾ ਹੈ, ਇਸ ਨੂੰ ਅਸਾਨੀ ਨਾਲ ਸਮਝਿਆ ਜਾ ਸਕੇਗਾ।
Interstitium New Organ Discovered Human Body
ਇੰਟਰਸਿਟੀਅਮ ਮਨੁੱਖੀ ਸਰੀਰ ਦਾ 80ਵਾਂ ਅੰਗ ਹੋਵੇਗਾ। ਮਨੁੱਖੀ ਸਰੀਰ ਵਿਚ ਅੰਗਾਂ, ਕੋਸ਼ਿਕਾ ਸਮੂਹਾਂ ਅਤੇ ਊਤਕਾਂ ਦੇ ਵਿਚਕਾਰ ਮੌਜੂਦ ਫਲੂਡ ਭਾਵ ਦ੍ਰਵ ਪਦਾਰਥਾਂ ਦਾ ਨੈੱਟਵਰਕ ਇੰਟਰਸਿਟੀਅਮ ਹੈ। ਹੁਣ ਤੋਂ ਪਹਿਲਾਂ ਇਸ ਅੰਗ ਨੂੰ ਸਰੀਰ ਵਿਚ ਇਕ-ਦੂਜੇ ਨਾਲ ਜੁੜੇ ਊਤਕਾਂ ਦੀ ਡੂੰਘੀ ਸੰਰਚਨਾ ਸਮਝਿਆ ਜਾਂਦਾ ਸੀ। ਮਾਹਿਰਾਂ ਮੁਤਾਬਕ ਫਲੂਡ ਨਾਲ ਭਰੇ ਕਪਾਰਟਮੈਂਟ ਦਾ ਇਹ ਨੈੱਟਵਰਕ 'ਸ਼ਾਕ ਅਬਜ਼ਰਵਰ' ਵਾਂਗ ਕੰਮ ਕਰ ਸਕਦਾ ਹੈ।
Interstitium New Organ Discovered Human Body
ਇੰਟਰਸਿਟੀਅਮ ਦਾ ਜ਼ਿਆਦਾਤਰ ਹਿੱਸਾ ਚਮੜੀ ਦੀ ਉਪਰਲੀ ਪਰਤ ਦੇ ਠੀਕ ਹੇਠਾਂ ਹੁੰਦਾ ਹੈ। ਇਸ ਦੇ ਨਾਲ ਹੀ ਇਹ ਅੰਤੜੀਆਂ, ਫੇਫੜੇ, ਖ਼ੂਨ ਨਲੀਆਂ ਅਤੇ ਮਾਸਪੇਸ਼ੀਆਂ ਦੇ ਹੇਠਾਂ ਵੀ ਪਰਤ ਦੇ ਰੂਪ ਵਿਚ ਪਾਏ ਜਾਂਦੇ ਹਨ। ਇਹ ਆਪਸ ਵਿਚ ਜੁੜ ਕੇ ਇਕ ਨੈੱਟਵਰਕ ਬਣਾਉਣੇ ਹਨ, ਜਿਸ ਨੂੰ ਮਜ਼ਬੂਤ ਅਤੇ ਲਚਕੀਲੇ ਪ੍ਰੋਟੀਨ ਦੇ ਜਾਲ ਦਾ ਸਪੋਰਟ ਮਿਲਿਆ ਹੁੰਦਾ ਹੈ।
Interstitium New Organ Discovered Human Body
ਵਿਗਿਆਨੀਆਂ ਦਾ ਮੰਨਣਾ ਹੈ ਕਿ ਹੋ ਸਕਦਾ ਹੈ ਕਿ ਇੰਟਰਸਿਟੀਅਮ ਦੇ ਵਿਚਕਾਰਲੇ ਖ਼ਾਲੀ ਸਥਾਨ ਸਰੀਰ ਵਿਚ ਕੈਂਸਰ ਫੈਲਣ ਵਿਚ ਮਦਦ ਕਰਦੇ ਹੋਣ। ਇਸ ਪਰਤ ਦੇ ਹੇਠਾਂ ਪਹੁੰਚਣ ਤੋਂ ਬਾਅਦ ਹੀ ਕੈਂਸਰ ਪੂਰੇ ਸਰੀਰ ਵਿਚ ਫੈਲਣ ਲਗਦਾ ਹੈ। ਵਿਗਿਆਨੀਆਂ ਨੂੰ ਉਮੀਦ ਹੈ ਕਿ ਇਸ ਨਵੀਂ ਖੋਜ ਨਾਲ ਕੈਂਸਰ ਦੇ ਇਲਾਜ ਵਿਚ ਮਦਦ ਮਿਲੇਗੀ।
Interstitium New Organ Discovered Human Body
ਜ਼ਿਕਰਯੋਗ ਹੈ ਕਿ ਸਦੀਆਂ ਤੋਂ ਮਨੁੱਖੀ ਸਰੀਰ ਦਾ ਅਧਿਐਨ ਕੀਤਾ ਜਾਂਦਾ ਹੈ। ਹੁਣ ਤਕ ਇਹੀ ਤੱਥ ਸੀ ਕਿ ਮਨੁੱਖੀ ਸਰੀਰ ਵਿਚ ਕੁਲ 79 ਅੰਗ ਹੁੰਦੇ ਹਨ। ਇਸ ਨਵੀਂ ਖੋਜ ਦਾ ਹੈਰਾਨੀਜਨਕ ਪਹਿਲੂ ਇਹ ਹੈ ਕਿ ਸਰੀਰ ਦਾ ਸਭ ਤੋਂ ਵੱਡਾ ਅੰਗ ਹੋਣ ਦੇ ਬਾਵਜੂਦ ਅਸੀਂ ਸਾਲਾਂ ਤੋਂ ਇਸ ਤੋਂ ਅਣਜਾਣ ਸੀ।
