ਅਮਰੀਕਾ ਦੇ 35 ਰਾਜਾਂ ਨੇ ਬੁੱਧਵਾਰ ਨੂੰ ਕੁੱਝ ਪਲਾਨ ਸਾਂਝੇ ਕੀਤੇ ਗਏ ਹਨ ਜਿਹਨਾਂ ਵਿਚ...
ਨਵੀਂ ਦਿੱਲੀ: ਕੋਰੋਨਾ ਵਾਇਰਸ ਮਹਾਂਮਾਰੀ ਦਾ ਸਭ ਤੋਂ ਵੱਧ ਪ੍ਰਕੋਪ ਅਮਰੀਕਾ ਵਿਚ ਦੇਖਣ ਨੂੰ ਮਿਲਿਆ ਹੈ। ਇੱਥੇ 10 ਲੱਖ ਤੋਂ ਵਧ ਲੋਕ ਇਸ ਦਾ ਸ਼ਿਕਾਰ ਹੋਏ ਹਨ ਜਦਕਿ 60 ਹਜ਼ਾਰ ਤੋਂ ਜ਼ਿਆਦਾ ਲੋਕ ਅਪਣੀ ਜਾਨ ਗੁਆ ਚੁੱਕੇ ਹਨ। ਇਸ ਮਹਾਂਸੰਕਟ ਦੇ ਚਲਦੇ ਹੁਣ ਅਮਰੀਕਾ ਨੇ ਹੌਲੀ-ਹੌਲੀ ਦੇਸ਼ ਵਿਚ ਆਵਾਜਾਈ-ਵਪਾਰ ਆਦਿ ਖੋਲ੍ਹਣ ਵੱਲ ਕਦਮ ਵਧਾ ਦਿੱਤੇ ਹਨ।
Donald Trump
ਅਮਰੀਕਾ ਦੇ 35 ਰਾਜਾਂ ਨੇ ਬੁੱਧਵਾਰ ਨੂੰ ਕੁੱਝ ਪਲਾਨ ਸਾਂਝੇ ਕੀਤੇ ਗਏ ਹਨ ਜਿਹਨਾਂ ਵਿਚ ਹੁਣ ਦੀ ਸਥਿਤੀ ਵਿਚੋਂ ਕਿਵੇਂ ਨਿਕਲਿਆ ਜਾਵੇ ਅਤੇ ਸਭ ਕੁੱਝ ਕਿਵੇਂ ਖੋਲ੍ਹਿਆ ਜਾਵੇ ਇਸ ਦੀ ਚਰਚਾ ਕੀਤੀ ਗਈ। ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਵ੍ਹਾਈਟ ਹਾਊਸ ਵਿਚ ਕਿਹਾ ਕਿ ਕੋਰੋਨਾ ਵਾਇਰਸ ਕਾਰਨ ਜਿੰਨੀਆਂ ਵੀ ਮੌਤਾਂ ਹੋਈਆਂ ਹਨ ਉਹਨਾਂ ਨੂੰ ਉਹਨਾਂ ਦਾ ਦੁੱਖ ਹੈ।
Donald Trump
ਇਕ ਵੀ ਮੌਤ ਹੋਣੀ ਉਹਨਾਂ ਲਈ ਵੱਡਾ ਝਟਕਾ ਹੈ ਪਰ ਉਹਨਾਂ ਨੇ ਅੱਗੇ ਵੀ ਵਧਣਾ ਹੈ। ਦਸ ਦਈਏ ਕਿ ਕੋਰੋਨਾ ਵਾਇਰਸ ਕਾਰਨ ਅਮਰੀਕਾ ਵਿਚ ਸਟੇ ਏਟ ਹੋਮ ਦਾ ਆਦੇਸ਼ ਲਾਗੂ ਹੈ ਇਸ ਕਰ ਕੇ ਸਾਰੀਆਂ ਇੰਡਸਟਰੀਆਂ, ਬਿਜ਼ਨੈਸ ਬੰਦ ਪਏ ਹਨ। ਉੱਥੇ ਹੀ 90 ਫ਼ੀਸਦੀ ਤੋਂ ਜ਼ਿਆਦਾ ਲੋਕ ਅਪਣੇ ਘਰਾਂ ਵਿਚ ਹਨ।
Corona Virus
ਅਜਿਹੇ ਵਿਚ ਅਮਰੀਕਾ ਵਿਚ ਰੁਜ਼ਗਾਰ ਦਾ ਵੱਡਾ ਸੰਕਟ ਆ ਗਿਆ ਹੈ। 2 ਕਰੋੜ ਤੋਂ ਵਧ ਲੋਕ ਅਪਣੀ ਨੌਕਰੀ ਗੁਆ ਚੁੱਕੇ ਹਨ। ਡੋਨਾਲਡ ਟਰੰਪ ਨੇ ਐਲਾਨ ਕੀਤਾ ਹੈ ਕਿ ਉਹਨਾਂ ਨੇ ਇਕ ਵੱਡੀ ਚੁਣੌਤੀ ਨੂੰ ਪਾਰ ਕਰ ਲਿਆ ਹੈ ਅਤੇ ਹੁਣ ਸਭ ਕੁੱਝ ਠੀਕ ਹੋ ਰਿਹਾ ਹੈ।
Corona Virus
ਉਹਨਾਂ ਨੂੰ ਕਈ ਰਾਜਾਂ ਨੇ ਇਕ ਪਲਾਨ ਸੌਂਪਿਆ ਹੈ ਜਿਸ ਵਿਚ ਉਹ ਕਿਸ ਤਰ੍ਹਾਂ ਅਪਣੇ ਸਥਾਨਾਂ ਨੂੰ ਖੋਲ੍ਹਣ ਜਾ ਰਹੇ ਹਨ ਉਸ ਦੇ ਚਰਚਾ ਹੋਵੇਗੀ। ਉਮੀਦ ਹੈ ਕਿ ਅਗਲਾ ਸਾਲ ਅਮਰੀਕਾ ਲਈ ਕਾਫ਼ੀ ਚੰਗਾ ਹੋਵੇਗਾ। ਦਸ ਦਈਏ ਕਿ 16 ਅਪ੍ਰੈਲ ਨੂੰ ਡੋਨਾਲਡ ਟਰੰਪ ਨੇ ਐਲਾਨ ਕੀਤਾ ਸੀ ਕਿ ਉਹ ਅਮਰੀਕਾ ਨੂੰ ਖੋਲ੍ਹਣ ਤੇ ਵਿਚਾਰ ਕਰ ਰਹੇ ਹਨ।
Corona virus
ਇਸ ਦੇ ਤਹਿਤ ਓਪਨਿੰਗ ਦ ਗ੍ਰੇਟ ਅਮਰੀਕਾ ਅਗੈਨ ਦੇ ਨਾਮ ਨਾਲ ਕੈਂਪੇਨ ਚਲਿਆ ਸੀ ਜਿਸ ਤੋਂ ਬਾਅਦ ਵੱਖ-ਵੱਖ ਰਾਜਾਂ ਤੋਂ ਪ੍ਰਸਤਾਵ ਮੰਗਿਆ ਗਿਆ ਸੀ। ਦਸ ਦਈਏ ਕਿ ਦੁਨੀਆ ਵਿਚ ਕੋਰੋਨਾ ਵਾਇਰਸ ਨਾਲ ਕਰੀਬ 31 ਲੱਖ ਤੋਂ ਵਧ ਕੇਸ ਹਨ ਜਦਕਿ 2 ਲੱਖ ਤੋਂ ਵਧ ਮੌਤਾਂ ਹੋ ਚੁੱਕੀਆਂ ਹਨ ਜਿਹਨਾਂ ਵਿਚੋਂ ਇਕ ਵੱਡਾ ਹਿੱਸਾ ਅਮਰੀਕਾ ਦਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
