ਕੋਰੋਨਾ ਦਾ ਕਹਿਰ ਨਹੀਂ ਲੈ ਰਿਹਾ ਰੁਕਣ ਦਾ ਨਾਮ
ਨਵੀਂ ਦਿੱਲੀ: ਭਾਰਤ ਇਸ ਸਮੇਂ ਕੋਰੋਨਾ ਵਾਇਰਸ ਦੀ ਇਕ ਖ਼ਤਰਨਾਕ ਲਹਿਰ ਦਾ ਸਾਹਮਣਾ ਕਰ ਰਿਹਾ ਹੈ। ਦੇਸ਼ ਦੇ ਹਸਪਤਾਲਾਂ ਵਿਚ ਬੈੱਡ, ਆਕਸੀਜਨ ਦੀ ਘਾਟ ਹੈ। ਇਸ ਸਭ ਦੇ ਵਿਚਾਲੇ, ਮਾਹਰਾਂ ਨੇ ਚਿਤਾਵਨੀ ਦਿੱਤੀ ਹੈ ਕਿ ਭਾਰਤ ਵਿਚ ਜਿਸ ਕਿਸਮ ਦੀ ਸਥਿਤੀ ਚੱਲ ਰਹੀ ਹੈ, ਉਸ ਅਨੁਸਾਰ ਅਗਲੇ ਕੁਝ ਹਫ਼ਤਿਆਂ ਵਿਚ ਸਿਰਫ 5 ਲੱਖ ਆਈ.ਸੀ.ਯੂ. ਬੈੱਡ ਦੀ ਲੋੜ ਪਵੇਗੀ।
ਉੱਘੇ ਸਰਜਨ ਡਾ. ਦੇਵੀਪ੍ਰਸਾਦ ਸ਼ੈੱਟੀ ਦਾ ਕਹਿਣਾ ਹੈ ਕਿ ਮੌਜੂਦਾ ਲਹਿਰ ਦੇ ਅਨੁਸਾਰ, ਭਾਰਤ ਨੂੰ ਅਗਲੇ ਕੁਝ ਹਫਤਿਆਂ ਵਿੱਚ 5 ਲੱਖ ਜਿਆਦਾ ਆਕਸੀਜਨ ਬਿਸਤਰੇ ਦੀ ਲੋੜ ਪਵੇਗੀ, ਨਾਲ ਹੀ 2 ਲੱਖ ਨਰਸਾਂ ਅਤੇ ਡੇਢ ਲੱਖ ਡਾਕਟਰਾਂ ਦੀ ਲੋੜ ਪਵੇਗੀ। ਡਾਕਟਰ ਦੇ ਅਨੁਸਾਰ, ਭਾਰਤ ਵਿੱਚ ਇਸ ਸਮੇਂ 75 ਤੋਂ 90 ਹਜ਼ਾਰ ਦੇ ਵਿੱਚ ਆਈਸੀਯੂ ਬੈੱਡ ਹਨ, ਜਿਨ੍ਹਾਂ ਵਿੱਚੋਂ ਜ਼ਿਆਦਾਤਰ ਭਰ ਚੁੱਕੇ ਹਨ।
ਉਨ੍ਹਾਂ ਕਿਹਾ ਕਿ ਭਾਰਤ ਵਿੱਚ ਹਰ ਰੋਜ਼ 3.5 ਲੱਖ ਨਵੇਂ ਕੇਸ ਆ ਰਹੇ ਹਨ ਅਤੇ ਕੁਝ ਮਾਹਰ ਕਹਿੰਦੇ ਹਨ ਕਿ ਜਦੋਂ ਇਹ ਮਹਾਂਮਾਰੀ ਸਿਖਰ ਤੇ ਪਹੁੰਚ ਗਈ ਤਾਂ ਇਹ ਗਿਣਤੀ ਪ੍ਰਤੀ ਦਿਨ ਪੰਜ ਲੱਖ ਤੱਕ ਪਹੁੰਚ ਸਕਦੀ ਹੈ। ਡਾ. ਸ਼ੈੱਟੀ ਨੇ ਕਿਹਾ ਕਿ ਹਰੇਕ ਲਾਗ ਵਾਲੇ ਮਰੀਜ਼ ਨਾਲ ਪੰਜ ਤੋਂ 10 ਵਿਅਕਤੀ ਹੁੰਦੇ ਹਨ ਜਿਨ੍ਹਾਂ ਦਾ ਟੈਸਟ ਨਹੀਂ ਕੀਤਾ ਜਾਂਦਾ। ਇਸਦਾ ਅਰਥ ਹੈ ਕਿ ਹੁਣ ਭਾਰਤ ਵਿਚ ਰੋਜ਼ਾਨਾ 15 ਤੋਂ 20 ਲੱਖ ਲੋਕ ਸੰਕਰਮਿਤ ਹੋ ਰਹੇ ਹਨ। ਅੰਕੜਿਆਂ ਦੇ ਅਨੁਸਾਰ ਲਾਗ ਵਾਲੇ ਪੰਜ ਪ੍ਰਤੀਸ਼ਤ ਨੂੰ ਆਈਸੀਯੂ ਬਿਸਤਰੇ ਦੀ ਜ਼ਰੂਰਤ ਹੈ, ਔਸਤਨ 10 ਦਿਨਾਂ ਲਈ ਮਰੀਜ਼ ਆਈਸੀਯੂ ਵਿੱਚ ਭਰਤੀ ਰਹਿੰਦਾ ਹੈ।
ਡਾ. ਸ਼ੈੱਟੀ ਦੇ ਅਨੁਸਾਰ, ਨਾ ਸਿਰਫ ਬਿਸਤਰੇ ਬਲਕਿ ਸਟਾਫ ਨੂੰ ਵੀ ਵਧਾਉਣ ਦੀ ਜ਼ਰੂਰਤ ਹੈ। ਮੌਜੂਦ ਹਾਲਾਤ ਦੇ ਅਨੁਸਾਰ, ਦੋ ਲੱਖ ਨਰਸਾਂ ਅਤੇ ਡੇਢ ਲੱਖ ਡਾਕਟਰਾਂ ਨੂੰ ਵਧਾਉਣ ਦੀ ਜ਼ਰੂਰਤ ਹੈ ਕਿਉਂਕਿ ਮੌਜੂਦਾ ਸਥਿਤੀ ਅਗਲੇ 4-5 ਮਹੀਨਿਆਂ ਤੱਕ ਬਣੀ ਰਹਿ ਸਕਦੀ ਹੈ।
ਉਹਨਾਂ ਨੇ ਸੁਝਾਅ ਦਿੱਤਾ ਹੈ ਕਿ ਭਾਰਤ ਵਿਚ ਨਰਸਿੰਗ ਦੇ ਲਗਭਗ 1.25 ਲੱਖ ਵਿਦਿਆਰਥੀ ਹਨ ਜੋ ਆਪਣੀ ਪੜ੍ਹਾਈ ਦੇ ਆਖ਼ਰੀ ਸਾਲ ਵਿਚ ਹਨ, ਇਸ ਸਥਿਤੀ ਵਿਚ ਉਨ੍ਹਾਂ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ। ਉਹਨਾਂ ਦਾ ਕਹਿਣਾ ਹੈ ਕਿ ਇਸ ਸਮੇਂ ਹਜ਼ਾਰਾਂ ਵਿਦਿਆਰਥੀਆਂ ਜਾਂ ਭਵਿੱਖ ਦੇ ਡਾਕਟਰਾਂ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ, ਕਿਉਂਕਿ ਇਹ ਯੁੱਧ ਵਰਗੀ ਸਥਿਤੀ ਬਣ ਗਈ ਹੈ।