ਧਰਮਿੰਦਰ ਨੇ ਭਾਜਪਾ ਦੀ ਟਿਕਟ ਤੇ ਬੀਕਾਨੇਰ ਤੋਂ ਚੋਣਾਂ ਲੜੀਆਂ ਸਨ ਅਤੇ ਉਹ ਸਾਂਸਦ ਵੀ ਰਹਿ ਚੁੱਕੇ ਹਨ
ਨਵੀਂ ਦਿੱਲੀ- ਬਾਲੀਵੁੱਡ ਐਕਟਰ ਧਰਮਿੰਦਰ ਦਾ ਪੂਰਾ ਪਰਵਾਰ ਹੀ ਰਾਜਨੀਤੀ ਵਿਚ ਆ ਚੁੱਕਾ ਹੈ। ਪਹਿਲਾਂ ਧਰਮਿੰਦਰ ਨੇ ਭਾਜਪਾ ਦੀ ਟਿਕਟ ਤੇ ਬੀਕਾਨੇਰ ਤੋਂ ਚੋਣਾਂ ਲੜੀਆਂ ਸਨ ਅਤੇ ਉਹ ਸਾਂਸਦ ਵੀ ਬਣੇ ਸਨ ਪਰ ਫਿਰ ਧਰਮਿੰਦਰ ਨੇ ਰਾਜਨੀਤੀ ਤੋਂ ਆਪਣਾ ਪੱਲਾ ਛੁਡਾ ਲਿਆ ਸੀ। ਹੁਣ ਲੋਕ ਸਭਾ ਚੋਣਾਂ 2019 ਵਿਚ ਹੇਮਾ ਮਾਲਿਨੀ ਅਤੇ ਸੰਨੀ ਦਿਓਲ ਨੇ ਬਾਜੀ ਮਾਰੀ ਹੈ ਅਤੇ ਦੋਨੋਂ ਹੀ ਸਾਂਸਦ ਬਣ ਚੁੱਕੇ ਹਨ।
Dharmendra Deol
ਸੰਨੀ ਦਿਓਲ ਭਾਜਪਾ ਦੀ ਟਿਕਟ ਤੋਂ ਪੰਜਾਬ ਦੇ ਗੁਰਦਾਸਪੁਰ ਤੋਂ ਚੋਣਾਂ ਲੜੇ ਸਨ ਅਤੇ ਹੇਮਾ ਮਾਲਿਨੀ ਨੇ ਮਥੁਰਾ ਤੋਂ ਲੋਕ ਸਭਾ ਚੋਣਾਂ ਵਿਚ ਜਿੱਤ ਪ੍ਰਾਪਤ ਕੀਤੀ ਸੀ ਪਰ ਧਰਮਿੰਦਰ ਆਪਣੇ ਰਾਜਨੀਤੀ ਦੇ ਦਿਨਾਂ ਨੂੰ ਅਜੇ ਤੱਕ ਨਹੀਂ ਭੁੱਲੇ। ਧਰਮਿੰਦਰ ਨੇ ਰਾਜਸਥਾਨ ਦੀ ਸਾਬਕਾ ਮੁੱਖ ਮੰਤਰੀ ਵਸੁੰਦਰਾ ਰਾਜੇ ਦੇ ਨਾਲ ਆਪਣੀ ਇਕ ਤਸਵੀਰ ਸਾਂਝੀ ਕੀਤੀ ਹੈ ਅਤੇ ਇਸਦੇ ਨਾਲ ਹੀ ਕੁੱਝ ਖਾਸ ਜਾਣਕਾਰੀ ਵੀ ਦਿੱਤੀ ਹੈ।
I did much more, than the budget. Honourable CM Sahiba allotted me for Bikaner. My painful efforts helped me , something from the Centre ? pic.twitter.com/ArK6ZZQNzb
— Dharmendra Deol (@aapkadharam) May 30, 2019
ਬਾਲੀਵੁੱਡ ਐਕਟਰ ਧਰਮਿੰਦਰ ਨੇ ਰਾਜਸਥਾਨ ਦੀ ਸਾਬਕਾ ਮੁੱਖ ਮੰਤਰੀ ਵਸੁੰਦਰਾ ਰਾਜੇ ਦੇ ਨਾਲ ਆਪਣੀ ਫੋਟੋ ਸ਼ੇਅਰ ਕੀਤੀ ਹੈ ਅਤੇ ਟਵੀਟ ਕੀਤਾ ਹੈ ਕਿ ਮੈਨੂੰ ਜਿਨਾਂ ਬਜਟ ਮਿਲਿਆ ਸੀ ਮੈਂ ਉਸ ਤੋਂ ਕਈ ਗੁਣਾ ਜ਼ਿਆਦਾ ਕੰਮ ਕੀਤਾ ਹੈ ਜਿਨਾਂ ਮਾਣਯੋਗ ਸੀਐਮ ਸਾਹਿਬਾ ਨੇ ਮੈਨੂੰ ਦਿੱਤਾ ਸੀ ਮੇਰੀ ਜੀਅ ਜਾਨ ਲਗਾ ਕੇ ਮਦਦ ਕੀਤੀ ਹੈ' ਇਸ ਤਰ੍ਹਾਂ ਧਰਮਿੰਦਰ ਦਾ ਇਕ ਵਾਰ ਫਿਰ ਤੋਂ ਰਾਜਨੀਤੀ ਨੂੰ ਲੈ ਕੇ ਪਿਆਰ ਉਮੜ ਆਇਆ ਹੈ। ਹੁਣ ਧਰਮਿੰਦਰ ਦੀ ਉਮਰ 83 ਸਾਲ ਹੈ ਅਤੇ ਉਹਨਾਂ ਦਾ ਜ਼ਿਆਦਾਤਰ ਸਮਾਂ ਖੇਤਾ ਵਿਚ ਹੀ ਬੀਤਦਾ ਹੈ।
Vasundhara Raje
ਧਰਮਿੰਦਰ ਕਦੇ ਖੇਤਾਂ ਵਿਚ ਕੰਮ ਕਰਦੇ ਲਜ਼ਰ ਆਉਂਦੇ ਹਨ ਅਤੇ ਕਦੇ ਦਰੱਖਤਾਂ ਤੋਂ ਫਲ ਤੋੜਦੇ ਨਜ਼ਰ ਆਉਂਦੇ ਹਨ। ਧਰਮਿੰਦਰ ਦੀਆਂ ਅਜਿਹੀਆਂ ਵੀਡੀਓਜ਼ ਸੋਸ਼ਲ ਮੀਡੀਆ ਤੇ ਕਾਫ਼ੀ ਵਾਇਰਲ ਹੁੰਦੀਆਂ ਹਨ। ਧਰਮਿੰਦਰ ਦਾ ਜਨਮ 8 ਦਸੰਬਰ 1935 ਨੂੰ ਪੰਜਾਬ ਦੇ ਲੁਧਿਆਣਾ ਦੇ ਨਸਰਾਲੀ ਪਿੰਡ ਵਿਚ ਹੋਇਆ ਹੈ। ਧਰਮਿੰਦਰ ਦਾ ਅਸਲੀ ਨਾਲ ਧਰਮ ਸਿੰਘ ਦਿਓਲ ਹੈ।
