ਕਈਆਂ ਨੇ ਇਸ ਟਵੀਟ ‘ਤੇ ਧਰਮਿੰਦਰ ਦੇ ਅੰਦਾਜ਼ ‘ਚ ਜਵਾਬ ਵੀ ਦਿੱਤਾ ਹੈ
ਮੁੰਬਈ: ਹਿੰਦੀ ਫ਼ਿਲਮਾਂ ਦੇ ਹੀ-ਮੈਨ ਧਰਮਿੰਦਰ ਨੇ ਵੋਟਾਂ ਦੀ ਗਿਣਤੀ ਤੋਂ ਪਹਿਲਾਂ ਗੁਰਦਾਸਪੁਰ ਤੋਂ ਆਪਣੇ ਪੁੱਤਰ ਸੰਨੀ ਦਿਓਲ ਖਿਲਾਫ ਚੋਣ ਲੜਨ ਵਾਲੇ ਸੁਨੀਲ ਜਾਖੜ ਲਈ ਭਾਵੁਕ ਟਵੀਟ ਕੀਤਾ ਹੈ। ਉਨ੍ਹਾਂ ਨੇ ਸ਼ਾਇਰਾਨਾ ਅੰਦਾਜ਼ ‘ਚ ਸੁਨੀਲ ਜਾਖੜ ਲਈ ਟਵੀਟ ਕੀਤਾ ਹੈ। ਜਿਸ ‘ਚ ਧਰਮ ਨੇ ਲਿਖਿਆ, “ਸਗੋਂ ਸੇ ਰਿਸ਼ਤੇ,,, ਏਕ ਜ਼ਮਾਨੇ ਸੇ,,, ਤੋੜ ਗਈ,,, ਪਲੋਂ ਮੇਂ,,, ਕਮਬਖ਼ਤ ਸਿਆਸਤ ਯੇ,,, ਬਰਕਰਾਰ ਹੈ, ਬਰਕਰਾਰ ਰਹੇਗੀ,,, ਮੁਹੱਬਤ ਮੇਰੀ,,, ਮੁਹੱਬਤ ਸੇ,,, ਜਾਖੜ ਕੇ ਨਾਮ”। ਧਰਮਿੰਦਰ ਦੇ ਇਸ ਟਵੀਟ ਨੂੰ ਹੁਣ ਤਕ ਹਜ਼ਾਰ ਲੋਕਾਂ ਨੇ ਲਾਈਕ ਤੇ ਕੁਮੈਂਟ ਕੀਤਾ ਹੈ। ਕਈਆਂ ਨੇ ਇਸ ‘ਤੇ ਧਰਮਿੰਦਰ ਦੇ ਅੰਦਾਜ਼ ‘ਚ ਜਵਾਬ ਵੀ ਦਿੱਤਾ ਹੈ।
Sagon se rishte .......ikk zamane se......tod gayi.......palon main............kambakht siyasat ye...........barqrar hai ......barqrar rahe gi......mohabbt meri............................... mohabbt se ............Jakhad ke naam......... pic.twitter.com/IYzWdVtYD5
— Dharmendra Deol (@aapkadharam) May 21, 2019
ਇਸ ‘ਤੇ ਧਰਮਿੰਦਰ ਨੇ ਵੀ ਹਰ ਇੱਕ ‘ਤੇ ਜਵਾਬ ਦਿੱਤਾ ਹੈ। ਧਰਮਿੰਦਰ ਜਦੋਂ ਗੁਰਦਾਸਪੁਰ ਤੋਂ ਆਪਣੇ ਬੇਟੇ ਸੰਨੀ ਦਿਓਲ ਲਈ ਚੋਣ ਪ੍ਰਚਾਰ ਕਰਨ ਆਏ ਸੀ ਤਾਂ ਉਨ੍ਹਾਂ ਨੇ ਉਸ ਸਮੇਂ ਸੁਨੀਲ ਜਾਖੜ ਨੂੰ ਆਪਣੇ ਬੱਚਿਆਂ ਜਿਹਾ ਦੱਸਿਆ ਸੀ। ਉਨ੍ਹਾਂ ਕਿਹਾ ਸੀ ਕਿ ਮੈਂ ਜਾਖੜ ਖਿਲਾਫ ਚੋਣਾਂ ‘ਚ ਕੁਝ ਨਹੀਂ ਬੋਲਾਂਗਾ। ਧਰਮਿੰਦਰ ਤੇ ਜਾਖੜ ਦੇ ਪਰਿਵਾਰ ‘ਚ ਪੁਰਾਣੀ ਦੋਸਤੀ ਹੈ। ਗੁਰਦਾਸਪੁਰ ‘ਚ ਆਪਣੇ ਪ੍ਰਚਾਰ ਦੌਰਾਨ ਧਰਮਿੰਦਰ ਨੇ ਕਿਹਾ ਸੀ ਕਿ ਜੇਕਰ ਉਨ੍ਹਾਂ ਨੂੰ ਪਹਿਲਾਂ ਪਤਾ ਹੁੰਦਾ ਕਿ ਗੁਰਦਾਰਸਪੁਰ ਤੋਂ ਉਨ੍ਹਾਂ ਦੇ ਵੱਡੇ ਭਰਾ ਦਾ ਪੁੱਤਰ ਸੁਨੀਲ ਜਾਖੜ ਚੋਣ ਲੜ ਰਿਹਾ ਹੈ ਤਾਂ ਉਹ ਸੰਨੀ ਨੂੰ ਇੱਥੋਂ ਚੋਣ ਲੜਨ ਦੀ ਇਜਾਜ਼ਤ ਕਦੇ ਵੀ ਨਾ ਦਿੰਦੇ।
