ਉੱਤਰ ਪ੍ਰਦੇਸ਼ ਦੇ ਮੇਰਠ ਵਿਚ ਬਾਂਦਰਾਂ ਨੇ ਦਹਿਸ਼ਤ ਮਚਾਈ ਹੋਈ ਹੈ। ਮੈਡੀਕਲ ਕਾਲਜ ਵਿਚ ਵੀ ਬਾਂਦਰ ਲਗਾਤਾਰ ਮਰੀਜ਼ਾਂ ਅਤੇ ਡਾਕਟਰਾਂ,

ਮੇਰਠ, 29 ਮਈ: ਉੱਤਰ ਪ੍ਰਦੇਸ਼ ਦੇ ਮੇਰਠ ਵਿਚ ਬਾਂਦਰਾਂ ਨੇ ਦਹਿਸ਼ਤ ਮਚਾਈ ਹੋਈ ਹੈ। ਮੈਡੀਕਲ ਕਾਲਜ ਵਿਚ ਵੀ ਬਾਂਦਰ ਲਗਾਤਾਰ ਮਰੀਜ਼ਾਂ ਅਤੇ ਡਾਕਟਰਾਂ, ਪੈਰਾਮੈਡੀਕਲ ਸਟਾਫ਼ ਨੂੰ ਪ੍ਰੇਸ਼ਾਨ ਕਰ ਰਹੇ ਹਨ। ਸ਼ੁੱਕਰਵਾਰ ਨੂੰ ਮੈਡੀਕਲ ਕਾਲਜ ਵਿਚ ਇਕ ਅਜੀਬ ਸਥਿਤੀ ਪੈਦਾ ਹੋਈ, ਜਦੋਂ ਬਾਂਦਰਾਂ ਨੇ ਇਕ ਲੈਬ ਟੈਕਨੀਸ਼ੀਅਨ ਤੋਂ ਕੋਰੋਨਾ ਟੈਸਟ ਲਈ ਇਕ ਨਮੂਨਾ ਖੋਹ ਲਿਆ। ਇਸ ਘਟਨਾ ਦਾ ਵੀਡੀਉ ਵਾਇਰਲ ਹੋਇਆ ਹੈ। ਬਹੁਤ ਕੋਸ਼ਿਸ਼ ਤੋਂ ਬਾਅਦ ਵੀ ਬਾਂਦਰ ਕਾਬੂ ਵਿਚ ਨਹੀਂ ਆਏ ਅਤੇ ਸਾਰੇ ਨਮੂਨੇ ਨੁਕਸਾਨੇ ਗਏ।

ਆਖ਼ਰਕਾਰ, ਕੋਰੋਨਾ ਜਾਂਚ ਲਈ ਮਰੀਜ਼ਾਂ ਦਾ ਦੁਬਾਰਾ ਨਮੂਨਾ ਲਿਆ ਗਿਆ। ਵਾਇਰਲ ਹੋਈ ਵੀਡੀਉ ਵਿਚ ਵਿਖਾਇਆ ਗਿਆ ਹੈ ਕਿ ਕਿਵੇਂ ਬਾਂਦਰ ਇਕ ਨਮੂਨਾ ਖਾਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ ਜੋ ਇਕ ਦਰੱਖ਼ਤ 'ਤੇ ਬੈਠ ਕੇ ਖੋਹਿਆ ਗਿਆ ਸੀ ਅਤੇ ਬਾਅਦ ਵਿਚ ਇਸ ਨੂੰ ਸੁੱਟ ਦਿੰਦਾ ਹੈ। ਮਾਮਲੇ ਬਾਰੇ ਜਾਣਕਾਰੀ ਦਿੰਦਿਆਂ ਸੀ.ਐਮ.ਐਸ. ਡਾ. ਧੀਰਜ ਬਾਲਿਅਨ ਨੇ ਦਸਿਆ ਕਿ ਇਹ ਨਮੂਨਾ ਕੋਰੋਨਾ ਜਾਂਚ ਲਈ ਲਿਜਾਇਆ ਜਾ ਰਿਹਾ ਸੀ, ਇਸ ਦੌਰਾਨ ਬਾਂਦਰਾਂ ਨੇ ਲੈਬ ਟੈਕਨੀਸ਼ੀਅਨ ਤੋਂ ਨਮੂਨੇ ਖੋਹ ਲਏ। ਉਨ੍ਹਾਂ ਕਿਹਾ ਕਿ ਜੰਗਲਾਤ ਵਿਭਾਗ ਨੂੰ ਸੂਚਿਤ ਕਰਨ 'ਤੇ ਵੀ ਬਾਂਦਰ ਫੜੇ ਨਾ ਜਾ ਸਕੇ। ਹੁਣ ਨਮੂਨਾ ਫਿਰ ਲਿਆ ਜਾ ਰਿਹਾ ਹੈ।  (ਏਜੰਸੀ)