ਜੇ ਤੁਸੀਂ ਇਹ ਸਭ ਕੁੱਝ ਜਾਣਦੇ ਹੋਏ ਵੀ ਨਹੀਂ ਜਾਗੇ ਤਾਂ ਜਾਗ ਜਾਓ ਜੇ ਚੈਨ ਦੀ ਨੀਂਦ ਸੌਣਾ ਹੈ ਤਾਂ।

ਨਵੀਂ ਦਿੱਲੀ - ਐਨਡੀਏ ਸਰਕਾਰ ਦੇ ਸੱਤ ਸਾਲ ਪੂਰੇ ਹੋਣ ਦੇ ਮੌਕੇ 'ਤੇ ਭਾਜਪਾ ਨੇ ਕੋਰੋਨਾ ਸੰਕਟ ਕਾਰਨ ਜਸ਼ਨ ਨਾ ਮਨਾਉਣ ਦਾ ਫੈਸਲਾ ਕੀਤਾ ਹੈ। ਪਿਛਲੇ ਸਾਲ ਵੀ ਇਹ ਮੌਕਾ ਫਿੱਕਾ ਹੀ ਰਹਿ ਗਿਆ ਸੀ। 2014 ਵਿਚ ਭਾਜਪਾ ਨੂੰ ਸਪੱਸ਼ਟ ਬਹੁਮਤ ਤੇ ਇਕੱਲੇ ਭਾਜਪਾ ਨੂੰ 282 ਸੀਟਾਂ ਮਿਲਣ ਦੇ ਪੰਜ ਸਾਲ ਬਾਅਦ 2019 ਵਿਚ ਉਸੇ ਸਰਕਾਰ ਨੂੰ ਲੋਕਾਂ ਨੇ ਹੋਰ ਜ਼ਿਆਦਾ ਤਾਕਤ 303 ਸੀਟਾਂ ਦੇ ਰੂਪ ਵਿਚ ਦਿੱਤੀ ਪਰ ਕੀ ਇਸ ਦਾ ਮਤਲਬ ਇਹ ਹੈ ਕਿ ਨਰਿੰਦਰ ਮੋਦੀ ਸਰਕਾਰ ਦੇ ਸੱਤ ਸਾਲਾਂ ਵਿਚ ਸਭ ਕੁਝ ਚੰਗਾ ਹੋਇਆ ਹੈ?

Narendra Modi, Amit Shah

ਇਹ ਦਾਅਵਾ ਹੋ ਸਕਦਾ ਹੈ ਕਿ ਸਰਕਾਰ ਨੇ ਆਪਣੇ ਬਹੁਤੇ ਰਾਜਨੀਤਿਕ ਏਜੰਡੇ ਜਾਂ ਮੈਨੀਫੈਸਟੋ ਨੂੰ ਪੂਰਾ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ, ਪਰ ਪਿਛਲੇ ਇਕ ਸਾਲ ਤੋਂ ਕੋਰੋਨਾ ਸੰਕਟ ਵਿਚ ਮੋਦੀ ਸਰਕਾਰ ਨੂੰ ਲੈ ਕੇ ਕਈ ਤਰ੍ਹਾਂ ਦੇ ਸਵਾਲ ਖੜ੍ਹੇ ਹੋਏ ਹਨ। ਸਰਕਾਰ ਲਈ ਇਸ ਦੀ ਸਫਲਤਾ ਅਤੇ ਅਸਫਲਤਾ ਦਾ ਮੁਲਾਂਕਣ ਕਰਨ ਲਈ ਬਹੁਤ ਸਾਰੇ ਮੁੱਦੇ ਹੋ ਸਕਦੇ ਹਨ, ਪਰ ਇਸ ਸਮੇਂ ਅਸੀਂ ਤਿੰਨ ਮੁੱਦਿਆਂ ਨੂੰ ਵੇਖਣ ਦੀ ਕੋਸ਼ਿਸ਼ ਕਰਦੇ ਹਾਂ। 

Ram Mandir

1. ਮੋਦੀ ਸਰਕਾਰ ਦੀ ਕਾਮਯਾਬੀ - ਭਾਜਪਾ ਦਾ ਸਭ ਤੋਂ ਵੱਡਾ ਰਾਜਨੀਤਿਕ ਮੁੱਦਾ, ਜਿਸ ਨੂੰ ਸ਼ਾਇਦ ਭਾਜਪਾ ਦੇ ਜ਼ਿਆਦਾਤਰ ਲੋਕਾਂ ਨੇ ਪੂਰਾ ਹੋਣ ਦੀ ਉਮੀਦ ਨਹੀਂ ਕੀਤੀ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅਯੁੱਧਿਆ ਵਿੱਚ 5 ਅਗਸਤ 2020 ਨੂੰ ਸ਼ੀਲਪੂਜਨ ਕਰ ਕੇ ਆਪਣੇ ਸਿਰ ਸੇਹਰਾ ਬੰਨ੍ਹ ਲਿਆ ਸੀ। 
ਅੱਸੀ ਦੇ ਸਾਲ ਵਿਚ ਭਾਜਪਾ ਨੂੰ ਤਾਕਤ ਦੇਣ ਲਈ ਆਰਐਸਐਸ ਦੇ ਮੁਖੀ ਦੇਵਰਸ ਨੇ ਰਾਮ ਮੰਦਰ ਅੰਦੋਲਨ ਨੂੰ ਰਾਜਨੀਤਿਕ ਮੁੱਦਾ ਬਣਾਉਣ ਦੀ ਸਲਾਹ ਦਿੱਤੀ ਸੀ

Babri Masjid

ਫਿਰ 1990 ਵਿਚ ਅਡਵਾਨੀ ਦੀ ਰਾਮ ਰੱਥ ਯਾਤਰਾ ਅਤੇ 6 ਦਸੰਬਰ 1992 ਨੂੰ ਬਾਬਰੀ ਮਸਜਿਦ ਢਾਹੁਣ ਦੇ ਬਾਵਜੂਦ, ਮੰਦਰ ਦੀ ਉਸਾਰੀ ਸ਼ੁਰੂ ਹੋਣ ਦੀ ਉਮੀਦ ਨਹੀਂ ਦਿਖ ਰਹੀ ਸੀ ਪਰ ਮੋਦੀ ਸਰਕਾਰ ਨੇ ਪਹਿਲਾਂ ਇਸ ਨੂੰ ਸੁਪਰੀਮ ਕੋਰਟ ਰਾਹੀਂ ਸੁਲਝਾ ਲਿਆ ਅਤੇ ਫਿਰ ਇਕ ਟਰੱਸਟ ਬਣਾ ਕੇ ਮੰਦਿਰ ਦਾ ਨਿਰਮਾਣ ਸ਼ੁਰੂ ਕਰ ਦਿੱਤਾ।  ਜੋ ਕੰਮ ਹਿੰਦੂ ਦਿਲ ਸਮਰਾਟ ਲਾਲ ਕ੍ਰਿਸ਼ਨ ਅਡਵਾਨੀ ਨਹੀਂ ਕਰ ਸਕੇ ਸਨ। ਉਸ ਨੂੰ ਮੋਦੀ ਨੇ ਸੱਚ ਕਰ ਕੇ ਦਿਖਾ ਦਿੱਤਾ, ਫਿਰ ਭਾਜਪਾ ਨੇ ਨਾਅਰਾ ਦਿੱਤਾ 'ਮੋਦੀ ਹੈ ਤਾਂ ਮੁਮਕਿਨ ਹੈ'

Article 370

2 . ਕਸ਼ਮੀਰ ਮੁਖ ਧਾਰਾ - 50 ਸਾਲਾਂ ਤੋਂ 'ਜਹਾਂ ਹੁਏ ਬਲਿਦਾਨ ਮੁਖਰਜੀ, 'ਉਹ ਕਸ਼ਮੀਰ ਸਾਡਾ ਹੈ' ਦੇ ਨਾਅਰੇ ਲਗਾਉਣ ਅਤੇ 'ਇਕ ਦੇਸ਼ ਇਕ ਕਾਨੂੰਨ, ਇਕ ਮੁਖੀ' ਦੀ ਸੋਚ ਦੇ ਨਾਲ ਕਸ਼ਮੀਰ ਤੋਂ ਧਾਰਾ 370 ਦੇ ਅਸਥਾਈ ਪ੍ਰਬੰਧ ਨੂੰ ਹਟਾਉਣ ਵਿਚ ਕਰੀਬ 70 ਸਾਲ ਲੱਗ ਗਏ। ਸੰਸਦ ਵਿਚ ਧਾਰਾ 370 ਹਟਾਉਣ ਦਾ ਬਿੱਲ ਪਾਸ ਕਰ ਕੇ ਮੋਦੀ ਨੇ ਨਾ ਸਿਰਫ਼ ਭਾਜਪਾ ਬਲਕਿ ਦੇਸ਼ ਦੇ ਰਾਜਨੀਤਿਕ ਇਤਿਹਾਸ ਵਿਚ ਇਕ ਵੱਡੀ ਜਗ੍ਹਾ ਬਣਾ ਲਈ। 

ਰਾਮ ਮੰਦਰ ਸ਼ੀਲਾਪੁਜਨ ਤੋਂ ਠੀਕ ਇਕ ਸਾਲ ਪਹਿਲਾਂ ਪੰਜ ਅਗਸਤ 2019 ਦੀ ਤਾਰੀਕ ਸੀ, ਜਦੋਂ 1954 ਦੇ ਰਾਸ਼ਟਰਪਤੀ ਦੇ ਹੁਕਮ ਨੂੰ ਖ਼ਤਮ ਕਰ ਦਿੱਤਾ ਗਿਆ ਸੀ। ਮੋਦੀ ਸਰਕਾਰ ਦੇ ਦੂਜੇ ਕਾਰਜਕਾਲ ਦਾ ਪਹਿਲਾ ਸਭ ਤੋਂ ਵੱਡਾ ਫੈਸਲਾ। ਇਸ ਦੇ ਨਾਲ ਹੀ, ਜੰਮੂ-ਕਸ਼ਮੀਰ ਅਤੇ ਲੱਦਾਖ ਨੂੰ ਕੇਂਦਰ ਸ਼ਾਸਤ ਪ੍ਰਦੇਸ਼ ਵਿਚ ਤਬਦੀਲ ਕਰਨਾ ਅਤੇ ਇੱਕ ਸਾਲ ਤੱਕ ਬੰਦੀ ਤੋਂ ਬਾਅਦ ਉਥੇ ਸਥਾਨਕ ਸੰਸਥਾਵਾਂ ਦੀਆਂ ਚੋਣਾਂ ਕਰਵਾਉਣਾ, ਇੱਕ ਵੱਡੀ ਸਫਲਤਾ ਮੰਨੀ ਜਾਣੀ ਚਾਹੀਦੀ ਹੈ, ਪਰ

Narendra Modi

ਕਸ਼ਮੀਰੀ ਪੰਡਿਤ ਜੋ ਆਪਣੇ ਦੇਸ਼ਾਂ ਵਿੱਚ ਸ਼ਰਨਾਰਥੀ ਬਣੇ ਹਨ, ਅਜੇ ਵੀ ਇੱਕ ਵੱਡੇ ਫੈਸਲੇ ਦਾ ਇੰਤਜ਼ਾਰ ਕਰ ਰਹੇ ਹਨ। ਪ੍ਰਧਾਨ ਮੰਤਰੀ ਮੋਦੀ ਜਦੋਂ ਇੱਕ ਸਮਾਰੋਹ ਵਿੱਚ ਧੂੰਏ ਨਾਲ ਭਰੇ ਚੁੱਲ੍ਹੇ ਨਾਲ ਰਸੋਈ ਵਿੱਚ ਕੰਮ ਕਰਦੀ ਆਪਣੀ ਮਾਂ ਦਾ ਜ਼ਿਕਰ ਕਰ ਰਹੇ ਸਨ, ਸ਼ਾਇਦ ਕਿਸੇ ਨੂੰ ਇਹ ਅਹਿਸਾਸ ਨਹੀਂ ਸੀ ਕਿ ਉਨ੍ਹਾਂ ਦੀ ਸਰਕਾਰ ਪੰਜ ਕਰੋੜ ਗਰੀਬ ਔਰਤਾਂ ਦੀ ਜ਼ਿੰਦਗੀ ਨੂੰ ਧੂੰਆਂ ਮੁਕਤ ਬਣਾਉਣ ਜਾ ਰਹੀ ਹੈ।

Pradhan Mantri Ujjwala Yojana

1 ਮਈ 2016 ਨੂੰ, ਮੋਦੀ ਨੇ ਉੱਤਰ ਪ੍ਰਦੇਸ਼ ਦੇ ਬਲੀਆ ਸ਼ਹਿਰ ਵਿਚ ਉਜਵਲਾ ਯੋਜਨਾ ਦੀ ਸ਼ੁਰੂਆਤ ਕੀਤੀ, ਜਿਸ ਵਿੱਚ ਗਰੀਬੀ ਰੇਖਾ ਤੋਂ ਹੇਠਾਂ ਰਹਿ ਰਹੀਆਂ ਪੰਜ ਕਰੋੜ ਔਰਤਾਂ ਨੂੰ ਮੁਫਤ ਗੈਸ ਕੁਨੈਕਸ਼ਨ ਦਿੱਤੇ ਜਾਣੇ ਸਨ। ਫਿਰ ਮਾਰਚ 2020 ਤੱਕ ਇਸ ਨੂੰ ਵਧਾ ਕੇ ਅੱਠ ਕਰੋੜ ਔਰਤਾਂ ਲਈ ਕਰ ਦਿੱਤਾ ਗਿਆ, ਫਿਰ 2021 ਦੇ ਬਜਟ ਵਿੱਚ ਵਿੱਤ ਮੰਤਰੀ ਨੇ ਇਸ ਨੂੰ ਇੱਕ ਕਰੋੜ ਹੋਰ ਪਰਿਵਾਰਾਂ ਲਈ ਵਧਾਉਣ ਦਾ ਐਲਾਨ ਕੀਤਾ। ਮੰਨਿਆ ਜਾ ਰਿਹਾ ਹੈ ਕਿ ਇਸ ਯੋਜਨਾ ਨੇ ਮੋਦੀ ਸਰਕਾਰ ਦੇ ਸਾਲ 2019 ਵਿਚ ਦਮਦਾਰ ਵਾਪਸੀ ਵਿਚ ਅਹਿਮ ਭੂਮਿਕਾ ਨਿਭਾਈ। 

Corona Virus

ਮੋਦੀ ਸਰਕਾਰ ਦੇ ਦੂਜੇ ਕਾਰਜਕਾਲ ਦਾ ਪਹਿਲਾ ਸਾਲ ਅਜੇ ਪੂਰਾ ਵੀ ਨਹੀਂ ਹੋਇਆ ਸੀ ਕਿ ਦੇਸ਼ ਵਿਚ ਕੋਰੋਨਾ ਮਹਾਮਾਰੀ ਆ ਗਈ। ਮਾਰਚ 2020 ਵਿਚ ਪ੍ਰਧਾਨ ਮੰਤਰੀ ਨੇ 'ਜਾਨ ਹੈ ਤੋ ਜਾਨ ਹੈ' ਕਹਿ ਕੇ ਦੇਸ਼ ਵਿਆਪੀ ਤਾਲਾਬੰਦੀ ਦਾ ਐਲਾਨ ਕਰ ਦਿੱਤਾ। ਇਸ ਤਾਲਾਬੰਕਰ ਕੇ ਲੋਕਾਂ ਦੀ ਜ਼ਿਦਗੀ ਤਬਾਹ ਹੋ ਗਈ। ਹਜ਼ਾਰਾਂ, ਫਿਰ ਲੱਖਾਂ ਪ੍ਰਵਾਸੀ ਮਜ਼ਦੂਰ ਆਪਣੇ ਘਰਾਂ ਨੂੰ ਪਰਤਣੇ ਸ਼ੁਰੂ ਹੋ ਗਏ। ਫਿਰ ਲਾਕਡਾਊਨ ਖੋਲ੍ਹਣ ਸਮੇਂ ਮੋਦੀ ਨੇ ਕਿਹਾ ਕਿ 'ਜਾਨ ਵੀ ਜਹਾਨ ਵੀ' ਅਜਿਹਾ ਲੱਗ ਰਿਹਾ ਹੈ ਕਿ ਜ਼ਿਦਗੀ ਹੁਣ ਪਟੜੀ 'ਤੇ ਆਉਣ ਲੱਗੀ ਹੈ। 

Corona Virus

ਪਰ ਫਿਰ, ਕੋਰੋਨਾ ਦੀ ਦੂਜੀ ਲਹਿਰ ਹੋਰ ਵੀ ਤਬਾਹੀ ਲੈ ਕੇ ਆ ਗਈ। ਦੇਸ਼ ਦੀਆਂ ਸਿਹਤ ਸੇਵਾਵਾਂ ਅਤੇ ਸਰਕਾਰੀ ਪ੍ਰਬੰਧਾਂ ਦੀ ਪੋਲ ਖੁੱਲ੍ਹ ਗਈ। ਬੇਵੱਸ ਲੋਕ ਅਤੇ ਲਾਪਰਵਾਹ ਸਰਕਾਰ। ਜਦੋਂ ਵੈਕਸੀਨ ਲਗਾਉਣ ਦੀ ਗੱਲ ਆਈ ਤਾਂ  ਦੁਨੀਆਂ ਭਰ ਵਿਚ ਦੋਸਤੀ ਦੇ ਨਾਮ ਤੇ ਟੀਕੇ ਦੀਆਂ 6 ਮਿਲੀਅਨ ਖੁਰਾਕਾਂ ਭੇਜੀਆਂ ਗਈਆਂ ਪਰ ਦੇਸ਼ ਵਿੱਚ ਲੋਕਾਂ ਲਈ ਘੱਟ ਪੈ ਗਈਆਂ। ਸਰਕਾਰਾਂ ਲਾਸ਼ਾਂ ਅਤੇ ਮਰੀਜ਼ਾਂ ਦੇ ਅੰਕੜਿਆਂ ਨੂੰ ਦਬਾ ਕੇ ਆਪਣੀਆਂ ਅਸਫਲਤਾਵਾਂ ਲੁਕਾਉਂਦੀ ਰਹੀ। ਸਰਕਾਰ ਦੇ ਅਨੁਸਾਰ ਲਗਭਗ ਸਾਢੇ ਤਿੰਨ ਕਰੋੜ ਲੋਕ ਸੰਕਰਮਿਤ ਹੋਏ ਅਤੇ ਤਿੰਨ ਲੱਖ ਤੋਂ ਵੱਧ ਲੋਕਾਂ ਦੀ ਮੌਤ ਹੋਈ ਹੈ। 

Note Bandi

ਕਾਲੇ ਧਨ ਨੂੰ ਖ਼ਤਮ ਕਰਨ ਦੀ ਆੜ ਵਿਚ 2014 ਵਿਚ ਆਈ ਮੋਦੀ ਸਰਕਾਰ ਨੇ ਨਵੰਬਰ 2016 ਦੀ ਰਾਤ ਨੂੰ ਅਚਾਨਕ ਨੋਟਬੰਦੀ ਦਾ ਐਲਾਨ ਕਰ ਦਿੱਤਾ। ਉਸ ਸਮੇਂ ਕਿਹ ਗਿਆ ਕਿ ਇਸ ਨਾਲ ਕਾਲੇ ਧੰਨ 'ਤੇ ਰੋਕ ਲੱਗ ਜਾਵੇਗੀ ਅਤੇ ਆਰਥਿਕਤਾ ਵਿਚ ਸੁਧਾਰ ਹੋਵੇਗਾ। ਇਸ ਦੇ ਉਲਟ, ਛੋਟੇ ਕਸਬਿਆਂ ਵਿਚ ਕੰਮ ਕਰਨ ਵਾਲੇ ਕਾਰੋਬਾਰ ਬੰਦ ਹੋ ਗਏ ਸਨ। ਨਾ ਭ੍ਰਿਸ਼ਟਾਚਾਰ ਖ਼ਤਮ ਹੋਇਆ ਅਤੇ ਨਾ ਹੀ ਅਤਿਵਾਦ।

Economy Growth

ਸਾਲ 2016 ਵਿਚ ਆਰਥਿਕ ਵਿਕਾਸ ਦਰ 8.25% ਸੀ, ਇਹ 2017 ਵਿਚ 7.04%, 2018 ਵਿਚ 6.11 ਅਤੇ 2019 ਵਿਚ 4.18% 'ਤੇ ਪਹੁੰਚ ਗਈ। ਜੀਡੀਪੀ ਵਿਚ ਭਾਰਤ 147 ਵੇਂ ਨੰਬਰ 'ਤੇ ਹੈ ਜੋ ਕਿ 2016 ਵਿਚ 125 ਵੇਂ ਨੰਬਰ' ਤੇ ਸੀ, ਜਿਸ ਦਾ ਅਰਥ ਹੈ ਕਿ ਹਿੰਦੁਸਤਾਨੀ ਹੁਣ ਪਹਿਲਾਂ ਨਾਲੋਂ ਗਰੀਬ ਹੋ ਗਏ ਹਨ। 
ਸਾਲ 2014 ਦੇ ਸਤੰਬਰ ਵਿਚ ਅਮਰੀਕਾ ਦੇ ਮੈਡੀਸਨ ਸਕੁਏਰ ਵਿਚ ਇਕ ਸ਼ਾਨਦਾਰ ਪ੍ਰੋਗਰਾਮ ਨਾਲ ਜਦੋਂ ਮੋਦੀ ਨੇ ਜਦੋਂ ਵਿਦੇਸਾਂ ਵਿਚ ਆਪਣਾ ਪੈਰ ਜਮਾਉਣ ਦਾ ਕੰਮ ਸ਼ੁਰੂ ਕੀਤਾ ਤਾਂ ਇਹ ਤੇਜ਼ੀ ਨਾਲ ਵਧਿਆ ਅਤੇ ਲੋਕਾਂ ਨੇ ਮਹਿਸੂਸ ਕੀਤਾ ਕਿ ਮੋਦੀ ਇਕ ਵਿਸ਼ਵ ਨੇਤਾ ਬਣ ਗਿਾ ਹੈ

PM Modi

ਅਤੇ ਉਨ੍ਹਾਂ ਨੇ ਭਾਰਤ ਦੇ ਸਨਮਾਨ ਨੂੰ ਵਧਾਇਆ ਹੈ ਪਰ ਅੱਜ ਸਥਿਤੀ ਉਲਟ ਹੈ। ਗੁਆਂਢੀ ਦੇਸ਼ ਪਾਕਿਸਤਾਨ ਨਾਲ ਗੱਲਬਾਤ ਬੰਦ ਹੈ। ਬੰਗਲਾਦੇਸ਼ ਹਰ ਸਥਿਤੀ ਵਿਚ ਸਾਡੇ ਤੋਂ ਅੱਗੇ ਹੈ। ਨੇਪਾਲ ਅੱਖਾਂ ਦਿਖਾ ਰਿਹਾ ਹੈ ਅਤੇ ਚੀਨ ਤੁਹਾਡੀ ਸੁਣ ਹੀ ਨਹੀਂ ਰਿਹਾ ਅਤੇ ਹੁਣ ਚੀਨ ਸਾਡੇ ਤੋਂ ਦੱਖਣ ਵਿਚ ਕੰਨਿਆਕੁਮਾਰੀ ਤੋਂ ਸਿਰਫ 290 ਕਿਲੋਮੀਟਰ ਦੀ ਦੂਰੀ 'ਤੇ ਹੈ। ਤੇ ਜੇ ਤੁਸੀਂ ਇਹ ਸਭ ਕੁੱਝ ਜਾਣਦੇ ਹੋਏ ਵੀ ਨਹੀਂ ਜਾਗੇ ਤਾਂ ਜਾਗ ਜਾਓ ਜੇ ਚੈਨ ਦੀ ਨੀਂਦ ਸੌਣਾ ਹੈ ਤਾਂ।