Advertisement
  ਖ਼ਬਰਾਂ   ਰਾਸ਼ਟਰੀ  30 Jun 2020  PM ਮੋਦੀ ਨੇ ਦੇਸ਼ 'ਚ ਵਧ ਰਹੇ ਕਰੋਨਾ ਕੇਸਾਂ 'ਤੇ ਜਤਾਈ ਚਿੰਤਾ, ਦਿੱਤੇ ਇਹ ਆਦੇਸ਼

PM ਮੋਦੀ ਨੇ ਦੇਸ਼ 'ਚ ਵਧ ਰਹੇ ਕਰੋਨਾ ਕੇਸਾਂ 'ਤੇ ਜਤਾਈ ਚਿੰਤਾ, ਦਿੱਤੇ ਇਹ ਆਦੇਸ਼

ਸਪੋਕਸਮੈਨ ਸਮਾਚਾਰ ਸੇਵਾ
Published Jun 30, 2020, 5:36 pm IST
Updated Jun 30, 2020, 5:36 pm IST
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੱਲੋਂ ਅੱਜ ਦੇਸ਼ ਨੂੰ ਸੰਬੋਧਨ ਕਰਦਿਆਂ ਕਰੋਨਾ ਵਾਇਰਸ ਤੇ ਚਿੰਤਾ ਜਾਹਰ ਕੀਤੀ ਹੈ।
Narendra Modi
 Narendra Modi

ਨਵੀਂ ਦਿੱਲੀ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੱਲੋਂ ਅੱਜ ਦੇਸ਼ ਨੂੰ ਸੰਬੋਧਨ ਕਰਦਿਆਂ ਕਰੋਨਾ ਵਾਇਰਸ ਤੇ ਚਿੰਤਾ ਜਾਹਰ ਕੀਤੀ ਹੈ। ਪੀਐੱਮ ਮੋਦੀ ਨੇ ਕਿਹਾ ਕਿ ਦੇਸ਼ ਵਿਚ ਅਨਲੌਕ-1 ਤੋਂ ਬਾਅਦ ਲਾਪ੍ਰਵਾਹੀ ਵਧੀ ਹੈ ਜੋ ਕਿ ਇਕ ਚਿੰਤਾ ਦਾ ਵਿਸ਼ਾ ਹੈ। ਉੱਥੇ ਹੀ ਉਨ੍ਹਾਂ ਮੌਤ ਦਰ ਤੇ ਗੱਲ਼ ਕਰਦਿਆਂ ਕਿਹਾ ਕਿ ਜੇਕਰ ਦੁਨੀਆਂ ਵਿਚ ਅਸੀਂ ਕਰੋਨਾ ਨਾਲ ਹੋਣ ਵਾਲੀਆਂ ਮੌਤਾਂ ਦੀ ਸਥਿਤੀ ਬਾਰੇ ਗੱਲ ਕਰੀਏ ਤਾਂ ਭਾਰਤ ਨੇ ਫਿਰ ਵੀ ਕਾਫੀ ਸਥਿਤੀ ਨੂੰ ਸੰਭਾਲਿਆ ਹੋਇਆ ਹੈ।

PM Narendra ModiPM Narendra Modi

ਭਾਰਤ ਚ ਸਮੇਂ ਤੇ ਲਗਾਏ ਲੌਕਡਾਊਨ ਅਤੇ ਹੋਰ ਫੈਸਲਿਆਂ ਨੇ ਭਾਰਤ ਵਿਚ ਅਨੇਕਾਂ ਲੋਕਾਂ ਦੀ ਜਾਨ ਬਚਾਈ ਹੈ, ਪਰ ਹੁਣ ਦੇਸ਼ ਵਿਚ ਅਨਲੌਕ-1 ਤੋਂ ਬਾਅਦ ਲਾਪ੍ਰਵਾਹੀ ਵੀ ਵਧੀ ਹੈ। ਜਿਸ ਵਿਚ ਸਮਾਜਿਕ ਦੂਰੀ ਨੂੰ ਲਗਾਤਾਰ ਅਣਗੋਲਿਆ ਕੀਤਾ ਜਾ ਰਿਹਾ ਹੈ। ਇਸ ਤੋਂ ਪਹਿਲਾਂ ਅਸੀ ਮਾਸਕ ਪਾਉਂਣ, ਸਮਾਜਿਕ ਦੂਰੀ ਅਤੇ ਦਿਨ ਵਿਚ ਵਾਰ-ਵਾਰ ਹੱਥ ਧੋਣ ਨੂੰ ਲੈ ਕੇ ਕਾਫੀ ਸਤਰਕ ਸੀ।

PM ModiPM Modi

ਦੱਸਣਯੋਗ ਹੈ ਕਿ ਦੇਸ਼ ਵਿਚ 1 ਜੂਨ ਤੋਂ ਅਨਲੌਕ-1 ਲੱਗਿਆ ਸੀ ਜਿਸ ਦੇ ਤਹਿਤ ਦੇਸ਼ ਵਿਚ ਮੰਦਰ,ਮਸਜਿਦ, ਬਜ਼ਾਰ ਦੇ ਨਾਲ-ਨਾਲ ਹੋਰ ਕਈ ਚੀਜਾਂ ਖੋਲ੍ਹ ਦਿੱਤੀਆਂ ਗਈਆਂ ਸਨ। ਜਿਸ ਤੋਂ ਸੜਕ ਤੇ ਲੋਕਾਂ ਦੀ ਭੀੜ ਵੀ ਦੇਖਣ ਨੂੰ ਮਿਲ ਰਹੀ ਹੈ ਅਤੇ ਇਸ ਨਾਲ ਹੀ ਜੂਨ ਦੇ ਮਹੀਨੇ ਵੀ ਹੀ ਕਰੋਨਾ ਕੇਸਾਂ ਨੇ ਦੇਸ਼ ਵਿਚ ਕਾਫੀ ਤੇਜ਼ੀ ਫੜੀ ਹੈ। ਇਸੇ ਗੱਲ ਤੇ ਚਿੰਤਾ ਜਾਹਰ ਕਰਦਿਆਂ ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਸਾਨੂੰ ਪਹਿਲਾਂ ਦੀ ਤਰ੍ਹਾਂ ਹੀ ਇਕ ਵਾਰ ਫਿਰ ਤੋਂ ਇਸ ਨੂੰ ਉਸੇ ਤਰ੍ਹਾਂ ਗੰਭੀਰਤਾ ਨਾਲ ਲੈਣਾ ਚਾਹੀਦਾ ਹੈ।

PM Narendra ModiPM Narendra Modi

ਇਸ ਲਈ ਵਿਸ਼ੇਸ ਕੰਟੇਨਮੈਨ ਜੋਨ ਵਿਚ ਸਾਨੂੰ ਸਭ ਤੋਂ ਵੱਧ ਧਿਆਨ ਦੇਣਾ ਹੋਵੇਗਾ। ਇਸ ਤੋਂ ਇਲਾਵਾ ਪੀਐੱਮ ਮੋਦੀ ਵੱਲੋਂ ਜੁਰਮਾਨੇ ਦੀ ਇਕ ਉਦਾਹਰਨ ਵੀ ਦਿੱਤੀ ਗਈ, ਉਨ੍ਹਾਂ ਕਿਹਾ ਕਿ ਤੁਸੀਂ ਖਬਰਾ ਵਿਚ ਸੁਣਿਆ ਹੋਵੇਗਾ ਕਿ ਇਕ ਦੇਸ਼ ਦੇ ਪ੍ਰਧਾਨ ਮੰਤਰੀ ਤੇ 13 ਹਜ਼ਾਰ ਦਾ ਜ਼ੁਰਮਾਨਾ ਲੱਗਿਆ ਕਿਉਂਕਿ ਉਹ ਕਿ ਜਨਤਕ ਥਾਂ ਤੇ ਬਿਨਾ ਮਾਸਕ ਪਾ ਕੇ ਗਏ ਸਨ। ਭਾਰਤ ਵਿਚ ਵੀ ਸਥਾਨਕ ਪ੍ਰਸਾਸ਼ਨ ਨੂੰ ਇਸੇ ਤਰ੍ਹਾਂ ਨਾਲ ਕੰਮ ਕਰਨ ਦੀ ਲੋੜ ਹੈ।  

PM ModiPM Modi

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।

Location: India, Delhi
Advertisement
Advertisement

 

Advertisement
Advertisement