ਜਨਤਕ ਖੇਤਰ ਦੀ ਕੰਪਨੀ ਕੋਲ ਇੰਡੀਆ ਲਿਮਟਿਡ (ਸੀਆਈਐਲ) ਨੇ ਪਿਛਲੇ ਪੰਜ ਮਹੀਨਿਆ ਵਿਚ ਬਿਜਲੀ ਖੇਤਰ ਨੂੰ 12.1 ਫ਼ੀ ਸਦੀ ਵੱਧ ਕੋਲੇ ਦੀ ਸਪਲਾਈ ਕੀਤੀ ਹੈ। ਕੰਪਨੀ ਨੇ ਇਸ...

ਨਵੀਂ ਦਿੱਲੀ : ਜਨਤਕ ਖੇਤਰ ਦੀ ਕੰਪਨੀ ਕੋਲ ਇੰਡੀਆ ਲਿਮਟਿਡ (ਸੀਆਈਐਲ) ਨੇ ਪਿਛਲੇ ਪੰਜ ਮਹੀਨਿਆ ਵਿਚ ਬਿਜਲੀ ਖੇਤਰ ਨੂੰ 12.1 ਫ਼ੀ ਸਦੀ ਵੱਧ ਕੋਲੇ ਦੀ ਸਪਲਾਈ ਕੀਤੀ ਹੈ। ਕੰਪਨੀ ਨੇ ਇਸ ਵਿੱਤੀ ਸਾਲ ਵਿਚ ਅਪ੍ਰੈਲ ਤੋਂ ਅਗਸਤ ਤੱਕ ਬਿਜਲੀ ਖੇਤਰ ਨੂੰ 19.69 ਕਰੋਡ਼ ਟਨ ਕੋਲੇ ਦੀ ਸਪਲਾਈ ਕੀਤੀ ਹੈ। ਕੋਲ ਇੰਡੀਆ ਨੇ ਪਿਛਲੇ ਸਾਲ ਇਸ ਮਿਆਦ ਦੇ ਦੌਰਾਨ 17.56 ਕਰੋਡ਼ ਟਨ ਕੋਲੇ ਦੀ ਸਪਲਾਈ ਕੀਤੀ ਸੀ।

COAL INDIA

ਖਬਰਾਂ ਦੇ ਮੁਤਾਬਕ, ਕੰਪਨੀ ਨੇ ਅਗਸਤ ਵਿਚ 3.67 ਕਰੋਡ਼ ਟਨ ਕੋਲੇ ਦੀ ਸਪਲਾਈ ਕੀਤੀ। ਜਦੋਂ ਕਿ ਪਿਛਲੇ ਸਾਲ ਇਸ ਮਹੀਨੇ ਵਿਚ ਇਹ ਸਪਲਾਈ 7.3 ਫ਼ੀ ਸਦੀ ਘੱਟ ਯਾਨੀ 3.42 ਕਰੋਡ਼ ਟਨ ਸੀ। ਸਿੰਗਰੇਨੀ ਕੋਲਰੀਜ ਕੰਪਨੀ ਲਿਮਟਿਡ (ਐਸਸੀਸੀਐਲ) ਨੇ ਮੌਜੂਦਾ ਵਿੱਤੀ ਸਾਲ ਦੇ ਅਪ੍ਰੈਲ - ਅਗਸਤ ਮਿਆਦ ਵਿਚ 2.12 ਕਰੋਡ਼ ਟਨ ਕੋਲੇ ਦੀ ਸਪਲਾਈ ਕੀਤੀ। ਜਦੋਂ ਕਿ ਇਸ ਤੋਂ ਪਿਛਲੇ ਵਿੱਤੀ ਸਾਲ ਦੀ ਇਸ ਮਿਆਦ ਵਿਚ ਉਸ ਨੇ ਦੋ ਕਰੋਡ਼ ਟਨ ਕੋਲਾ ਬਿਜਲੀ ਖੇਤਰ ਨੂੰ ਪਹੁੰਚਾਇਆ ਸੀ।

Coal

ਕੋਲ ਇੰਡੀਆ ਨੇ  ਮੌਜੂਦਾ ਵਿੱਤੀ ਸਾਲ ਵਿਚ 52.5 ਕਰੋਡ਼ ਟਨ ਕੋਲੇ ਦੀ ਸਪਲਾਈ ਦਾ ਅੰਦਾਜਾ ਜਤਾਇਆ ਹੈ, ਜੋ 2017 -18 ਵਿਚ 45.4 ਕਰੋਡ਼ ਟਨ ਰਹੀ ਸੀ। ਕੋਲਾ ਮੰਤਰੀ ਪੀਊਸ਼ ਗੋਇਲ ਨੇ ਜੁਲਾਈ ਵਿਚ ਕੋਲ ਇੰਡੀਆ ਨੂੰ ਸਾਰੇ ਖੇਤਰਾਂ ਖਾਸਕਰ ਬਿਜਲੀ ਖੇਤਰ ਦੀ ਕੋਲੇ ਦੀ ਮੰਗ ਨੂੰ ਪੂਰਾ ਕਰਨ ਨੂੰ ਕਿਹਾ ਸੀ।