16 ਜੂਨ ਨੂੰ ਇਸੇ ਥਾਂ ਸਿੱਖ ਪਿਓ-ਪੁੱਤ ਦੀ ਹੋਈ ਸੀ ਕੁੱਟਮਾਰ
ਨਵੀਂ ਦਿੱਲੀ- ਦਿੱਲੀ ਦੇ ਮੁਖ਼ਰਜੀ ਨਗਰ ਦੀ ਜਗ੍ਹਾ ਜਿੱਥੇ ਇਸੇ ਸਾਲ 16 ਜੂਨ ਨੂੰ ਪੁਲਿਸ ਸਟੇਸ਼ਨ ਦੇ ਬਿਲਕੁਲ ਸਾਹਮਣੇ ਪੁਲਿਸ ਨੇ ਸਿੱਖ ਪਿਓ-ਪੁੱਤ ਨੂੰ ਬੇਰਹਿਮੀ ਨਾਲ ਕੁੱਟਿਆ ਸੀ। ਪਿਓ-ਪੁੱਤਰ ਨੂੰ ਇਨਸਾਫ਼ ਦਿਵਾਉਣ ਲਈ ਸਿੱਖਾਂ ਵੱਲੋਂ ਬਣਾਏ ਇਨਸਾਫ਼ ਮੋਰਚੇ ਦੇ ਸਾਥੀਆਂ ਨੇ ਬੰਦੀਛੋੜ ਦਿਵਸ ਵਾਲੇ ਦਿਨ ਉਸੇ ਸਥਾਨ ’ਤੇ ਜਾ ਕੇ ਮੋਮਬੱਤੀਆਂ ਜਗਾਈਆਂ ਅਤੇ ਸਿੱਖਾਂ ਦੇ ਭਲੇ ਦੀ ਅਰਦਾਸ ਕੀਤੀ।
ਸਿੱਖ ਪਿਓ ਪੁੱਤਰ ਨੂੰ ਇਨਸਾਫ਼ ਦਿਵਾਉਣ ਲਈ ਬਣਾਇਆ ਮੋਰਚਾ ਇਕ ਪਰਿਵਾਰ ਦੀ ਤਰ੍ਹਾਂ ਸੀ ਹਰ ਉਹ ਸਿੱਖ ਉਸ ਮੋਰਚੇ ਦਾ ਮੈਂਬਰ ਸੀ ਜੋ ਪੁਲਿਸ ਦੀ ਇਸ ਕਰੂਰਤਾ ਦੇ ਖ਼ਿਲਾਫ਼ ਸੀ। ਬੰਦੀਛੋੜ ਦਿਵਸ ਵਾਲੇ ਦਿਨ ਇਕ ਛੋਟੀ ਬੱਚੀ ਹਰਲੀਨ ਕੌਰ ਨੇ ਜਿੱਥੇ ਥਾਣੇ ਦੇ ਸਾਹਮਣੇ ਉਸੇ ਸਥਾਨ ’ਤੇ ਮੋਮਬੱਤੀਆਂ ਜਗਾਈਆਂ ਉਥੇ ਹੀ ਉਸ ਨੇ ਅਰਦਾਸ ਵੀ ਕੀਤੀ ਕਿ ਭਵਿੱਖ ਵਿਚ ਕਦੇ ਵੀ ਸਿੱਖਾਂ ਦੀ ਦਸਤਾਰ ਦੀ ਬੇਅਦਬੀ ਨਾ ਹੋਵੇ।
16 ਜੂਨ ਨੂੰ ਦਿੱਲੀ ਪੁਲਿਸ ਵੱਲੋਂ ਸਿੱਖ ਪਿਓ-ਪੁੱਤਰ ਦੀ ਸ਼ਰ੍ਹੇਆਮ ਕੁੱਟਮਾਰ ਕੀਤੇ ਜਾਣ ਦਾ ਵੀਡੀਓ ਸੋਸ਼ਲ ਮੀਡੀਆ ’ਤੇ ਅੱਗ ਦੀ ਤਰ੍ਹਾਂ ਫੈਲਿਆ ਸੀ ਜਿਸ ਮਗਰੋਂ ਸਿੱਖਾਂ ਨੇ ਪੁਲਿਸ ਦੀ ਕੁੱਟਮਾਰ ਦਾ ਸ਼ਿਕਾਰ ਹੋਏ ਸਿੱਖ ਪਿਓ ਪੁੱਤ ਨੂੰ ਇਨਸਾਫ਼ ਦਿਵਾਉਣ ਲਈ ਇਨਸਾਫ਼ ਮੋਰਚਾ ਬਣਾਇਆ ਸੀ। ਜਿਸ ਦਾ ਅਸਰ ਇਹ ਹੋਇਆ ਕਿ ਪੁਲਿਸ ਨੂੰ ਉਨ੍ਹਾਂ ਕੁੱਝ ਪੁਲਿਸ ਮੁਲਾਜ਼ਮਾਂ ਨੂੰ ਬਰਖ਼ਾਸਤ ਕਰਨਾ ਪਿਆ, ਜੋ ਇਸ ਮੰਦਭਾਗੇ ਵਰਤਾਰੇ ਵਿਚ ਸ਼ਾਮਲ ਸਨ।
Mukherjee Nagar clash
ਕਰੀਬ 5-6 ਮਹੀਨੇ ਦਿੱਲੀ ਵਿਚ ਵਾਪਰੀ ਕੁੱਟਮਾਰ ਦੀ ਇਸ ਘਟਨਾ ਨੇ ਸਿੱਖਾਂ ਨੂੰ ਧੁਰ ਅੰਦਰ ਤਕ ਹਿਲਾ ਕੇ ਰੱਖ ਦਿੱਤਾ ਸੀ। ਸਿੱਖਾਂ ਨੇ ਇਸ ਦੇ ਇਨਸਾਫ਼ ਲਈ ਕਰੀਬ ਦੋ ਮਹੀਨੇ ਤਕ ਸੰਘਰਸ਼ ਕੀਤਾ ਅਤੇ ਜਿੱਤ ਪ੍ਰਾਪਤ ਕੀਤੀ ਹੁਣ ਛੋਟੀ ਬੱਚੀ ਹਰਲੀਨ ਕੌਰ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ ’ਤੇ ਕਾਫ਼ੀ ਪਸੰਦ ਕੀਤਾ ਜਾ ਰਿਹਾ ਹੈ ਜੋ ਉਸੇ ਸਥਾਨ ’ਤੇ ਮੋਮਬੱਤੀਆਂ ਜਗਾਉਣ ਮਗਰੋਂ ਇਨਸਾਫ਼ ਦੀ ਲੜਾਈ ਲੜਨ ਵਾਲਿਆਂ ਦਾ ਧੰਨਵਾਦ ਕਰਦੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
