ਅਰੁਣਾਚਲ ਪ੍ਰਦੇਸ਼ ਦੇ ਰਾਜਪਾਲ ਬਰਿਗੇਡਿਅਰ (ਰਿਟਾ) ਬੀ.ਡੀ.ਮਿਸ਼ਰਾ ਨੇ ਕੁਝ ਅਜਿਹਾ ਕੀਤਾ....
ਈਟਾਨਗਰ (ਭਾਸ਼ਾ): ਅਰੁਣਾਚਲ ਪ੍ਰਦੇਸ਼ ਦੇ ਰਾਜਪਾਲ ਬਰਿਗੇਡਿਅਰ (ਰਿਟਾ) ਬੀ.ਡੀ.ਮਿਸ਼ਰਾ ਨੇ ਕੁਝ ਅਜਿਹਾ ਕੀਤਾ ਹੈ ਜਿਸ ਦੀ ਮਿਸਾਲ ਦਿਤੀ ਜਾਣੀ ਚਾਹੀਦੀ ਹੈ। ਦਰਅਸਲ, ਉਨ੍ਹਾਂ ਇਕ ਗਰਭਵਤੀ ਮਹਿਲਾ ਨੂੰ ਅਪਣੇ ਹੈਲੀਕਾਪਟਰ ਨਾਲ ਤਵਾਂਗ ਤੋਂ ਈਟਾਨਗਰ ਲੈ ਕੇ ਆਏ ਤਾਂਕਿ ਉਸ ਨੂੰ ਸਮੇਂ ਉਤੇ ਡਾਕਟਰੀ ਸਹਾਇਤਾ ਉਪਲਬਧ ਹੋ ਸਕੇ। ਹਾਲਾਂਕਿ ਇਸ ਕੰਮ ਵਿਚ ਰਾਜਪਾਲ ਦੇ ਸਾਹਮਣੇ ਕਈ ਰੁਕਾਵਟਾਂ ਵੀ ਆਈਆਂ ਅਤੇ ਕੁਝ ਅਜਿਹਾ ਹੋਇਆ ਕਿ ਉਹ ਅਪਣੇ ਆਪ ਈਟਾਨਗਰ ਨਹੀਂ ਪਹੁੰਚ ਸਕੇ ਪਰ ਉਨ੍ਹਾਂ ਮਹਿਲਾ ਨੂੰ ਚੰਗੇ ਇਲਾਜ ਲਈ ਹਸਪਤਾਲ ਪਹੁੰਚਾਉਣ ਵਿਚ ਕਾਮਯਾਬ ਰਹੇ।
ਰਾਜ-ਮਹਿਲ ਦੇ ਸੂਤਰਾਂ ਨੇ ਵੀਰਵਾਰ ਨੂੰ ਦੱਸਿਆ ਕਿ ਤਵਾਂਗ ਵਿਚ ਬੁੱਧਵਾਰ ਨੂੰ ਅਧਿਕਾਰਿਕ ਪ੍ਰੋਗਰਾਮ ਦੇ ਦੌਰਾਨ ਰਾਜਪਾਲ ਨੇ ਮੁੱਖ ਮੰਤਰੀ ਪੇਮਾ ਖਾਂਡੂ ਅਤੇ ਸਥਾਨਕ ਵਿਧਾਇਕ ਦੇ ਵਿਚ ਗੱਲਬਾਤ ਸੁਣੀ। ਵਿਧਾਇਕ ਖਾਂਡੂ ਨੂੰ ਦੱਸ ਰਹੇ ਸਨ ਕਿ ਇਕ ਗਰਭਵਤੀ ਮਹਿਲਾ ਦੀ ਹਾਲਤ ਨਾਜੁਕ ਹੈ ਪਰ ਤਵਾਂਗ ਅਤੇ ਗੁਵਹਾਟੀ ਦੇ ਵਿਚ ਅਗਲੇ ਤਿੰਨ ਦਿਨਾਂ ਤੱਕ ਕੋਈ ਹੈਲੀਕਾਪਟਰ ਸੇਵਾ ਨਹੀਂ ਹੈ। ਇੰਨਾ ਸੁਣਦੇ ਹੀ ਰਾਜਪਾਲ ਮਿਸ਼ਰਾ ਨੇ ਕਿਹਾ ਕਿ ਉਹ ਅਪਣੇ ਹੈਲੀਕਾਪਟਰ ਨਾਲ ਮਹਿਲਾ ਅਤੇ ਉਸ ਦੇ ਪਤੀ ਨੂੰ ਨਾਲ ਲੈ ਜਾਣਗੇ।
ਪਤੀ-ਪਤਨੀ ਲਈ ਹੈਲੀਕਾਪਟਰ ਵਿੱਚ ਜਗ੍ਹਾ ਬਣਾਉਣ ਦੀ ਖਾਤਰ ਰਾਜਪਾਲ ਨੇ ਅਪਣੇ 2 ਅਧਿਕਾਰੀਆਂ ਨੂੰ ਤਵਾਂਗ ਵਿਚ ਹੀ ਛੱਡਣ ਦਾ ਫੈਸਲਾ ਲਿਆ। ਮਾਮਲਾ ਇਥੇ ਖਤਮ ਨਹੀਂ ਹੋਇਆ। ਮਿਸ਼ਰਾ ਦਾ ਹੈਲੀਕਾਪਟਰ ਅਸਾਮ ਦੇ ਤੇਜਪੁਰ ਵਿਚ ਬਾਲਣ ਭਰਨ ਲਈ ਉਤਰੀਆ। ਉਥੇ ਪਾਇਲਟ ਨੇ ਦੇਖਿਆ ਕਿ ਹੈਲੀਕਾਪਟਰ ਵਿਚ ਕੁਝ ਖਰਾਬੀ ਆ ਗਈ ਹੈ ਅਤੇ ਹੁਣ ਉਹ ਉਡ਼ਾਨ ਨਹੀਂ ਭਰ ਸਕਦਾ ਹੈ। ਮਹਿਲਾ ਦੀ ਹਾਲਤ ਤੋਂ ਰਾਜਪਾਲ ਨੇ ਤੇਜਪੁਰ ਸਥਿਤ ਹਵਾਈ ਫੌਜ ਦੇ ਕਮਾਂਡਿੰਗ ਅਫ਼ਸਰ ਤੋਂ ਦੂਜਾ ਹੈਲੀਕਾਪਟਰ ਮੰਗਿਆ ਅਤੇ ਮਹਿਲਾ ਅਤੇ ਉਸ ਦੇ ਪਤੀ ਨੂੰ ਰਵਾਨਾ ਕੀਤਾ।
ਉਹ ਅਪਣੇ ਆਪ ਬਾਅਦ ਵਿਚ ਦੂਜੇ ਹੈਲੀਕਾਪਟਰ ਨਾਲ ਗਏ। ਇਨ੍ਹਾਂ ਹੀ ਨਹੀਂ ਮਿਸ਼ਰਾ ਨੇ ਸੂਚਿਤ ਕੀਤਾ ਕਿ ਈਟਾਨਗਰ ਵਿਚ ਰਾਜ-ਮਹਿਲ ਦੇ ਹੈਲੀਪੈਡ ਉਤੇ ਇਕ ਮਹਿਲਾ ਰੋਗ ਮਾਹਰ ਦੇ ਨਾਲ ਐਬੂਲੈਂਸ ਮੌਜੂਦ ਰਹੇ ਤਾਂਕਿ ਮਹਿਲਾ ਨੂੰ ਕੋਈ ਕਸ਼ਟ ਨਾ ਹੋਵੇ। ਰਾਜਪਾਲ ਨੇ ਬਾਅਦ ਵਿਚ ਮਹਿਲਾ ਦੇ ਬਿਲਕੁਲ ਤੰਦਰੁਸਤ ਪੈਦਾ ਹੋਏ ਬੱਚੇ ਨੂੰ ਸ਼ੁਭਕਾਮਨਾਵਾਂ ਦਿਤੀਆਂ।