ਭਾਰਤ ਅਪਣੀ ਨੌਸੈਨਾ ਨੂੰ ਮਜਬੂਤ ਕਰਨ ਲਈ ਅਮਰੀਕਾ ਦੀ ਐਂਟੀ ਸਬਮਰੀਨ ਹੈਲੀਕਾਪਟਰ ‘ਐਮਐਚ-60 ਰੋਮੀਓ’ ਖਰੀਦਣਾ...
ਵਾਸ਼ਿੰਗਟਨ (ਭਾਸ਼ਾ) : ਭਾਰਤ ਅਪਣੀ ਨੌਸੈਨਾ ਨੂੰ ਮਜਬੂਤ ਕਰਨ ਲਈ ਅਮਰੀਕਾ ਦੀ ਐਂਟੀ ਸਬਮਰੀਨ ਹੈਲੀਕਾਪਟਰ ‘ਐਮਐਚ-60 ਰੋਮੀਓ’ ਖਰੀਦਣਾ ਚਾਹੁੰਦਾ ਹੈ। ਸੂਤਰਾਂ ਦੇ ਮੁਤਾਬਕ, ਇਸ ਦੇ ਲਈ ਭਾਰਤ ਸਰਕਾਰ ਨੇ ਅਮਰੀਕਾ ਨੂੰ ਪੱਤਰ ਲਿਖਿਆ ਹੈ ਅਤੇ 24 ਹੈਲੀਕਾਪਟਰ ਤੁਰਤ ਦੇਣ ਦੀ ਮੰਗ ਕੀਤੀ ਹੈ। ਇਹ ਡੀਲ 2 ਬਿਲੀਅਨ ਡਾਲਰ (14,357 ਕਰੋੜ ਰੁਪਏ) ਵਿਚ ਹੋਵੇਗੀ।
ਸੁਰੱਖਿਆ ਉਦਯੋਗ ਦੇ ਸੂਤਰਾਂ ਨੇ ਸ਼ੁੱਕਰਵਾਰ ਨੂੰ ਦੱਸਿਆ ਕਿ ਭਾਰਤ ਲਗਭੱਗ 10 ਸਾਲ ਤੋਂ ਇਸ ਹੈਲੀਕਾਪਟਰ ਨੂੰ ਖ਼ਰੀਦਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਉਮੀਦ ਹੈ ਕਿ ਇਹ ਡੀਲ ਅਗਲੇ ਕੁਝ ਮਹੀਨਿਆਂ ਵਿਚ ਫਾਇਨਲ ਹੋ ਜਾਵੇਗੀ। ਸੂਤਰਾਂ ਦਾ ਕਹਿਣਾ ਹੈ ਕਿ ਸਿੰਗਾਪੁਰ ਵਿਚ ਏਸ਼ੀਆਨ ਸਮਿਟ ਤੋਂ ਅਲੱਗ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਅਮਰੀਕੀ ਉਪ ਰਾਸ਼ਟਰਪਤੀ ਮਾਇਕ ਪੇਂਸ ਵਿਚ ਇਸ ਮੁੱਦੇ ‘ਤੇ ਵੀ ਗੱਲਬਾਤ ਹੋਈ ਸੀ।
ਦੱਸਿਆ ਜਾ ਰਿਹਾ ਹੈ ਕਿ ਪਿਛਲੇ ਕੁਝ ਮਹੀਨਿਆਂ ਵਿਚ ਦੋਵਾਂ ਦੇਸ਼ਾਂ ਦੇ ਸੁਰੱਖਿਆ ਸਬੰਧ ਮਜ਼ਬੂਤ ਹੋਏ ਹਨ। ਇਨ੍ਹਾਂ ਦੇ ਤਹਿਤ ਟਰੰਪ ਪ੍ਰਸ਼ਾਸਨ ਨੇ ਭਾਰਤੀ ਫੌਜ ਦੀ ਜ਼ਰੂਰਤ ਦੇ ਮੁਤਾਬਕ ਹਾਈਟੈਕ ਅਮਰੀਕੀ ਫੌਜੀ ਸਮੱਗਰੀ ਉਪਲੱਬਧ ਕਰਵਾਉਣ ਦਾ ਰਸਤਾ ਖੋਲ੍ਹ ਦਿਤਾ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਸਿੰਗਾਪੁਰ ਦੀ ਤਰ੍ਹਾ ਮੋਦੀ ਅਤੇ ਅਮਰੀਕੀ ਰਾਸ਼ਟਰਪਤੀ ਟਰੰਪ ਦੇ ਵਿਚ 30 ਨਵੰਬਰ ਅਤੇ ਇਕ ਦਸੰਬਰ ਨੂੰ ਦੋ ਪੱਖੀ ਗੱਲਬਾਤ ਹੋ ਸਕਦੀ ਹੈ।
ਹਾਲਾਂਕਿ, ਦੋਵਾਂ ਪੱਖਾਂ ਨੇ ਇਸ ਦੀ ਪੁਸ਼ਟੀ ਨਹੀਂ ਕੀਤੀ ਹੈ। ਸੂਤਰਾਂ ਦੇ ਮੁਤਾਬਕ, ਐਮਐਚ-60 ਰੋਮੀਓ ਹੈਲੀਕਾਪਟਰ ਦੀ ਡੀਲ ਲਈ ਭਾਰਤ ਨੂੰ ਆਫਸੈਟ ਪਾਰਟਨਰ ਦੀ ਜ਼ਰੂਰਤ ਹੈ। ਸਰਕਾਰ ਦੀ ਯੋਜਨਾ ਹੈ ਕਿ ਅਮਰੀਕਾ ਨਾਲ ਡੀਲ ਫਾਈਨਲ ਹੋਣ ਤੋਂ ਬਾਅਦ ਅਜਿਹੇ 123 ਹੈਲੀਕਾਪਟਰ ਦੀ ਉਸਾਰੀ ਦੇਸ਼ ਵਿਚ ਹੀ ਕਰਵਾਈ ਜਾਵੇ।
