ਹਿਮਾਚਲ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਜੈ ਰਾਮ ਠਾਕੁਰ ਜਲਦ ਹੀ ਇਲੈਕਟ੍ਰਿਕ ਕਾਰ ’ਚ ਬੈਠੇ ਨਜ਼ਰ...
ਸ਼ਿਮਲਾ: ਹਿਮਾਚਲ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਜੈ ਰਾਮ ਠਾਕੁਰ ਜਲਦ ਹੀ ਇਲੈਕਟ੍ਰਿਕ ਕਾਰ ’ਚ ਬੈਠੇ ਨਜ਼ਰ ਆ ਸਕਦੇ ਹਨ। ਟ੍ਰਾਂਸਪੋਰਟ ਵਿਭਾਗ ਨੇ ਮੁੱਖ ਮੰਤਰੀ ਨੂੰ ਇਹ ਕਾਰ ਤੋਹਫੇ ਵਜੋਂ ਭੇਟ ਕਰੇਗਾ ਹੁੰਡਈ ਕੰਪਨੀ ਦੀ ਇਹ ਇਲੈਕਟ੍ਰਿਕ ਕਾਰ ਹਾਲ ਹੀ ਵਿਚ ਦੇਸ਼ ’ਚ ਲਾਂਚ ਹੋਈ ਹੈ। ਲਗਭਗ 25 ਲੱਖ ਰੁਪਏ ਦੀ ਕੀਮਤ ਦੀ ਇਹ ਕਾਰ ਸ਼ੁੱਕਰਵਾਰ ਨੂੰ ਵਿਧਾਨ ਸਭਾ ’ਚ ਨਿਰੀਖਣ ਲਈ ਲਿਆਂਦੀ ਗਈ। ਠਾਕੁਰ ਨੇ ਨਾ ਸਿਰਫ਼ ਇਸ ਕਾਰ ਨੂੰ ਦੇਖਿਆ ਸਗੋਂ ਇਸ ’ਚ ਬੈਠੇ ਵੀ ਅਤੇ ਟ੍ਰਾਇਲ ਵੀ ਲਿਆ।
Jai Ram Thakur
ਹੁਣ ਜੇਕਰ ਇਹ ਕਾਰ ਉਨ੍ਹਾਂ ਨੂੰ ਪਸੰਦ ਆਉਂਦੀ ਹੈ ਤਾਂ ਜਲਦ ਹੀ ਉਹ ਉਸ ਵਿਚ ਬੈਠੇ ਨਜ਼ਰ ਆਉਣਗੇ। ਟਰਾਂਸਪੋਰਟ ਵਿਭਾਗ ਮੁੱਖ ਮੰਤਰੀ ਨੂੰ ਇਹ ਕਾਰ ਭੇਟ ਕਰੇਗਾ। ਇਹ ਕਾਰ ਇਕ ਵਾਰ ਚਾਰਜ ਹੋਣ ਤੋਂ ਬਾਅਦ ਲੱਗਭਗ 452 ਕਿਲੋਮੀਟਰ ਦੀ ਦੂਰੀ ਤੈਅ ਕਰੇਗੀ। ਜੇਕਰ ਗੱਡੀ ਨੂੰ ਘਰ ’ਚ ਚਾਰਜ ਕਰਨਾ ਹੈ, ਤਾਂ ਉਸ ਨੂੰ ਲੱਗਭਗ 6 ਘੰਟੇ ਦਾ ਸਮਾਂ ਲੱਗੇਗਾ।
Jai Ram Thakur
ਜਦਕਿ ਚਾਰਜਿੰਗ ਸਟੇਸ਼ਨ ’ਚ ਇਹ ਸਿਰਫ 57 ਮਿੰਟ ’ਚ ਚਾਰਜ ਹੋ ਜਾਵੇਗੀ। ਗੱਡੀ ਦੀ ਸੰਚਾਲਨ ਲਾਗਤ 30 ਪੈਸੇ ਪ੍ਰਤੀ ਕਿਲੋਮੀਟਰ ਆ ਰਹੀ ਹੈ। ਸਵਾਲ ਇਹ ਹੈ ਕਿ ਇਹ ਕਾਰ ਹੈਚਬੈਕ ਹੋਣ ਕਾਰਨ ਸਾਈਜ਼ ਵਿਚ ਛੋਟੀ ਹੈ ਅਤੇ ਮੁੱਖ ਮੰਤਰੀ ਵਰਗੇ ਅਹੁਦੇ ਦੀ ਸਾਖ ਤੋਂ ਘੱਟ ਹੈ। ਹੁਣ ਦੇਖਣਾ ਹੈ ਕਿ ਮੁੱਖ ਮੰਤਰੀ ਖੁਦ ਇਸ ਬਾਰੇ ’ਚ ਕੀ ਫੈਸਲਾ ਲੈਂਦੇ ਹਨ।
