ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਦੋ ਦਿਨ ਪਹਿਲਾਂ ਹੀ ਕਰਨਾਟਕ ਸਰਕਾਰ ਵਲੋਂ ਕਿਸਾਨਾਂ ਦਾ ਕਰਜ਼ਾ ਮਾਫ਼ ਕਰਨ ਨੂੰ ਲੈ ਕੇ ਕਿਸਾਨਾਂ ਦੇ ਨਾਲ ਕੋਝਾ ਮਜ਼ਾਕ ਕਰਾਰ ਦਿਤਾ ਸੀ...
ਬੈਂਗਲੁਰੂ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਦੋ ਦਿਨ ਪਹਿਲਾਂ ਹੀ ਕਰਨਾਟਕ ਸਰਕਾਰ ਵਲੋਂ ਕਿਸਾਨਾਂ ਦਾ ਕਰਜ਼ਾ ਮਾਫ਼ ਕਰਨ ਨੂੰ ਲੈ ਕੇ ਕਿਸਾਨਾਂ ਦੇ ਨਾਲ ਕੋਝਾ ਮਜ਼ਾਕ ਕਰਾਰ ਦਿਤਾ ਸੀ। ਹੁਣ ਕਰਨਾਟਕ ਦੇ ਮੁੱਖ ਮੰਤਰੀ ਐਚਡੀ ਕੁਮਾਰਸਵਾਮੀ ਨੇ ਪੀਐਮ ਨੂੰ ਜਵਾਬ ਦਿੰਦੇ ਹੋਏ ਉਨ੍ਹਾਂ ਦੇ ਬਿਆਨ ਨੂੰ ਅਸੰਵੇਦਨਸ਼ੀਲ ਅਤੇ ਅਸਲ ਤੌਰ 'ਤੇ ਗਲਤ ਦੱਸਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਸਰਕਾਰ ਦੇ ਕੋਲ ਤਿਆਰ ਅੰਕੜੇ ਹਨ ਅਤੇ ਸਾਰੇ ਜਾਣਕਾਰੀ ਆਨਲਾਈਨ ਮੌਜੂਦ ਹੈ। ਉਨ੍ਹਾਂ ਦਾ ਕਹਿਣਾ ਹੈ, ਸਾਡੀ ਫ਼ਸਲ ਕਰਜ਼ਾ ਮਾਫ਼ੀ ਇਕ ਖੁੱਲ੍ਹੀ ਕਿਤਾਬ ਹੈ ਅਤੇ ਜਾਣਕਾਰੀ ਆਨਲਾਈਨ ਮੌਜੂਦ ਹੈ, ਸਾਰੇ ਰਾਜਾਂ ਦੀ ਤਰ੍ਹਾਂ।
Kumaraswamy & PM Modi
ਰਾਜ ਸਰਕਾਰ ਕਰਦਾਤਾਵਾਂ ਦੇ ਪੈਸਿਆਂ ਨੂੰ ਸਾਵਧਾਨੀ ਨਾਲ ਸੰਭਾਲ ਰਹੀ ਹੈ ਤਾਂਕਿ ਉਹ ਅਸਲ ਲਾਭਕਰਤਾਵਾਂ ਤੱਕ ਪਹੁੰਚ ਸਕੇ... ਕਿਸਾਨ। ਦੱਸ ਦਈਏ ਕਿ ਪੀਐਮ ਮੋਦੀ ਨੇ ਕਰਨਾਟਕ ਦੇ ਭਾਜਪਾ ਬੂਥ ਕਰਮਚਾਰੀਆਂ ਦੇ ਨਾਲ ਦਿੱਲੀ ਤੋਂ ਵੀਡੀਓ ਕਾਨਫਰੰਸਿੰਗ ਦੇ ਜ਼ਰੀਏ ਗੱਲ ਕੀਤੀ ਸੀ। ਉਸੀ ਦੌਰਾਨ ਉਨ੍ਹਾਂ ਨੇ ਰਾਜ ਵਿਚ ਕਿਸਾਨਾਂ ਦੀ ਕਰਜ਼ਾ ਮਾਫ਼ੀ ਨੂੰ ਕਿਸਾਨਾਂ ਦੇ ਨਾਲ ਮਜ਼ਾਕ ਕਰਾਰ ਦਿਤਾ ਸੀ। ਉਨ੍ਹਾਂ ਨੇ ਐਚਡੀ ਕੁਮਾਰਸਵਾਮੀ ਦੀ ਅਗਵਾਈ ਵਾਲੀ ਸਰਕਾਰ 'ਤੇ ਹਮਲਾ ਬੋਲਦੇ ਹੋਏ ਕਿਹਾ ਸੀ ਕਿ ਮਈ ਤੋਂ ਲੈ ਕੇ ਹੁਣੇ ਤੱਕ ਸਿਰਫ਼ 800 ਕਿਸਾਨਾਂ ਨੂੰ ਹੀ ਫ਼ਾਇਦਾ ਪਹੁੰਚਿਆ ਹੈ।
Farmer
ਪੀਐਮ ਮੋਦੀ ਨੇ ਰਾਜ ਸਰਕਾਰ 'ਤੇ ਨਿਸ਼ਾਨਾ ਸਾਧਦੇ ਹੋਏ ਕਿਹਾ ਸੀ, ਕਿਸਾਨ ਅਪਣੀ ਵੱਲ ਧਿਆਨ ਚਾਹੁੰਦੇ ਹਨ ਪਰ ਸੱਤਾ ਵਿਚ ਬੈਠੇ ਲੋਕ ਹੈਂਕੜ ਵਿਚ ਫ਼ਸੇ ਹਨ। ਆਮ ਆਦਮੀ ਵਿਕਾਸ ਚਾਹੁੰਦਾ ਹੈ ਪਰ ਜੋ ਲੋਕ ਸੱਤਾ ਵਿਚ ਬੈਠੇ ਹਨ ਉਹ ਸਿਰਫ਼ ਇਕ ਖ਼ਾਨਦਾਨ ਦਾ ਵਿਕਾਸ ਚਾਹੁੰਦੇ ਹਨ। ਲੋਕ ਭ੍ਰਿਸ਼ਟਾਚਾਰ ਅਜ਼ਾਦ ਮਾਹੌਲ ਚਾਹੁੰਦੇ ਹਨ ਪਰ ਰਾਜ ਸਰਕਾਰ ਵਿਕਾਸ ਅਜ਼ਾਦ ਭ੍ਰਿਸ਼ਟਾਚਾਰ ਚਾਹੁੰਦੀ ਹੈ। ਉਥੇ ਹੀ ਰਾਜ ਸਰਕਾਰ ਦਾ ਦਾਅਵਾ ਹੈ ਕਿ 60 ਹਜ਼ਾਰ ਕਿਸਾਨਾਂ ਨੂੰ ਫ਼ਾਇਦਾ ਪਹੁੰਚਿਆ ਹੈ। ਉਨ੍ਹਾਂ ਦੇ ਬੈਂਕ ਖਾਤਿਆਂ ਵਿਚ ਸਿੱਧੇ 350 ਕਰੋਡ਼ ਰੁਪਏ ਪਹੁੰਚੇ ਹਨ।
HD Kumaraswamy
ਅਗਲੇ ਹਫ਼ਤੇ ਤੱਕ ਇਕ ਲੱਖ ਕਿਸਾਨਾਂ ਨੂੰ ਇਲੈਕਟਰਾਨਿਕ ਟ੍ਰਾਂਸਫ਼ਰ ਦੇ ਜ਼ਰੀਏ 400 ਕਰੋਡ਼ ਰੁਪਏ ਦਿਤੇ ਜਾਣਗੇ। ਕੁਮਾਰਸਵਾਮੀ ਦਾ ਕਹਿਣਾ ਹੈ, ਸਹਿਕਾਰਤਾ ਖੇਤਰ ਤੋਂ ਸਾਰੇ ਬਿਚੌਲੀਏ ਖਤਮ ਕਰ ਦਿਤੇ ਗਏ ਹਨ। ਹੋਰ ਰਾਜਾਂ ਨੇ ਵੀ ਸਾਡੇ ਕੰਮ ਕਰਨ ਦੇ ਤਰੀਕੇ ਵਿਚ ਰੁਚੀ ਵਿਖਾਈ ਹੈ, ਜਿਸ ਵਿਚ ਆਧਾਰ ਦੀ ਜਾਣਕਾਰੀ, ਜ਼ਮੀਨੀ ਰਿਕਾਰਡ ਦਾ ਇਲੈਕਟ੍ਰਾਨਿਕ ਸਬੂਤ ਅਤੇ ਰਾਸ਼ਨ ਕਾਰਡ ਦੀ ਵਰਤੋਂ ਕੀਤਾ ਜਾਂਦਾ ਹੈ ਤਾਂਕਿ ਇਹ ਤੈਅ ਹੋ ਸਕੇ ਕਿ ਜਿਸ ਨੂੰ ਛੋਟ ਮਿਲਣੀ ਚਾਹੀਦੀ ਹੈ ਉਸੀ ਕਿਸਾਨ ਨੂੰ ਮਿਲੇ।
ਕੁਮਾਰਸਵਾਮੀ ਨੇ ਕੇਂਦਰ ਸਰਕਾਰ ਦੀ ਆਲੋਚਨਾ ਵੀ ਕੀਤੀ ਕਿ ਉਨ੍ਹਾਂ ਨੇ ਦਿੱਲੀ ਦੇ ਕਿਸਾਨ ਅੰਦੋਲਨ ਨੂੰ ਗੰਭੀਰਤਾ ਨਾਲ ਨਹੀਂ ਲਿਆ ਅਤੇ ਰਾਜ ਵਲੋਂ ਕਰਜ਼ਾ ਮਾਫ਼ੀ ਦਾ ਮਜ਼ਾਕ ਉਡਾਇਆ। ਹਾਲ ਹੀ 'ਚ ਪੀਐਮ ਮੋਦੀ ਨੇ ਅਪਣੇ ਭਾਸ਼ਣ ਵਿਚ ਕਾਂਗਰਸ ਵਲੋਂ ਤਿੰਨ ਰਾਜਾਂ ਵਿਚ ਕਿਸਾਨਾਂ ਦੀ ਕਰਜ਼ਾ ਮਾਫ਼ੀ ਨੂੰ ਉਨ੍ਹਾਂ ਨੂੰ ਭਟਕਾਉਣ ਵਾਲਾ ਦੱਸਿਆ ਅਤੇ ਕਿਹਾ ਕਿ ਉਹ ਕਿਸਾਨਾਂ ਲਈ ਲਾਲੀਪਾਪ ਹੈ।
