Advertisement
  ਖ਼ਬਰਾਂ   ਰਾਸ਼ਟਰੀ  31 Dec 2018  ਭੀਮ ਫ਼ੌਜ ਮੁਖੀ ਚੰਦਰਸ਼ੇਖਰ ਨੂੰ ਰੈਲੀ ਦੀ ਪ੍ਰਵਾਨਗੀ ਨਹੀਂ, 4 ਜਨਵਰੀ ਨੂੰ ਸੁਣਵਾਈ

ਭੀਮ ਫ਼ੌਜ ਮੁਖੀ ਚੰਦਰਸ਼ੇਖਰ ਨੂੰ ਰੈਲੀ ਦੀ ਪ੍ਰਵਾਨਗੀ ਨਹੀਂ, 4 ਜਨਵਰੀ ਨੂੰ ਸੁਣਵਾਈ

ਸਪੋਕਸਮੈਨ ਸਮਾਚਾਰ ਸੇਵਾ
Published Dec 31, 2018, 4:07 pm IST
Updated Dec 31, 2018, 4:07 pm IST
ਅਜ਼ਾਦ ਐਸਐਸਪੀਐਮਐਸ ਕਾਲਜ ਮੈਦਾਨ ਵਿਚ ਇਕ ਰੈਲੀ ਨੂੰ ਸੰਬੋਧਨ ਕਰਨ ਵਾਲੇ ਸਨ। ਪ੍ਰੋਗਰਾਮ ਲਈ ਆਯੋਜਕਾਂ ਨੂੰ ਪ੍ਰਵਾਨਗੀ ਨਾ ਮਿਲਣ ਕਾਰਨ ਇਸ ਨੂੰ ਰੱਦ ਕਰ ਦਿਤਾ ਗਿਆ।
Bhim Army Chief Chandrashekhar
 Bhim Army Chief Chandrashekhar

ਪੁਣੇ : ਭੀਮ ਫ਼ੌਜ ਦੇ ਮੁਖੀ ਚੰਦਰਸ਼ੇਖਰ ਅਜ਼ਾਦ ਉਰਫ ਰਾਵਣ ਪੁਲਿਸ ਸੁਰੱਖਿਆ ਵਿਚਕਾਰ ਪੁਣੇ ਪੁੱਜੇ। ਉਹਨਾਂ ਨੂੰ ਮੁੰਬਈ ਵਿਖੇ ਕਥਿਤ ਤੌਰ 'ਤੇ ਹਿਰਾਸਤ ਵਿਚ ਲਿਆ ਗਿਆ ਸੀ। ਅਜ਼ਾਦ ਐਸਐਸਪੀਐਮਐਸ ਕਾਲਜ ਮੈਦਾਨ ਵਿਚ ਇਕ ਰੈਲੀ ਨੂੰ ਸੰਬੋਧਨ ਕਰਨ ਵਾਲੇ ਸਨ। ਹਾਲਾਂਕਿ ਪ੍ਰੋਗਰਾਮ ਲਈ ਆਯੋਜਕਾਂ ਨੂੰ ਪ੍ਰਵਾਨਗੀ ਨਾ ਮਿਲਣ ਕਾਰਨ ਇਸ ਨੂੰ ਰੱਦ ਕਰ ਦਿਤਾ ਗਿਆ। ਉਹਨਾਂ ਦੇ ਸਮਰਥਕਾਂ ਨੇ ਦੋਸ਼ ਲਗਾਇਆ ਕਿ ਉਹਨਾਂ ਨੂੰ ਮੁੰਬਈ ਦੇ ਹੋਟਲ ਵਿਚ ਹਿਰਾਸਤ ਵਿਚ ਲਿਆ ਗਿਆ ਪਰ ਇਸ ਦੋਸ਼ ਨੂੰ ਪੁਲਿਸ ਨੇ ਖਾਰਜ ਕਰ ਦਿਤਾ।

Chaitya BhoomiChaitya Bhoomi

ਹਾਈ ਕੋਰਟ ਨੇ ਪੁਣੇ ਪੁਲਿਸ ਨੂੰ ਅਗਲੀ ਸੁਣਵਾਈ 4 ਜਨਵਰੀ 2019 ਤੱਕ ਅਪਣਾ ਜਵਾਬ ਦਾਖਲ ਕਰਨ ਨੂੰ ਕਿਹਾ ਹੈ। ਦੱਸ ਦਈਏ ਕਿ ਮੁੰਬਈ ਪਹੁੰਚਣ 'ਤੇ ਚੰਦਰਸ਼ੇਖਰ ਅਜ਼ਾਦ ਨੂੰ ਮੁੰਬਈ ਪੁਲਿਸ ਨੇ ਦਿਨ ਭਰ ਨਜ਼ਰਬੰਦ ਰੱਖਿਆ ਅਤੇ ਦੇਰ ਸ਼ਾਮ ਹਿਰਾਸਤ ਵਿਚ ਲੈ ਲਿਆ ਸੀ। ਚੰਦਰਸ਼ੇਖਰ ਨੇ ਦੱਸਿਆ ਸੀ ਕਿ ਪੁਲਿਸ ਨੇ ਲਗਭਗ ਅੱਠ ਘੰਟੇ ਤੱਕ ਉਹਨਾਂ ਨੂੰ ਹੋਟਲ ਵਿਚ ਨਜ਼ਰਬੰਦ ਰੱਖਿਆ ਅਤੇ ਸ਼ਾਮ ਨੂੰ ਦਾਦਰ ਸਥਿਤ ਚੈਤਯ ਭੂਮੀ ਜਾਣ ਦੀ ਪ੍ਰਵਾਨਗੀ ਦਿਤੀ, ਪਰ ਉਥੇ ਪਹੁੰਚਣ ਤੋਂ ਪਹਿਲਾਂ ਹੀ ਉਹਨਾਂ ਨੂੰ ਹਿਰਾਸਤ ਵਿਚ ਲੈ ਲਿਆ ਗਿਆ।

Bhim Army ActivistsBhim Army Activists

ਸੂਤਰਾਂ ਮੁਤਾਬਕ ਪੁਲਿਸ ਨੂੰ ਜਦ ਪਤਾ ਲਗਾ ਕਿ ਚੰਦਰਸ਼ੇਖਰ ਪੱਛਮੀ ਉਪਨਗਰ ਮਲਾਡ ਦੇ ਮਨਾਲੀ ਹੋਟਲ ਵਿਚ ਰੁਕੇ ਹੋਏ ਹਨ ਤਾਂ ਸਵੇਰੇ 11 ਵਜੇ ਉਹ ਮਨਾਈ ਹੋਟਲ ਪੁੱਜੀ ਅਤੇ ਚੰਦਰਸ਼ੇਖਰ ਸਮੇਤ ਉਹਨਾਂ ਦੇ ਸਹਿਯੋਗੀਆਂ ਨੂੰ ਨਜ਼ਰਬੰਦ ਕਰ ਲਿਆ ਗਿਆ। ਉਹ ਚੈਤਯ ਭੂਮੀ ਜਾਣਾ ਚਾਹੁੰਦੇ ਸੀ ਪਰ ਉਹਨਾਂ ਨੂੰ ਜਾਣ ਨਹੀਂ ਦਿਤਾ ਗਿਆ। ਜਦ ਇਸ ਗੱਲ ਦੀ ਖ਼ਬਰ ਭੀਮ ਫ਼ੌਜ ਦੇ ਵਰਕਰਾਂ ਨੂੰ ਲਗੀ ਤਾਂ ਉਹ ਮਨਾਲੀ ਹੋਟਲ ਪੁੱਜੇ ਅਤੇ ਚੰਦਰਸ਼ੇਖਰ ਨੂੰ ਨਜ਼ਰਬੰਦੀ ਤੋਂ ਮੁਕਤ ਕਰਨ ਦੀ ਮੰਗ ਕਰਨ ਲਗੇ। 

Location: India, Maharashtra, Pune
Advertisement
Advertisement

 

Advertisement
Advertisement