ਸ਼ਿਮਲਾ: ਹਿਮਾਚਲ ਪ੍ਰਦੇਸ਼ ਵਿਧਾਨ ਸਭਾ ਚੋਣਾਂ ਜਿਤਣ ਮਗਰੋਂ ਭਾਜਪਾ ਹੁਣ ਰਾਜ ਦੇ ਮੁੱਖ ਮੰਤਰੀ ਦੇ ਨਾਮ 'ਤੇ ਵਿਚਾਰ ਚਰਚਾ ਕਰ ਰਹੀ ਹੈ। ਇਸ ਸਬੰਧੀ ਭਾਜਪਾ ਵਿਧਾਇਕਾਂ ਦੀ ਅੱਜ ਸ਼ਿਮਲਾ ‘ਚ ਇਕ ਬੈਠ ਬੁਲਾਈ ਗਈ ਹੈ। ਇਹ ਬੈਠਕ ਦੁਪਹਿਰ ਕਰੀਬ 1 ਵਜੇ ਸ਼ੁਰੂ ਹੋਵੇਗੀ ਸੂਤਰਾਂ ਮੁਤਾਬਿਕ ਕੇਂਦਰੀ ਸਿਹਤ ਤੇ ਭਲਾਈ ਮੰਤਰੀ ਜਗਤ ਪ੍ਰਕਾਸ਼ ਨੱਡਾ ਦਾ ਨਾਂ 'ਤੇ ਮੋਹਰ ਲੱਗ ਸਕਦੀ ਹੈ। ਇਸ ਬੈਠਕ ਵਿੱਚ ਦੋਵੇਂ ਨਿਰੀਖਕ ਰੱਖਿਆ ਮੰਤਰੀ ਨਿਰਮਲਾ ਸੀਤਾਰਮਣ ਅਤੇ ਕੇਂਦਰੀ ਮੰਤਰੀ ਨਰੇਂਦਰ ਸਿੰਘ ਤੋਮਰ ਵੀ ਰਹਿਣਗੇ ।
ਹਿਮਾਚਲ ਪ੍ਰਦੇਸ਼ ਦੇ ਸਾਰੇ ਬੀਜੇਪੀ ਲੋਕਸਭਾ ਅਤੇ ਰਾਜ ਸਭਾ ਸੰਸਦ ਵੀ ਬੈਠਕ ਵਿੱਚ ਮੌਜੂਦ ਰਹਿਣਗੇ। ਦਰਅਸਲ ਚੋਣ ਪ੍ਰਚਾਰ ਦੇ ਦੌਰਾਨ ਹੀ ਪਾਰਟੀ ਪ੍ਰਧਾਨ ਅਮਿਤ ਸ਼ਾਹ ਨੇ ਪ੍ਰੇਮ ਕੁਮਾਰ ਧੂਮਲ ਨੂੰ ਸੀਐਮ ਕੈਂਡੀਡੇਟ ਘੋਸ਼ਿਤ ਕਰ ਦਿੱਤਾ ਸੀ। ਉਨ੍ਹਾਂ ਦੀ ਅਗਵਾਈ ਵਿੱਚ ਪਾਰਟੀ ਨੇ ਸਪੱਸ਼ਟ ਬਹੁਮਤ ਤਾਂ ਪਾ ਲਈ, ਪਰ ਉਹ ਆਪਣੇ ਆਪ ਆਪਣੀ ਸੀਟ ਤੋਂ ਉਨ੍ਹਾਂ ਦੀ ਹਾਰ ਹੋ ਗਈ ਸੀ ਜਿਸਦੇ ਬਾਅਦ ਸੀਐੱਮ ਕੌਣ ਬਣੇ , ਇਸਨੂੰ ਲੈ ਕੇ ਚਰਚਾ ਸ਼ੁਰੂ ਹੋ ਗਈ ਸੀ ।
ਸੂਤਰਾਂ ਦੇ ਮੁਤਾਬਕ, ਕੇਂਦਰੀ ਮੰਤਰੀ ਜੇਪੀ ਨੱਡਾ ਨੂੰ ਹਿਮਾਚਲ ਭੇਜਣ ਦੀ ਤਿਆਰੀ ਕੀਤੀ ਜਾ ਰਹੀ ਹੈ। ਜਾਣਕਾਰੀ ਆ ਰਹੀ ਹੈ ਕਿ ਨੱਡਾ ਨੂੰ ਮੁੱਖ ਮੰਤਰੀ ਬਣਾਇਆ ਜਾਵੇਗਾ, ਜਦ ਕਿ ਗੁਜਰਾਤ ਦੀ ਤਰ੍ਹਾਂ ਇੱਥੇ ਵੀ ਡਿਪਟੀ ਸੀਐੱਮ ਦੀ ਪੋਸਟ ਬਣਾਈ ਜਾਵੇਗੀ ਅਤੇ ਜੈਰਾਮ ਠਾਕੁਰ ਨੂੰ ਇਹ ਜ਼ਿੰਮੇਦਾਰੀ ਸੌਂਪੀ ਜਾਵੇਗੀ।
ਜੈਰਾਮ ਠਾਕੁਰ ਜ਼ਿਲੇ ਦੇ ਸਿਰਾਜ ਵਿਧਾਨ ਸਭਾ ਖੇਤਰ ‘ਚ ਵਿਧਾਇਕ ਚੋਣੇ ਗਏ ਹਨ। ਠਾਕੁਰ 1998 ‘ਚ ਪਹਿਲੀ ਬਾਰ ਵਿਧਾਇਕ ਬਣੇ ਸਨ। ਆਖਿਲ ਭਾਰਤੀ ਵਿਦਿਆਰਥੀ ਪਰਿਸ਼ਦ ਤੋਂ ਉਹਨਾਂ ਆਪਣਾ ਰਾਜਨੀਤਿਕ ਕਰਿਅਰ ਸ਼ੁਰੂ ਕੀਤਾ ਸੀ। ਦੱਸ ਸਾਲ ਦੇ ਬਾਅਦ 90 ਦੇ ਦਸ਼ਕ ‘ਚ ਉਹਨਾਂ ਮੰਡੀ ਦੇ ਸਿਰਾਜ ਵਿਧਾਨ ਸਭਾ ਖੇਤਰ ‘ਚ ਯੋਵਾ ਮੋਰਚੇ ਦਾ ਮੁੱਖੀ ਬਣਾਇਆ ਗਿਆ।
