ਨਵੀਂ
ਦਿੱਲੀ, 17 ਸਤੰਬਰ: ਦਿੱਲੀ ਹਾਈ ਕੋਰਟ ਨੇ ਕਿਹਾ ਕਿ ਸੀਬੀਆਈ ਖ਼ੁਦ ਨਾਲ ਜੁੜੇ
ਭ੍ਰਿਸ਼ਟਾਚਾਰ ਅਤੇ ਮਨੁੱਖੀ ਅਧਿਕਾਰੀ ਉਲੰਘਣ ਦੇ ਦੋਸ਼ਾਂ ਸਬੰਧੀ ਸੂਚਨਾ ਜਨਤਕ ਕਰਨ ਨੂੰ ਲੈ
ਕੇ ਪੂਰੀ ਤਰ੍ਹਾਂ ਛੋਟ ਮਿਲਣ ਦਾ ਦਾਅਵਾ ਨਹੀਂ ਕਰ ਸਕਦੀ।
ਜ਼ਿਕਰਯੋਗ ਹੈ ਕਿ ਸੀਬੀਆਈ
ਸੂਚਨਾ ਦਾ ਅਧਿਕਾਰ ਕਾਨੂੰਨ ਦੀ ਧਾਰਾ 24 ਦਾ ਹਵਾਲਾ ਦਿੰਦਿਆਂ ਸੂਚਨਾ ਦੇਣ ਤੋਂ ਇਨਕਾਰ
ਕਰ ਰਹੀ ਹੈ। ਧਾਰਾ 24 ਤਹਿਤ ਆਰਟੀਆਈ ਖ਼ੂਫ਼ੀਆ ਅਤੇ ਸੁਰਖਿਆ ਸੰਗਠਨਾਂ 'ਤੇ ਲਾਗੂ ਨਹੀਂ
ਹੁੰਦਾ, ਜਿਨ੍ਹਾਂ 'ਚ ਆਈ.ਬੀ., ਰਾ., ਐਨਆਈਏ ਅਤੇ ਈਡੀ ਵੀ ਸ਼ਾਮਲ ਹਨ। ਪਿਛਲੀ ਯੂਪੀਏ
ਸਰਕਾਰ ਨੇ ਇਸ ਸੂਚੀ 'ਚ ਸੀਬੀਆਈ ਨੂੰ ਸ਼ਾਮਲ ਕੀਤਾ ਸੀ।
ਹਾਲਾਂਕਿ ਕਾਨੂੰਨ 'ਚ ਸਾਫ਼
ਕਿਹਾ ਗਿਆ ਹੈ ਕਿ ਭ੍ਰਿਸ਼ਟਾਚਾਰ ਅਤੇ ਮਨੁੱਖੀ ਅਧਿਕਾਰ ਉਲੰਘਣ ਦੇ ਦੋਸ਼ਾਂ ਨਾਲ ਸਬੰਧਤ
ਸੂਚਨਾ ਆਰਟੀਆਈ ਕਾਨੂੰਨ ਦੀ ਧਾਰਾ 24 ਤਹਿਤ ਇਨ੍ਹਾਂ ਸੰਗਠਨਾਂ ਨੂੰ ਮਿਲੀ ਛੋਟ ਤਹਿਤ
ਨਹੀਂ ਆਉਂਦੀ।