ਦੋਵਾਂ ਨੇ 1.38-1.38 ਲੱਖ ਦਾ ਯੋਗਦਾਨ ਪਾਇਆ
Congress crowdfunding campaign: ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਅਤੇ ਸੂਬੇ ਦੇ ਸਾਬਕਾ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਨੇ 2024 ਦੀਆਂ ਲੋਕ ਸਭਾ ਚੋਣਾਂ ਤੋਂ ਪਹਿਲਾਂ ਅਪਣੀ ਪਾਰਟੀ ਦੀ ਕਰਾਊਡਫੰਡਿੰਗ ਮੁਹਿੰਮ ਲਈ ਪੈਸਾ ਦਾਨ ਕਰਨ ਵਿਚ ਅਹਿਮ ਭੂਮਿਕਾ ਨਿਭਾਈ ਹੈ।
ਰਾਜਾ ਵੜਿੰਗ ਅਤੇ ਨਵਜੋਤ ਸਿੱਧੂ ਦੋਵਾਂ ਨੇ ਕਾਂਗਰਸ ਦੀ ਮੁਹਿੰਮ ਵਿਚ 1.38 ਲੱਖ-1.38 ਲੱਖ ਦਾ ਯੋਗਦਾਨ ਪਾਇਆ। ਰਾਜਾ ਵੜਿੰਗ ਨੇ ਅਪਣੇ ਯੋਗਦਾਨ ਬਾਰੇ ਜਾਣਕਾਰੀ ਪੱਤਰਕਾਰਾਂ ਨਾਲ ਸਾਂਝੀ ਕੀਤੀ ਜਦੋਂਕਿ ਸਾਬਕਾ ਪ੍ਰਧਾਨ ਨੇ ਦਾਨ ਦੀ ਰਸੀਦ ਅਪਣੇ ਸੋਸ਼ਲ ਮੀਡੀਆ 'ਤੇ ਪੋਸਟ ਕੀਤੀ।
ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।
ਕਾਂਗਰਸ ਪ੍ਰਧਾਨ ਮਲਿਕਾਅਰਜੁਨ ਖੜਗੇ ਨੇ ਦੋ ਹਫ਼ਤੇ ਪਹਿਲਾਂ ਪਾਰਟੀ ਲਈ ਫੰਡ ਇਕੱਠਾ ਕਰਨ ਲਈ ਦੇਸ਼ ਵਿਆਪੀ ਫੰਡ ਇਕੱਠਾ ਕਰਨ ਦੀ ਮੁਹਿੰਮ ਸ਼ੁਰੂ ਕੀਤੀ ਸੀ। ਜਾਣਕਾਰੀ ਅਨੁਸਾਰ ਐਤਵਾਰ ਸਵੇਰੇ 9 ਵਜੇ ਤਕ ਕਾਂਗਰਸ ਦੀ ਕੁਲ ਕੁਲੈਕਸ਼ਨ 29.39 ਕਰੋੜ ਰਹੀ, ਜਦਕਿ 18.21 ਲੱਖ ਦੇ ਚੰਦੇ ਨਾਲ ਪੰਜਾਬ 14ਵੇਂ ਨੰਬਰ 'ਤੇ ਹੈ। ਸੱਭ ਤੋਂ ਵੱਧ ਦਾਨ ਦੇਣ ਵਾਲੇ ਸੂਬਿਆਂ ਵਿਚ ਤੇਲੰਗਾਨਾ, ਮਹਾਰਾਸ਼ਟਰ ਅਤੇ ਹਰਿਆਣਾ ਸ਼ਾਮਲ ਹਨ।
(For more Punjabi news apart from Raja Warring Navjot Singh Sidhu in top donors' list, stay tuned to Rozana Spokesman)
