ਕਾਂਗਰਸ ਹਾਈਕਮਾਂਡ ਦਾ ਪੰਜਾਬ ਪ੍ਰਤੀ ਫ਼ੈਸਲਾ ਹੀ ਪੰਜਾਬ ਦੀ ਅਗਲੀ ਰਾਜਨੀਤੀ ਦੀ ਦਿਸ਼ਾ ਤੈਅ ਕਰੇਗਾ।
ਭੁੱਚੋ ਮੰਡੀ (ਜਸਪਾਲ ਸਿੰਘ ਸਿੱਧੂ) : ਕਾਂਗਰਸ ਹਾਈਕਮਾਂਡ ਦਾ ਪੰਜਾਬ ਪ੍ਰਤੀ ਫ਼ੈਸਲਾ ਹੀ ਪੰਜਾਬ ਦੀ ਅਗਲੀ ਰਾਜਨੀਤੀ ਦੀ ਦਿਸ਼ਾ ਤੈਅ ਕਰੇਗਾ। ਕਾਂਗਰਸ ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਮੁਤਾਬਕ ਰਾਹੁਲ ਗਾਂਧੀ ਪੰਜਾਬ ਦੀ ਰਾਜਨੀਤੀ ਨੂੰ ਬੜੇ ਨੇੜਿਉਂ ਦੇਖ ਰਹੇ ਹਨ ਅਤੇ ਰਾਹੁਲ ਦੀ ਨਿਜੀ ਟੀਮ ਜਮੀਨੀ ਪੱਧਰ ’ਤੇ ਸਥਿਤੀ ਦਾ ਜਾਇਜਾ ਲੈ ਰਹੀ ਹੈ।
Rahul gandhi
ਪੰਚਕੂਲਾ ਜਾਂ ਮੁਹਾਲੀ ਵਿਖੇ ਚੱਲਿਆ ਮੀਟਿੰਗਾਂ ਦਾ ਸਿਲਸਿਲਾ ਵੀ ਕਾਂਗਰਸ ਹਾਈਕਮਾਂਡ ਦੇ ਥਾਪੜੇ ਜਾਂ ਇਸਾਰੇ ਤੋਂ ਬਿਨਾ ਨਹੀ ਹੈ। ਕਾਂਗਰਸ ਹਾਈਕਮਾਂਡ ਪੰਜਾਬ ਪ੍ਰਤੀ ਫ਼ੈਸਲਾ ਜਲਦੀ ਲੈਣ ਲਈ ਤਿਆਰ ਹੈ ਜਿਸਦੇ ਸੰਕੇਤ ਨੇ ਉਨ੍ਹਾਂ ਨੇ ਨਵਜੋਤ ਸਿੱਧੂ ਨੂੰ ਦੇ ਦਿਤੇ ਹਨ। ਕਾਂਗਰਸ ਹਾਈਕਮਾਂਡ ਵੱਖ ਵੱਖ ਫ਼ਾਰਮੂਲਿਆਂ ਤੇ ਵਿਚਾਰ ਕਰ ਰਹੀ ਹੈ ਜਿਸ ਵਿਚ ਪੰਜਾਬ ਕਾਂਗਰਸ ਦੀ ਪ੍ਰਧਾਨਗੀ ਦਲਿਤ ਲੀਡਰ ਚਰਨਜੀਤ ਸਿੰਘ ਚੰਨੀ ਨੂੰ ਅਤੇ ਡਿਪਟੀ ਮੁੱਖ ਮੰਤਰੀ ਦਾ ਅਹੁਦਾ ਨਵਜੋਤ ਸਿੰਘ ਸਿੱਧੂ ਨੂੰ ਦੇ ਕੇ ਕੈਪਟਨ ਅਮਰਿੰਦਰ ਸਿੰਘ ਨੂੰ ਨਾਲ ਰੱਖਣ ਦੀ ਕੋਸ਼ਿਸ ਕੀਤੀ ਜਾ ਸਕਦੀ ਹੈ ਜਿਸ ਤਰ੍ਹਾਂ ਇਕ ਵਾਰ ਹਰਿਆਣਾ ਵਿਚ ਚੌਧਰੀ ਭਜਨ ਲਾਲ ਦੀ ਅਗਵਾਈ ਵਿਚ ਚੋਣਾਂ ਲੜਕੇ ਬਾਅਦ ਵਿਚ ਮੁੱਖ ਮੰਤਰੀ ਚੌਧਰੀ ਭੁਪਿੰਦਰ ਸਿੰਘ ਹੁੱਡਾ ਨੂੰ ਬਣਾ ਦਿੱਤਾ ਸੀ।
Navjot Sidhu
ਇਸ ਕੰਮ ਨੂੰ ਨੇਪਰੇ ਚਾੜ੍ਹਨ ਲਈ ਪੰਜਾਬ ਕਾਂਗਰਸ ਦੇ ਪੁਰਾਣੇ ਇੰਚਾਰਜਾਂ ਆਸਾ ਕੁਮਾਰੀ ਤੇ ਹਰੀਸ਼ ਚੌਧਰੀ ਦੀਆਂ ਸੇਵਾਵਾਂ ਫਿਰ ਲਈਆਂ ਜਾ ਸਕਦੀਆਂ ਹਨ। ਸੀਨੀਅਰ ਮੰਤਰੀਆਂ ਸੁਖਜਿੰਦਰ ਸਿੰਘ ਰੰਧਾਵਾ ਦੀਆਂ ਆਪਣੀਆਂ ਖਾਹਿਸਾਂ ਹਨ ਪਰ ਦੋਵੇਂ ਪ੍ਰਮੁੱਖ ਅਹੁੱਦੇ ਜੱਟ ਭਾਈਚਾਰੇ ਨੂੰ ਦੇਣਾ ਮੁਮਕਿਨ ਨਹੀ ਲੱਗ ਰਿਹਾ।
Captain Amarinder Singh
ਕੁੱਝ ਸੀਨੀਅਰ ਮੰਤਰੀ ਇਸ ਦਾਅ ਵਿਚ ਹਨ ਕਿ ਪਾਰਟੀ ਹਾਈਕਮਾਂਡ ਕੈਪਟਨ ਨੂੰ ਭਰੋਸੇ ਵਿਚ ਲੈ ਕੇ ਦੋਵਾਂ ਧੜਿਆਂ ਨੂੰ ਵੀ ਨਾਲ ਲੈ ਕੇ ਕਿਸੇ ਸਾਂਝੇ ਨਾਂ ਤੇ ਵਿਚਾਰ ਕਰਦੀ ਹੈ ਤਾਂ ਉਨ੍ਹਾਂ ਦਾ ਦਾਅ ਵੀ ਲੱਗ ਸਕਦਾ ਹੈ। ਕਾਂਗਰਸ ਹਾਈਕਮਾਂਡ ਵਿਚ ਕੈਪਟਨ ਦੇ ਨਜ਼ਦੀਕੀਆਂ ਦੀ ਗਿਣਤੀ ਵੀ ਘੱਟ ਗਈ ਹੈ। ਪਾਰਟੀ ਹਾਂਈਕਮਾਂਡ ਤੇ ਦਬਾਅ ਰੱਖਣ ਵਾਲੇ ਰਾਜਘਰਾਨੇ ਜਿਨ੍ਹਾਂ ਵਿਚ ਜੋਤਿਸਰਾਜੇ ਸਿੰਧਿਆ, ਨਟਵਰ ਸਿੰਘ ਪਹਿਲਾ ਹੀ ਕਾਂਗਰਸ ਤੋਂ ਦੂਰ ਜਾ ਚੁੱਕੇ ਹਨ। ਦਿਗਵਜੇ ਸਿੰਘ ਮੱਧ ਪ੍ਰਦੇਸ ਵਿਚ ਪਹਿਲਾਂ ਹੀ ਹਾਸ਼ੀਏ ਤੇ ਹਨ।
