Advertisement

ਦਾਖਾ 'ਚ ਵਿਕਾਸ ਅਹਿਮ ਮੁੱਦਾ ਪਰ ਨਸ਼ੇ ਤੇ ਝੂਠੇ ਪਰਚੇ ਬੇਹੱਦ ਗੰਭੀਰ ਮੁੱਦੇ : ਕੈਪਟਨ ਸੰਦੀਪ ਸੰਧੂ

ਸਪੋਕਸਮੈਨ ਸਮਾਚਾਰ ਸੇਵਾ
Published Oct 12, 2019, 4:11 pm IST
Updated Oct 13, 2019, 10:00 am IST
ਕੈਬਨਿਟ ਮੰਤਰੀ ਵਿਜੇਇੰਦਰ ਸਿੰਗਲਾਂ ਅਤੇ ਵਿਧਾਇਕ ਹਰਜੋਤ ਕਮਲ ਨੇ ਵੋਟਰਾਂ ਨੂੰ ਕੈਪਟਨ ਸੰਧੂ ਹੱਕ 'ਚ ਕੀਤਾ ਲਾਮਬੰਦ
Captain Sandeep Sandhu
 Captain Sandeep Sandhu

ਮੁੱਲਾਂਪੁਰ : ਵਿਧਾਨ ਸਭਾ ਹਲਕਾ ਦਾਖਾ ਦੇ ਪਿੰਡ ਖੰਜਰਵਾਲ ਅਤੇ ਮਾਜਰੀ ਵਾਸੀਆਂ ਵੱਲੋਂ ਕਾਂਗਰਸ ਪਾਰਟੀ ਦੇ ਉਮੀਦਵਾਰ ਕੈਪਟਨ ਸੰਦੀਪ ਸੰਧੂ ਦੇ ਹੱਕ 'ਚ ਚੋਣ ਸਭਾ ਦਾ ਆਯੋਜਨ ਕੀਤਾ ਗਿਆ। ਜਿਸ ਵਿਚ ਕੈਪਟਨ ਸੰਦੀਪ ਸੰਧੂ ਦੇ ਨਾਲ ਕੈਬਿਨੇਟ ਮੰਤਰੀ ਵਿਜੇਇੰਦਰ ਸਿੰਗਲਾ, ਵਿਧਾਇਕ ਡਾ. ਹਰਜੋਤ ਕਮਲ, ਸਾਬਕਾ ਮੰਤਰੀ ਮਲਕੀਤ ਸਿੰਘ ਦਾਖਾ, ਮੇਜਰ ਸਿੰਘ ਭੈਣੀ, ਜਨਰਲ ਸਕੱਤਰ ਪੰਜਾਬ ਕਾਂਗਰਸ ਜਗਪਾਲ ਖੰਗੂੜਾ, ਚੇਅਰਮੈਨ ਕੇ.ਕੇ. ਬਾਵਾ, ਪੇਡਾ ਵਾਈਸ ਚੇਅਰਮੈਨ ਕਰਨ ਵੜਿੰਗ, ਚਮਕੌਰ ਸਿੰਘ ਢੀਂਡਸਾ ਜਨਰਲ ਸਕੱਤਰ ਪੰਜਾਬ ਕਾਂਗਰਸ, ਵਾਈਸ ਚੇਅਰਮੈਨ ਪੇਡਾ ਵਰਿੰਦਰ ਛਾਬੜਾ, ਬਰਿੰਦਰ ਸਿੰਘ ਢਿੱਲੋਂ, ਮੇਜਰ ਸਿੰਘ ਮੁੱਲਾਂਪੁਰ ਵਿਸ਼ੇਸ਼ ਰੂਪ ਵਿੱਚ ਮੌਜੂਦ ਰਹੇ। ਪਿੰਡ ਵਾਸੀਆਂ ਨੇ ਪੂਰੇ ਉਤਸ਼ਾਹ ਨਾਲ ਜੋਰਦਾਰ ਸਵਾਗਤ ਕੀਤਾ। 

Captain Sandeep SandhuCaptain Sandeep Sandhu

Advertisement

ਇਸ ਮੌਕੇ ਬੁਲਾਰਿਆਂ ਨੇ ਆਪਣੇ ਸੰਬੋਧਨ ਵਿਚ ਕੈਪਟਨ ਸੰਦੀਪ ਸੰਧੂ ਦੇ ਹੱਕ 'ਚ ਵੋਟਾਂ ਮੰਗੀਆਂ। ਕੈਬਨਿਟ ਮੰਤਰੀ ਵਿਜੇਇੰਦਰ ਸਿੰਗਲਾ ਕਿਹਾ ਕਿ ਅਕਾਲੀਆਂ ਨੇ ਹਲਕੇ ਦਾਖੇ ਦਾ ਵਿਕਾਸ ਨਹੀਂ ਵਿਨਾਸ਼ ਕੀਤਾ। ਨਸ਼ਿਆਂ ਰੂਪੀ ਦਰਿਆ ਵਹਾਅ ਕੇ ਹਲਕੇ ਦੀ ਜਵਾਨੀ ਨੂੰ ਬਰਬਾਦੀ ਦੇ ਰਾਹ ਤੋਰਿਆ ਅਤੇ ਝੂਠੇ ਪਰਚੇ ਕਰਵਾ ਕੇ ਜੇਲਾਂ 'ਚ ਸੜਨ ਲਈ ਮਜਬੂਰ ਕੀਤਾ।  ਇਸ ਦੇ ਨਾਲ ਉਨ੍ਹਾਂ ਕਿਹਾ ਕਿ ਹਲਕਾ ਦਾਖਾ ਦੇ ਲੋਕਾਂ ਨੂੰ ਇਹ ਨਹੀਂ ਭੁੱਲਣਾ ਚਾਹੀਦਾ ਕਿ ਹਲਕੇ ਅੰਦਰ ਪਰਚਿਆਂ ਦੀ ਹੋਈ ਘਟੀਆ ਰਾਜਨੀਤੀ 'ਚ ਅਕਾਲੀ ਉਮੀਦਵਾਰ ਦਾ ਪੁਰਾਣਾ ਸਾਥੀ ਜੋ ਕਿ ਲਿਪ ਵੱਲੋਂ ਖੜ੍ਹਾ ਹੈ, ਬਰਾਬਰ ਦਾ ਭਾਗੀਦਾਰ ਬਣਿਆ ਰਿਹਾ।

Captain Sandeep Sandhu and othersCaptain Sandeep Sandhu and others

ਉਨ੍ਹਾਂ ਕਿਹਾ ਕਿ ਕੁਰਸੀ ਖਾਤਿਰ ਵੈਰ ਵਿਰੋਧ ਦੀ ਰਾਜਨੀਤੀ ਕਰਨ ਵਾਲਿਆਂ ਨੂੰ ਚੱਲਦਾ ਕਰਨਾ ਦਾ ਸਮਾਂ ਆ ਗਿਆ ਹੈ। ਇਸ ਲਈ ਆਓ ਸ਼ਾਂਤੀ ਅਤੇ ਭਾਈਚਾਰਕ ਸਾਂਝ ਦੀ ਮੁਦੱਈ ਕਾਂਗਰਸ ਪਾਰਟੀ ਨੂੰ 21 ਅਕਤੂਬਰ ਨੂੰ ਕੀਮਤੀ ਵੋਟਾਂ ਪਾਕੇ ਹਲਕੇ ਨੂੰ ਵਿਕਾਸ ਦੇ ਰਾਹ ਤੋਰੀਏ। ਉਧਰ ਕੈਪਟਨ ਸੰਦੀਪ ਸਿੰਘ ਸੰਧੂ ਨੇ ਕਿਹਾ ਕਿ ਮੈਂ ਵਿਰੋਧੀਆਂ 'ਤੇ ਟਿੱਪਣੀ ਕਰਕੇ ਰਾਜਨੀਤੀ ਕਰਨ ਨੂੰ ਚੰਗਾ ਨਹੀਂ ਸਮਝਦਾ, ਪਰ ਹਲਕਾ ਦਾਖਾ 'ਚ ਜਿੰਨ੍ਹਾਂ ਵਿਕਾਸ ਕਰਵਾਉਣਾ ਜਰੂਰੀ ਮੁੱਦਾ ਹੈ, ਉਨੇ ਹੀ ਨਸ਼ੇ ਤੇ ਝੂਠੇ ਪਰਚੇ ਗੰਭੀਰ ਮੁੱਦੇ ਹਨ। ਨਸ਼ੇ ਅਤੇ ਝੂਠੇ ਪਰਚਿਆਂ ਦੀ ਰਾਜਨੀਤੀ ਉਦੋਂ ਹੀ ਖਤਮ ਹੋ ਸਕਦੀ ਹੈ, ਜਦੋਂ ਇਹਨਾਂ ਦੀ ਪੈਦਾਇਸ਼ ਕਰਨ ਵਾਲੇ ਖਾਸਕਰ ਅਕਾਲੀ ਦਲ ਤੇ ਉਸ ਦੇ ਪੁਰਾਣੇ ਸਾਥੀ ਦਾ ਸਿਆਸੀ ਖਾਤਮਾ ਹੋਵੇਗਾ। 

vijay Inder Singhla  and othersVijay Inder Singhla and others

ਕੈਪਟਨ ਸੰਧੂ ਨੇ ਕਿਹਾ ਕਿ ਪਿੰਡਾਂ ਵਿਚ ਲੋਕਾਂ ਵੱਲੋਂ ਮਿਲ ਰਿਹਾ ਪਿਆਰ ਅਤੇ ਸਤਿਕਾਰ ਜਿੱਥੇ ਇਸ ਗੱਲ ਦੀ ਗਵਾਹੀ ਭਰਦਾ ਹੈ ਕਿ ਲੋਕ ਜਿੱਥੇ ਕਾਂਗਰਸ ਸਰਕਾਰ ਦੀਆਂ ਲੋਕ ਹਿਤੈਸ਼ੀ ਤੇ ਵਿਕਾਸਸ਼ੀਲ ਨੀਤੀਆਂ ਤੋਂ ਖੁਸ਼ ਹਨ, ਉੱਥੇ ਵਿਰੋਧੀਆਂ ਵੱਲੋਂ ਫੈਲਾਏ ਗੁੰਡਾਰਾਜ ਤੋਂ ਨਿਜਾਤ ਪਾਉਣ ਲਈ ਕਾਹਲੇ ਹਨ। ਕੈਪਟਨ ਸੰਧੂ ਨੇ ਜੋਰ ਦਿੰਦੇ ਆਖਿਆ ਕਿ ਉਹ ਹਲਕਾ ਦਾਖਾ ਦੇ ਵਸਨੀਕਾਂ ਨਾਲ ਵਾਅਦਾ ਕਰਦੇ ਹਨ ਕਿ ਹੁਣ ਹਲਕੇ 'ਚ ਵੈਰ ਵਿਰੋਧ ਨਹੀਂ ਬਲਕਿ ਵਿਕਾਸ ਦੀ ਰਾਜਨੀਤੀ ਹੋਵੇਗੀ, ਇਸ ਲਈ ਆਉਣ ਵਾਲੀ 21 ਅਕਤੂਬਰ ਨੂੰ ਕਾਂਗਰਸ ਪਾਰਟੀ ਨੂੰ ਵੋਟਾਂ ਪਾ ਕੇ ਹਲਕੇ ਨੂੰ ਵਿਕਾਸ ਦੇ ਰਾਹ ਤੋਰੋ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਸਰਪੰਚ ਹਰਮੇਲ ਸਿੰਘ, ਸਰਪੰਚ ਬਲਬੀਰ ਸਿੰਘ, ਸਰਪੰਚ ਪਰਮਿੰਦਰ ਸਿੰਘ ਮਾਜਰੀ, ਸਾਬਕਾ ਸਰਪੰਚ ਕਰਮ ਸਿੰਘ, ਹਰਨੇਕ ਸਿੰਘ ਫੌਜੀ, ਸੁਖਦਰਸ਼ਨ ਸਿੰਘ, ਬਲਦੇਵ ਸਿੰਘ, ਬਲਦੇਵ ਸਿੰਘ ਧਨੋਆ, ਨਵਦੀਪ ਕਲੇਰ, ਜਗਦੀਪ ਸਿੰਘ, ਅਮਰਜੀਤ ਸਿੰਘ ਆਦਿ ਹਾਜਰ ਸਨ।

Update Here

Location: India, Punjab, Ludhiana
Advertisement

 

Advertisement
Advertisement