ਸ਼੍ਰੀ ਅਮਰਨਾਥ ਯਾਤਰਾ ਅਤੇ ਪਵਿਤਰ ਗੁਫਾ ਦੇ ਦਰਸ਼ਨ ਲਈ ਸ਼ਰਾਇਨ ਬੋਰਡ ਨੇ ਤਰੀਕਾ ਦਾ ਐਲਾਨ ਕਰ ਦਿੱਤਾ ਹੈ। ਇਸ ਸਾਲ ਯਾਤਰਾ ਇਕ ਜੁਲਾਈ ਤੋਂ ਸ਼ੁਰੂ...
ਹੁਸ਼ਿਆਰਪੁਰ : ਸ਼੍ਰੀ ਅਮਰਨਾਥ ਯਾਤਰਾ ਅਤੇ ਪਵਿਤਰ ਗੁਫਾ ਦੇ ਦਰਸ਼ਨ ਲਈ ਸ਼ਰਾਇਨ ਬੋਰਡ ਨੇ ਤਰੀਕਾ ਦਾ ਐਲਾਨ ਕਰ ਦਿੱਤਾ ਹੈ। ਇਸ ਸਾਲ ਯਾਤਰਾ ਇਕ ਜੁਲਾਈ ਤੋਂ ਸ਼ੁਰੂ ਅਤੇ 15 ਅਗਸਤ ਨੂੰ ਖ਼ਤਮ ਹੋਵੇਗੀ। ਜੰਮੂ-ਕਸ਼ਮੀਰ ਦੇ ਰਾਜਪਾਲ ਸਤਿਆਪਾਲ ਮਲਿਕ ਅਤੇ ਸ਼੍ਰੀ ਅਮਰਨਾਥ ਸ਼ਰਾਇਨ ਬੋਰਡ ਦੀ ਮੀਟਿੰਗ ਵਿਚ ਤਰੀਕਾਂ ਦਾ ਐਲਾਨ ਕੀਤਾ ਗਿਆ। ਹਾਲਾਂਕਿ ਪਿਛਲੇ ਸ਼ਰਾਇਨ ਬੋਰਡ ਨੇ ਜਨਵਰੀ ਵਿਚ ਹੀ ਯਾਤਰਾ ਦੀ ਤਾਰੀਕ ਦਾ ਐਲਾਨ ਕਰ ਦਿਤਾ ਸੀ। ਪੁਲਵਾਮਾ ਵਿਚ ਫੌਜ ‘ਤੇ ਅਟੈਕ ਦੇ ਕਾਰਨ ਇਸ ਸਾਲ ਯਾਤਰਾ 46 ਦਿਨ ਦੀ ਰਹੇਗੀ।
Amarnath cave
ਪਿਛਲੇ ਸਾਲ 2.85 ਲੱਖ ਭਗਤਾਂ ਨੇ ਅਮਰਨਾਥ ਗੁਫਾ ਦੇ ਦਰਸ਼ਨ ਕੀਤੇ ਸਨ। ਸ਼ਰਾਇਨ ਬੋਰਡ ਵੱਲੋਂ ਸੁਰੱਖਿਆ ਪ੍ਰਬੰਧਾਂ ਦੇ ਲਿਹਾਜ਼ ਨਾਲ ਸਾਰੀਆਂ ਤਿਆਰੀਆਂ ਕੀਤੀਆਂ ਜਾ ਰਹੀਆਂ ਹਨ। ਭਗਤ ਇਕ ਅਪ੍ਰੈਲ ਤੋਂ ਯਾਤਰਾ ਲਈ ਰਜਿਸਟ੍ਰੇਸ਼ਨ ਕਰਵਾ ਸਕਦੇ ਹਨ। ਬਾਬਾ ਅਮਰਨਾਥ ਦੀ ਯਾਤਰਾ ਲਈ ਜੰਮੂ-ਕਸ਼ਮੀਰ ਬੈਂਕ, ਪੀਐਨਬੀ ਅਤੇ ਯਸ ਬੈਂਕ ਵਿਚ ਰਜਿਸਟ੍ਰੇਸ਼ਨ ਕਰਵਾਈ ਜਾ ਸਕੇਗੀ। ਯਾਤਰੀ ਆਨਲਾਇਨ ਵੀ ਰਜਿਸਟ੍ਰੇਸ਼ਨ ਕਰਵਾ ਸਕਦੇ ਹਨ।
Amarnath Yatra
ਇਸ ਵਾਰ ਸ਼ਰਾਇਨ ਬੋਰਡ ਨੇ ਮਾਨਤਾ ਪ੍ਰਾਪਤ ਡਾਕਟਰਾਂ ਲਈ ਵੀ ਨਿਰਦੇਸ਼ ਜਾਰੀ ਕੀਤੇ ਹਨ ਕਿ 14500 ਫੀਟ ਦੀ ਉਚਾਈ ਅਤੇ 5 ਡਿਗਰੀ ਤੋਂ ਘੱਟ ਦੇ ਤਾਪਮਾਨ ਵਾਲੀ ਇਸ ਯਾਤਰਾ ‘ਤੇ ਉਨ੍ਹਾਂ ਯਾਤਰੀਆਂ ਨੂੰ ਮੈਡੀਕਲ ਸਰਟੀਫਿਕੇਟ ਜਾਰੀ ਕਰੋ, ਜੋ ਸਰੀਰਕ ਤੌਰ ਉੱਤੇ ਫਿਟ ਹਨ। ਜਿਨ੍ਹਾਂ ਲੋਕਾਂ ਦੀ ਸਰਜਰੀ ਹੋ ਚੁੱਕੀ ਹੈ ਜਾਂ ਸਟੇਂਟ ਪਵਾ ਚੁੱਕੇ ਹਨ, ਉਨ੍ਹਾਂ ਨੂੰ ਮੈਡੀਕਲ ਸਰਟੀਫਿਕੇਟ ਨਾ ਦਿਓ।
Amarnath Yatra
ਯਾਤਰਾ ਤੋਂ ਪਹਿਲਾਂ ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ-: ਯਾਤਰਾ ਤੋਂ ਇਕ ਮਹੀਨਾ ਪਹਿਲਾਂ ਰੋਜ 4 ਤੋਂ 5 ਕਿਲੋਮੀਟਰ ਸੈਰ ਕਰੋ। ਕਿਸੇ ਰੋਗ ਤੋਂ ਪੀੜਿਤ ਹੋ ਤਾਂ ਜ਼ਰੂਰੀ ਇਲਾਜ ਕਰਵਾਓ। ਲੰਮੇ ਸਾਂਹ ਦੀ ਪ੍ਰੀਕ੍ਰਿਆ ਨੂੰ ਬਿਹਤਰ ਕਰਨ ਲਈ ਯੋਗਾ ਕਰੋ। ਤਲੇ ਅਤੇ ਬਾਹਰ ਦੇ ਖਾਣੇ ਤੋਂ ਪਰਹੇਜ ਕਰੋ। ਸਾਦਾ ਖਾਣਾ ਹੀ ਖਾਓ। ਖਾਣ ਵਿਚ ਕਾਰਬੋਹਾਇਡ੍ਰੇਟ ਦੀ ਮਾਤਰਾ ਜ਼ਿਆਦਾ ਰੱਖੋ। ਜਿਆਦਾ ਤੋਂ ਜਿਆਦਾ ਪਾਣੀ ਦਾ ਸੇਵਨ ਕਰੋ।
Amarnath Yatra
ਯਾਤਰਾ ਦੌਰਾਨ ਇਸ ਗੱਲਾਂ ਦਾ ਰੱਖੋ ਧਿਆਨ-: ਮਰਦ ਟ੍ਰੈਕ ਸੂਟ ਅਤੇ ਔਰਤ ਸਲਵਾਰ-ਕਮੀਜ ਪਾ ਕੇ ਹੀ ਯਾਤਰਾ ਕਰੋ। ਰਸਤੇ ਵਿਚ ਲੱਗੇ ਚਿਤਾਵਨੀ ਨਿਸ਼ਾਨਾਂ ‘ਤੇ ਹੀ ਰੁਕੋ। ਨੰਗੇ ਪੈਰ ਅਤੇ ਬਿਨਾਂ ਊਨੀ ਕੱਪੜੀਆਂ ਦੇ ਯਾਤਰਾ ਨਾ ਕਰੋ। ਖਾਲੀ ਢਿੱਡ ਯਾਤਰਾ ਨਾ ਕਰੋ। ਯਾਤਰਾ ‘ਤੇ ਜਾਣ ਤੋਂ ਪਹਿਲਾਂ ਆਪਣੀ ਸਿਹਤ ਜਰੂਰ ਚੈਕ ਕਰਵਾ ਲਵੋ।
Amrarnath Cave
ਮਾਨਤਾ ਪ੍ਰਾਪਤ ਡਾਕਟਰਾਂ ਦੇ ਮੈਡੀਕਲ ਸਰਟੀਫਿਕੇਟ ਹੀ ਮੰਨਣ ਯੋਗ-: ਸ਼ਰਾਇਨ ਬੋਰਡ ਦੀ ਮੀਟਿੰਗ ਵਿਚ ਨਿਰਦੇਸ਼ ਜਾਰੀ ਕਰਦੇ ਬੋਰਡ ਮੈਬਰਾਂ ਨੇ ਕਿਹਾ ਕਿ ਯਾਤਰਾ ਦੌਰਾਨ ਸਿਰਫ ਮਾਨਤਾ ਪ੍ਰਾਪਤ ਡਾਕਟਰਾਂ ਅਤੇ ਹਸਪਤਾਲਾਂ ਦੇ ਹੀ ਮੈਡੀਕਲ ਮੰਨਣ ਯੋਗ ਹੋਣਗੇ। ਇਸ ਸਾਲ 13 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਨੂੰ ਯਾਤਰਾ ‘ਤੇ ਜਾਣ ਦੀ ਇਜਾਜਤ ਨਹੀਂ ਹੋਵੇਗੀ। ਯਾਤਰਾ ਕਰਨ ਦੇ ਇੱਛਕ ਭਗਤਾਂ ਨੂੰ ਸ਼ਰਾਇਨ ਬੋਰਡ ਦੀ ਵੈਬਸਾਈਟ ਤੋਂ ਆਪਣੇ ਰਾਜ ਦੇ ਹਸਪਤਾਲਾਂ ਦੀ ਲਿਸਟ ਵੇਖਕੇ ਉਥੋਂ ਹੀ ਮੈਡੀਕਲ ਸਰਟੀਫਿਕੇਟ ਬਣਵਾਉਣਾ ਹੋਵੇਗਾ।
Amarnath cave
ਸ਼ਰਾਇਨ ਬੋਰਡ ਵੈਬਸਾਈਟ ‘ਤੇ ਡਾਕੂਮੈਂਟਰੀ ਵੇਖੋ, ਯਾਤਰਾ ਦੇ ਰਸਤੇ ਦਾ ਪਤਾ ਚੱਲੇਗਾ-: ਇਸ ਵਾਰ ਯਾਤਰਾ ਲਈ 15 ਫਰਵਰੀ ਤੋਂ ਬਾਅਦ ਕੀਤੇ ਗਏ ਜ਼ਰੂਰੀ ਸਿਹਤ ਸਰਟੀਫਿਕੇਟ ਹੀ ਸਵੀਕਾਰ ਕੀਤੇ ਜਾਣਗੇ। ਮੈਡੀਕਲ ਸਰਟੀਫਿਕੇਟ ਲਈ ਬਿਨੈਕਾਰ ਨੂੰ ਮੌਜੂਦਾ ਸਰੀਰਕ ਹਾਲਤ ਅਤੇ ਪੁਰਾਣੇ ਰੋਗ ਦਾ ਟੀਕਾ ਦੇਣਾ ਹੋਵੇਗਾ। 13 ਸਾਲ ਤੋਂ ਘੱਟ ਅਤੇ 75 ਸਾਲ ਤੋਂ ਜ਼ਿਆਦਾ ਉਮਰ ਦੇ ਬਿਨੈਕਾਰ ਅਤੇ 6 ਮਹੀਨੇ ਦੀ ਗਰਭਵਤੀ ਔਰਤ ਨੂੰ ਯਾਤਰਾ ਕਰਨ ‘ਤੇ ਰੋਕ ਹੈ। ਪੰਜਤਰਣੀ ਕੈਂਪ ਤੋਂ 3 ਵਜੇ ਤੋਂ ਬਾਅਦ ਪਵਿਤਰ ਗੁਫਾ ਵੱਲ ਜਾਣਾ ਮਨ੍ਹਾ ਹੈ। ਸ਼ਾਮ 6 ਵਜੇ ਤੋਂ ਬਾਅਦ ਪਵਿਤਰ ਗੁਫਾ ਵਿਚ ਦਰਸ਼ਨ ਬੰਦ ਕਰ ਦਿੱਤੇ ਜਾਂਦੇ ਹਨ।
