ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਦੀ ਮੇਜ਼ਬਾਨੀ ਵਿਚ ਦਿਤੀ ਗਈ ਇਫ਼ਤਾਰ ਪਾਰਟੀ ਵਿਚ ਸਾਬਕਾ ਰਾਸ਼ਟਰਪਤੀ ਪ੍ਰਣਬ ਮੁਖਰਜੀ ਅਤੇ ਪ੍ਰਤਿਭਾ ਪਾਟਿਲ ਅਤੇ ਸਾਬਕਾ ਪ੍ਰਧਾਨ...
ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਦੀ ਮੇਜ਼ਬਾਨੀ ਵਿਚ ਦਿਤੀ ਗਈ ਇਫ਼ਤਾਰ ਪਾਰਟੀ ਵਿਚ ਸਾਬਕਾ ਰਾਸ਼ਟਰਪਤੀ ਪ੍ਰਣਬ ਮੁਖਰਜੀ ਅਤੇ ਪ੍ਰਤਿਭਾ ਪਾਟਿਲ ਅਤੇ ਸਾਬਕਾ ਪ੍ਰਧਾਨ ਮੰਤਰੀ ਡਾਕਟਰ ਮਨਮੋਹਨ ਸਿੰਘ ਤੋਂ ਇਲਾਵਾ ਵਿਰੋਧੀ ਪਾਰਟੀਆਂ ਦੇ ਕਈ ਨੇਤਾਵਾਂ ਨੇ ਸ਼ਮੂਲੀਅਤ ਕੀਤੀ। ਇਫ਼ਤਾਰ ਪਾਰਟੀ ਵਿਚ ਸ਼ਾਮਲ ਹੋਣ ਵਾਲਿਆਂ ਵਿਚ ਸਾਬਕਾ ਉਪ ਰਾਸ਼ਟਰਪਤੀ ਹਾਮਿਦ ਅੰਸਾਰੀ, ਮਾਕਪਾ ਜਨਰਲ ਸਕੱਤਰ ਸੀਤਾ ਰਾਮ ਯੇਚੁਰੀ, ਜੇਡੀਯੂ ਦੇ ਬਾਗ਼ੀ ਨੇਤਾ ਸ਼ਰਦ ਯਾਦਵ, ਤ੍ਰਿਣਮੂਲ ਕਾਂਗਰਸ ਦੇ ਦਿਨੇਸ਼ ਤ੍ਰਿਵੇਦੀ, ਰਾਜਦ ਦੇ ਮਨੋਜ ਝਾਅ, ਬਸਪਾ ਦੇ ਸਤੀਸ਼ ਮਿਸ਼ਰਾ, ਜੇਡੀਐਸ ਦੇ ਦਾਨਿਸ਼ ਅਲੀ, ਡੀਐਮਕੇ ਦੀ ਕਨਿਮੋਝੀ, ਝਾਮੁਮੋ ਦੇ ਹੇਮੰਤ ਸੋਰੇਨ, ਰਾਕਾਂਪਾ ਦੇ ਡੀਪੀ ਤ੍ਰਿਪਾਠੀ ਅਤੇ ਏਆਈਯੂਡੀਐਫ ਦੇ ਬਦਰੂਦੀਨ ਅਜਮਲ ਪ੍ਰਮੁੱਖ ਰਹੇ। 
Meetingਜ਼ਿਕਰਯੋਗ ਹੈ ਕਿ ਕਰਨਾਟਕ ਦੇ ਮੁੱਖ ਮੰਤਰੀ ਐਚ ਡੀ ਕੁਮਾਰਸਵਾਮੀ ਦੇ ਸਹੁੰ ਚੁੱਕ ਸਮਾਗਮ ਤੋਂ ਬਾਅਦ ਇਕ ਵਾਰ ਫਿਰ ਰਾਹੁਲ ਦੀ ਇਫ਼ਤਾਰ ਪਾਰਟੀ ਵਿਚ ਵਿਰੋਧੀ ਏਕਤਾ ਦੀ ਝਲਕ ਦਿਖਾਈ ਦਿਤੀ ਹੈ। ਇਸ ਇਫ਼ਤਾਰ ਵਿਚ ਕਾਂਗਰਸ ਦੇ ਸਾਰੇ ਸੀਨੀਅਰ ਨੇਤਾ ਨਜ਼ਰ ਆਏ। ਇਫ਼ਤਾਰ ਪਾਰਟੀ ਦੇ ਦੌਰਾਨ ਕਾਂਗਰਸ ਪ੍ਰਧਾਨ ਵਾਲੀ ਮੇਜ਼ 'ਤੇ ਪ੍ਰਣਬ ਮੁਖ਼ਰਜੀ, ਪ੍ਰਤਿਭਾ ਪਾਟਿਲ, ਹਾਮਿਦ ਅੰਸਾਰੀ, ਸੀਤਾਰਾਮ ਯੇਚੁਰੀ, ਸਤੀਸ਼ ਮਿਸ਼ਰ ਅਤੇ ਦਿਨੇਸ਼ ਤ੍ਰਿਵੇਦੀ ਨਜ਼ਰ ਆਏ।ਸਿਆਸੀ ਗਲਿਆਰਿਆਂ ਵਿਚ ਇਸ ਇਫ਼ਤਾਰ ਨੂੰ ਵਿਰੋਧੀ ਧਿਰਾਂ ਦੀ ਇਕਜੁੱਟਤਾ ਦੀ ਦਿਸ਼ਾ ਵਿਚ ਵਧਾਏ ਗਏ ਕਦਮ ਦੇ ਤੌਰ 'ਤੇ ਵੀ ਦੇਖਿਆ ਜਾ ਰਿਹਾ ਹੈ।
rahul gandhi
ਜ਼ਿਕਰਯੋਗ ਹੈ ਕਿ ਕਾਂਗਰਸ ਪ੍ਰਧਾਨ ਦੀ ਇਫ਼ਤਾਰ ਪਾਰਟੀ ਵਿਚ ਪ੍ਰਣਬ ਮੁਖਰਜੀ ਦੇ ਸ਼ਾਮਲ ਦਾ ਇਸ ਮਾਇਨੇ ਵਿਚ ਵਿਸ਼ੇਸ਼ ਮਹੱਤਵ ਹੈ ਕਿ ਕੁੱਝ ਦਿਨ ਪਹਿਲਾਂ ਹੀ ਸਾਬਕਾ ਰਾਸ਼ਟਰਪਤੀ ਆਰਐਸਐਸ ਦੇ ਇਕ ਪ੍ਰੋਗਰਾਮ ਵਿਚ ਸ਼ਾਮਲ ਹੋਏ ਸਨ। ਇਸ ਨੂੰ ਲੈ ਕੇ ਕਾਂਗਰਸ ਦੇ ਕਈ ਨੇਤਾਵਾਂ ਅਤੇ ਉਨ੍ਹਾਂ ਦੀ ਬੇਟੀ ਸ਼ਰਮਿਸ਼ਠਾ ਮੁਖ਼ਰਜੀ ਨੇ ਸਵਾਲ ਖੜ੍ਹੇ ਕੀਤੇ ਸਨ। ਕਾਂਗਰਸ ਨੇ ਦੋ ਸਾਲ ਦੇ ਵਕਫ਼ੇ ਤੋਂ ਬਾਅਦ ਇਫ਼ਤਾਰ ਪਾਰਟੀ ਕਰਵਾਈ ਸੀ। ਇਫ਼ਤਾਰ ਪਾਰਟੀ ਤਾਜ ਪੈਲੇਸ ਵਿਚ ਹੋਈ। ਸਾਬਕਾ ਰਾਸ਼ਟਰਪਤੀ ਪ੍ਰਣਬ ਮੁਖ਼ਰਜੀ ਨੇ ਸਮਾਗਮ ਵਿਚ ਹਾਜ਼ਰ ਸਾਰੇ ਲੋਕਾਂ ਨੂੰ ਸ਼ੁਭਕਾਮਨਾਵਾਂ ਦਿਤੀਆਂ। ਰਾਹੁਲ ਗਾਂਧੀ ਨੇ ਉਨ੍ਹਾਂ ਦਾ ਅਤੇ ਹੋਰ ਮਹਿਮਾਨਾਂ ਦਾ ਸਵਾਗਤ ਕੀਤਾ।
Pranab Mukherjeeਇਫ਼ਤਾਰ ਤੋਂ ਬਾਅਦ ਰਾਹੁਲ ਗਾਂਧੀ ਨੇ ਟਵੀਟ ਕੀਤਾ ਕਿ ਚੰਗਾ ਖਾਣਾ, ਦੋਸਤਾਨਾ ਚਿਹਰੇ ਅਤੇ ਸ਼ਾਨਦਾਰ ਗੱਲਬਾਤ ਨੇ ਇਸ ਨੂੰ ਯਾਦਗਾਰ ਬਣਾ ਦਿਤਾ। ਦੋ ਸਾਬਕਾ ਰਾਸ਼ਟਰਪਤੀ ਅਤੇ ਕਈ ਦਲਾਂ ਦੇ ਨੇਤਾ, ਮੀਡੀਆ, ਰਾਜਨਾਇਕ ਅਤੇ ਕਈ ਪੁਰਾਣੇ ਅਤੇ ਨਵੇਂ ਦੋਸਤ ਸ਼ਾਮਲ ਹੋਏ।ਉਥੇ ਰਾਹੁਲ ਗਾਂਧੀ ਦੁਆਰਾ ਦਿਤੀ ਗਈ ਇਫ਼ਤਾਰ ਪਾਰਟੀ 'ਤੇ ਕੇਂਦਰੀ ਘੱਟ ਗਿਣਤੀ ਕਾਰਜ ਮੰਤਰੀ ਮੁਖ਼ਤਾਰ ਅੱਬਾਸ ਨਕਵੀ ਨੇ ਟਿੱਪਣੀ ਕੀਤੀ।
Dr. Manmohan Singhਉਨ੍ਹਾਂ ਕਿਹਾ ਕਿ ਕਾਂਗਰਸ ਪ੍ਰਧਾਨ ਦੀ ਇਫ਼ਤਾਰ ਪਾਰਟੀ ਸਿਆਸੀ ਲਾਭ ਲਈ ਹੈ। ਨਕਵੀ ਨੇ ਕਿਹਾ ਕਿ ਰਾਹੁਲ ਗਾਂਧੀ ਸਿਆਸੀ ਲਾਭ ਦੇ ਲਈ ਇਫ਼ਤਾਰ ਦਾ ਪ੍ਰਬੰਧ ਕਰ ਰਹੇ ਹਨ ਪਰ ਮੈਂ ਲੋੜਵੰਦ ਲੋਕਾਂ ਲਈ ਇਫ਼ਤਾਰ ਦੇ ਰਿਹਾ ਹਾਂ, ਵੈਸੇ ਅਸੀਂ ਉਨ੍ਹਾਂ ਦੇ ਨਾਲ ਕੋਈ ਮੁਕਾਬਲਾ ਨਹੀਂ ਕਰ ਰਹੇ ਹਾਂ। ਜ਼ਿਕਰਯੋਗ ਹੈ ਕਿ ਕੇਂਦਰੀ ਮੰਤਰੀ ਨਕਵੀ ਨੇ ਵੀ ਅੱਜ ਇਫ਼ਤਾਰ ਪਾਰਟੀ ਕੀਤੀ ਸੀ। ਉਨ੍ਹਾਂ ਦੀ ਇਫ਼ਤਾਰ ਪਾਰਟੀ ਵਿਚ ਐਚਆਰਡੀ ਮੰਤਰੀ ਪ੍ਰਕਾਸ਼ ਜਾਵਡੇਕਰ ਅਤੇ ਸਮ੍ਰਿਤੀ ਇਰਾਨੀ ਪਹੁੰਚੇ ਸਨ।
