ਮੱਧ ਪ੍ਰਦੇਸ਼ ਵਿਧਾਨ ਸਭਾ ਚੋਣਾਂ : ਕਈ ਸੀਟਾਂ ’ਤੇ ਭਾਜਪਾ ਅਤੇ ਕਾਂਗਰਸ ਨੇ ਰਿਸ਼ਤੇਦਾਰਾਂ ਨੂੰ ਹੀ ਉਤਾਰਿਆ ਇਕ-ਦੂਜੇ ਵਿਰੁਧ
Published : Oct 24, 2023, 3:42 pm IST
Updated : Oct 24, 2023, 3:42 pm IST
SHARE ARTICLE
Representative image.
Representative image.

ਭਾਜਪਾ ਲਈ ਮੱਧ ਪ੍ਰਦੇਸ਼ ਇਕ ਪਰਿਵਾਰ ਹੈ : ਭਾਜਪਾ ਬੁਲਾਰਾ ਪੰਕਜ ਚਤੁਰਵੇਦੀ

ਇਹ ਮਹਿਜ਼ ਇਤਫ਼ਾਕ ਹੈ : ਕਾਂਗਰਸ ਮੀਡੀਆ ਵਿਭਾਗ ਪ੍ਰਧਾਨ ਕੇ.ਕੇ. ਮਿਸ਼ਰਾ

ਭੋਪਾਲ: ਮੱਧ ਪ੍ਰਦੇਸ਼ ਦੀਆਂ ਕੁਝ ਵਿਧਾਨ ਸਭਾ ਸੀਟਾਂ ’ਤੇ ਵੱਖ-ਵੱਖ ਸਿਆਸੀ ਪਿਛੋਕੜ ਵਾਲੇ ਇਕੋ ਪਰਿਵਾਰ ਦੇ ਮੈਂਬਰਾਂ ਵਿਚਾਲੇ ਚੋਣ ਲੜਾਈ ਵੇਖਣ ਨੂੰ ਮਿਲ ਸਕਦੀ ਹੈ। ਸੱਤਾਧਾਰੀ ਭਾਜਪਾ ਅਤੇ ਵਿਰੋਧੀ ਧਿਰ ਕਾਂਗਰਸ ਨੇ ਰਿਸ਼ਤੇਦਾਰਾਂ ਨੂੰ ਟਿਕਟਾਂ ਦੇ ਕੇ ਸੱਤਾ ਦੀ ਤਲਾਸ਼ ’ਚ ਇਕ-ਦੂਜੇ ਵਿਰੁਧ ਖੜਾ ਕਰ ਦਿਤਾ ਹੈ। ਸੂਬੇ ਦੀਆਂ 230 ਵਿਧਾਨ ਸਭਾ ਸੀਟਾਂ ਲਈ 17 ਨਵੰਬਰ ਨੂੰ ਹੋਣ ਵਾਲੀਆਂ ਚੋਣਾਂ ’ਚ ਭਰਾ, ਚਾਰਾ-ਭਤੀਜਾ, ਦੇਓਰ-ਭਰਜਾਈ, ਕੁੜਮ ਆਦਿ ਨੇੜੇ ਅਤੇ ਦੂਰ ਦੇ ਰਿਸ਼ਤੇਦਾਰ ਆਹਮੋ-ਸਾਹਮਣੇ ਖੜੇ ਹੋ ਗਏ ਹਨ।

ਸਾਬਕਾ ਵਿਧਾਨ ਸਭਾ ਸਪੀਕਰ ਅਤੇ ਨਰਮਦਾਪੁਰਮ ਤੋਂ ਭਾਜਪਾ ਉਮੀਦਵਾਰ ਸੀਤਾਸ਼ਰਨ ਸ਼ਰਮਾ ਦਾ ਮੁਕਾਬਲਾ ਉਨ੍ਹਾਂ ਦੇ ਭਰਾ ਗਿਰੀਜਾਸ਼ੰਕਰ ਸ਼ਰਮਾ ਨਾਲ ਹੈ, ਜੋ ਕਿ ਕਾਂਗਰਸ ਉਮੀਦਵਾਰ ਹੈ। ਭਾਜਪਾ ਦੇ ਸਾਬਕਾ ਵਿਧਾਇਕ ਗਿਰੀਜਾਸ਼ੰਕਰ ਸ਼ਰਮਾ ਪਿੱਛੇ ਜਿਹੇ ਹੀ ਸੱਤਾਧਾਰੀ ਪਾਰਟੀ ਵਲੋਂ ਟਿਕਟ ਨਾ ਦਿਤੇ ਜਾਣ ਤੋਂ ਬਾਅਦ ਅਪਣੀ ਪਾਰਟੀ ਬਦਲ ਕੇ ਕਾਂਗਰਸ ’ਚ ਸ਼ਾਮਲ ਹੋ ਗਏ ਹਨ।

ਸਾਗਰ ਵਿਧਾਨ ਸਭਾ ਸੀਟ ’ਤੇ ਕਾਂਗਰਸ ਦੀ ਨਿਧੀ ਸੁਨੀਲ ਜੈਨ ਅਪਣੇ ਜੇਠ ਅਤੇ ਭਾਜਪਾ ਦੇ ਮੌਜੂਦਾ ਵਿਧਾਇਕ ਸ਼ੈਲੇਂਦਰ ਜੈਨ ਨਾਲ ਹੈ। ਨਿਧੀ ਜੈਨ, ਸ਼ੈਲੇਂਦਰ ਜੈਨ ਦੇ ਛੋਟਾ ਭਰਾ ਅਤੇ ਦੇਵਰੀ ਤੋਂ ਕਾਂਗਰਸ ਦੇ ਸਾਬਕਾ ਵਿਧਾਇਕ ਸੁਨੀਲ ਜੈਨ ਦੀ ਪਤਨੀ ਹਨ। ਇਸੇ ਤਰ੍ਹਾਂ ਰੀਵਾ ਜ਼ਿਲ੍ਹੇ ਦੇ ਦੇਵਤਲਾਬ ’ਚ ਕਾਂਗਰਸ ਨੇ ਭਾਜਪਾ ਵਿਧਾਇਕ ਅਤੇ ਮੌਜੂਦਾ ਵਿਧਾਨ ਸਭਾ ਸਪੀਕਰ ਗਿਰੀਸ਼ ਗੌਤਮ ਦੇ ਖਿਲਾਫ ਪਦਮੇਸ਼ ਗੌਤਮ ਨੂੰ ਮੈਦਾਨ ’ਚ ਉਤਾਰਿਆ ਹੈ, ਗਿਰੀਸ਼ ਗੌਤਮ ਪਦਮੇਸ਼ ਦੇ ਚਾਚਾ ਹਨ। ਪਦਮੇਸ਼ ਗੌਤਮ ਨੇ ਇਸ ਤੋਂ ਪਹਿਲਾਂ ਪੰਚਾਇਤ ਚੋਣਾਂ ’ਚ ਮੌਜੂਦਾ ਵਿਧਾਇਕ ਦੇ ਪੁੱਤਰ ਰਾਹੁਲ ਗੌਤਮ ਨੂੰ ਹਰਾਇਆ ਸੀ।

ਇਕ ਹੋਰ ਅੰਤਰ-ਪਰਿਵਾਰਕ ਚੋਣ ਲੜਾਈ ’ਚ, ਭਾਜਪਾ ਦੇ ਮੌਜੂਦਾ ਵਿਧਾਇਕ ਅਤੇ ਪਾਰਟੀ ਉਮੀਦਵਾਰ ਸੰਜੇ ਸ਼ਾਹ ਹਰਦਾ ਜ਼ਿਲ੍ਹੇ ਦੇ ਟਿਮਰਨੀ ’ਚ ਕਾਂਗਰਸ ਦੇ ਆਪਣੇ ਭਤੀਜੇ ਅਭਿਜੀਤ ਸ਼ਾਹ ਵਿਰੁਧ ਲੜ ਰਹੇ ਹਨ। ਅਭਿਜੀਤ ਸ਼ਾਹ ਦੂਜੀ ਵਾਰ ਅਪਣੇ ਚਾਚਾ ਵਿਰੁਧ ਚੋਣ ਲੜ ਰਹੇ ਹਨ। ਭਾਜਪਾ ਦੀ ਸਾਬਕਾ ਰਾਜ ਮੰਤਰੀ ਇਮਰਤੀ ਦੇਵੀ ਗਵਾਲੀਅਰ ਜ਼ਿਲ੍ਹੇ ਦੇ ਦਾਬਰਾ ’ਚ ਅਪਣੇ ਰਿਸ਼ਤੇਦਾਰ ਅਤੇ ਮੌਜੂਦਾ ਕਾਂਗਰਸ ਵਿਧਾਇਕ ਸੁਰੇਸ਼ ਰਾਜੇ ਵਿਰੁਧ ਚੋਣ ਲੜ ਰਹੀ ਹੈ। ਭਾਜਪਾ ਸੂਤਰਾਂ ਨੇ ਦਸਿਆ ਕਿ ਇਮਰਤੀ ਦੇਵੀ ਦੀ ਭਤੀਜੀ ਦਾ ਵਿਆਹ ਰਾਜੇ ਦੇ ਪਰਿਵਾਰ ’ਚ ਹੋਇਆ ਹੈ।

ਇਨ੍ਹਾਂ ਸੀਟਾਂ ’ਤੇ ਇਕ-ਦੂਜੇ ਵਿਰੁਧ ਰਿਸ਼ਤੇਦਾਰਾਂ ਨੂੰ ਮੈਦਾਨ ਵਿਚ ਉਤਾਰਨ ਬਾਰੇ ਪੁੱਛੇ ਜਾਣ ’ਤੇ ਸੂਬਾ ਭਾਜਪਾ ਦੇ ਬੁਲਾਰੇ ਪੰਕਜ ਚਤੁਰਵੇਦੀ ਨੇ ਕਿਹਾ, ‘‘ਭਾਜਪਾ ਲਈ ਮੱਧ ਪ੍ਰਦੇਸ਼ ਇਕ ਪਰਿਵਾਰ ਹੈ। ਪਾਰਟੀ ਵਰਕਰ ਇਸ ਪਰਿਵਾਰ ਦਾ ਹਿੱਸਾ ਹਨ। ਪਾਰਟੀ ਇਕ ਉਚਿਤ ਵਰਕਰਾਂ ਨੂੰ ਮੈਦਾਨ ਵਿਚ ਉਤਾਰਨ ਬਾਰੇ ਫੈਸਲੇ ਲੈਂਦੀ ਹੈ।’’ ਚਤੁਰਵੇਦੀ ਨੇ ਕਿਹਾ ਕਿ ਕਾਂਗਰਸ ਇਕ ਵੰਸ਼ਵਾਦੀ ਪਾਰਟੀ ਹੈ ਜਿੱਥੇ ਸਾਰੇ ਵੱਡੇ ਫੈਸਲੇ ਇਕ ਪ੍ਰਵਾਰ ਵਲੋਂ ਲਏ ਜਾਂਦੇ ਹਨ ਜਦਕਿ ਭਾਜਪਾ ਇਕ ਕੇਡਰ ਅਧਾਰਤ ਸੰਗਠਨ ਹੈ।

ਰਿਸ਼ਤੇਦਾਰਾਂ ਬਨਾਮ ਰਿਸ਼ਤੇਦਾਰਾਂ ਵਿਚਕਾਰ ਚੋਣ ਲੜਾਈ ਬਾਰੇ ਪੁੱਛੇ ਜਾਣ ’ਤੇ ਮੱਧ ਪ੍ਰਦੇਸ਼ ਕਾਂਗਰਸ ਦੇ ਮੀਡੀਆ ਵਿਭਾਗ ਦੇ ਪ੍ਰਧਾਨ ਕੇ.ਕੇ. ਮਿਸ਼ਰਾ ਨੇ ਇਸ ਨੂੰ ਮਹਿਜ਼ ਇਤਫ਼ਾਕ ਦਸਿਆ। ਮਿਸ਼ਰਾ ਨੇ ਕਿਹਾ, ‘‘ਵੱਖ-ਵੱਖ ਵਿਚਾਰਧਾਰਾ ਵਾਲੇ ਲੋਕ ਇਕ ਛੱਤ ਹੇਠਾਂ ਰਹਿ ਸਕਦੇ ਹਨ ਅਤੇ ਇਹੀ ਲੋਕਤੰਤਰ ਦੀ ਖੂਬਸੂਰਤੀ ਹੈ। ਇਸ ਲਈ ਇਹ ਇਤਫ਼ਾਕ ਚੋਣ ਮੈਦਾਨ ’ਚ ਵੀ ਵਾਪਰ ਸਕਦਾ ਹੈ।’’

ਉਨ੍ਹਾਂ ਕਿਹਾ ਕਿ ਸਿਆਸੀ ਅਤੇ ਵਿਚਾਰਧਾਰਕ ਮਤਭੇਦਾਂ ਦੇ ਬਾਵਜੂਦ ਮੁਕਾਬਲੇਬਾਜ਼ੀ ’ਚ ਵਸੁਧੈਵ ਕੁਟੁੰਬਕਮ (ਸੰਸਾਰ ਇਕ ਪਰਿਵਾਰ ਹੈ) ਦੀ ਭਾਵਨਾ ਨੂੰ ਕਾਇਮ ਰਖਿਆ ਜਾਣਾ ਚਾਹੀਦਾ ਹੈ। ਸੀਨੀਅਰ ਪੱਤਰਕਾਰ ਅਤੇ ਸਿਆਸੀ ਮਾਹਿਰ ਆਨੰਦ ਪਾਂਡੇ ਨੇ ਕਿਹਾ ਕਿ ਇਹ ਵਿਚਾਰਧਾਰਾਵਾਂ ਦੀ ਲੜਾਈ ਨਹੀਂ, ਸਗੋਂ ਸੱਤਾ ਅਤੇ ਅਹੁਦੇ ਦੀ ਲੜਾਈ ਹੈ। ਉਨ੍ਹਾਂ ਕਿਹਾ ਕਿ ਸਿਆਸਤ ਨਵੀਂ ਦਿਸ਼ਾ ਵਲ ਜਾ ਰਹੀ ਹੈ। ਦੋਵੇਂ ਸ਼ਰਮਾ ਭਰਾ (ਸੀਤਾਸ਼ਰਨ ਅਤੇ ਗਿਰੀਜਾਸ਼ੰਕਰ) ਨਰਮਦਾਪੁਰਮ ’ਚ ਇਕ ਦੂਜੇ ਦੇ ਵਿਰੁਧ ਚੋਣ ਲੜ ਰਹੇ ਹਨ, ਭਾਜਪਾ ਦੇ ਵਿਧਾਇਕ ਸਨ ਅਤੇ ਉਨ੍ਹਾਂ ’ਚੋਂ ਇਕ ਹੁਣ ਦੂਜੀ ਪਾਰਟੀ ਤੋਂ ਚੋਣ ਲੜ ਰਿਹਾ ਹੈ ਕਿਉਂਕਿ ਉਸ ਨੂੰ ਟਿਕਟ ਨਹੀਂ ਦਿਤੀ ਗਈ ਹੈ।

ਉਨ੍ਹਾਂ ਕਿਹਾ ਕਿ ਇਸੇ ਤਰ੍ਹਾਂ ਸਾਗਰ, ਟਿਮਰਨੀ ਅਤੇ ਦੇਵਤਲਾਬ ’ਚ ਵੀ ਨਜ਼ਦੀਕੀ ਪਰਿਵਾਰਕ ਮੈਂਬਰ ਆਪਸ ’ਚ ਲੜ ਰਹੇ ਹਨ। ਪਾਂਡੇ ਨੇ ਕਿਹਾ, ‘‘ਸੂਬੇ ’ਚ ਇੰਨੇ ਵੱਡੇ ਪੱਧਰ ’ਤੇ ਇਹ ਪਹਿਲੀ ਵਾਰ ਹੈ ਕਿ ਭਰਾਵਾਂ ਅਤੇ ਨਜ਼ਦੀਕੀ ਰਿਸ਼ਤੇਦਾਰਾਂ ਨੇ ਅਪਣੇ ਰਿਸ਼ਤਿਆਂ ਤੋਂ ਉੱਪਰ ਸਿਆਸਤ ਅਤੇ ਸੱਤਾ ਦੀ ਖੇਡ ਨੂੰ ਰਖਿਆ ਹੈ।’’ ਪਾਂਡੇ ਨੇ ਕਿਹਾ ਕਿ ਪਹਿਲਾਂ ਇਕੋ ਪਰਿਵਾਰ ਦੇ ਮੈਂਬਰ ਵੱਖ-ਵੱਖ ਪਾਰਟੀਆਂ ’ਚ ਹੁੰਦੇ ਸਨ, ਪਰ ਵਿਧਾਨ ਸਭਾ ’ਚ ਦਾਖ਼ਲੇ ਲਈ ਉਨ੍ਹਾਂ ਦਰਮਿਆਨ ਸਿੱਧੀ ਲੜਾਈ ਘੱਟ ਹੀ ਹੁੰਦੀ ਸੀ। ਮੱਧ ਪ੍ਰਦੇਸ਼ ’ਚ 17 ਨਵੰਬਰ ਨੂੰ ਇਕ ਪੜਾਅ ’ਚ ਵੋਟਿੰਗ ਹੋਵੇਗੀ ਅਤੇ ਵੋਟਾਂ ਦੀ ਗਿਣਤੀ 3 ਦਸੰਬਰ ਨੂੰ ਹੋਵੇਗੀ।

SHARE ARTICLE

ਏਜੰਸੀ

Advertisement

Advocate Sunil Mallan Statement on Leaders and Migrants: ਲੀਡਰਾਂ ਨੇ ਸਾਰੇ ਪ੍ਰਵਾਸੀਆਂ ਦੀਆਂ ਬਣਵਾਈਆਂ ਵੋਟਾਂ

15 Sep 2025 3:01 PM

Sukhjinder Randhawa Interview On Rahul Gandhi Punjab'S Visit In Dera Baba nanak Gurdaspur|News Live

15 Sep 2025 3:00 PM

"100 ਰੁਪਏ ਲੁੱਟ ਕੇ 2 ਰੁਪਏ ਦੇ ਕੇ ਆਖੇ ਮੈਂ ਵੱਡਾ ਦਾਨੀ, Sukhbir Badal ਨੂੰ ਸਿੱਧੇ ਹੋਏ Gurdeep Brar | SGPC

13 Sep 2025 1:07 PM

Hoshiarpur Child Muder Case : ਆਹ ਪਿੰਡ ਨਹੀਂ ਰਹਿਣ ਦਵੇਗਾ ਇੱਕ ਵੀ ਪਰਵਾਸੀ, ਜੇ ਰਹਿਣਾ ਪਿੰਡ 'ਚ ਤਾਂ ਸੁਣ ਲਓ ਕੀ.

13 Sep 2025 1:06 PM

ਕਿਸ਼ਤਾਂ 'ਤੇ ਲਿਆ New Phone, ਘਰ ਲਿਜਾਣ ਸਾਰ ਥਾਣੇ 'ਚੋਂ ਆ ਗਈ ਕਾਲ,Video ਦੇਖ ਕੇ ਤੁਹਾਡੇ ਵੀ ਉੱਡ ਜਾਣਗੇ ਹੋਸ਼

12 Sep 2025 3:27 PM
Advertisement