ਭਾਜਪਾ ਨੇਤਾ ਵਲੋਂ ਲਾਏ ਦੋਸ਼ ਤੋਂ ਨਾਰਾਜ਼ ਹੋ ਕੇ ਸ਼੍ਰੀਨਿਵਾਸ ਰਾਓ ਨੇ ਮਾਰੀ ਚੱਪਲ
ਅਮਰਾਵਤੀ : ਆਂਧਰਾ ਪ੍ਰਦੇਸ਼ ਵਿਚ ਇਕ ਲਾਈਟ ਟੀਵੀ ਡਿਬੇਟ ਦੌਰਾਨ ਭਾਜਪਾ ਨੇਤਾ ਨੂੰ ਚੱਪਲ ਮਾਰਨ ਦੀ ਵੀਡੀਓ ਸੋਸ਼ਲ ਮੀਡੀਆ ਉੱਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਦਰਅਸਲ ਤੇਲੁਗੂ ਚੈਨਲ ਵਿਚ ਲਾਈਵ ਸ਼ੋਅ ਦੌਰਾਨ ਭਾਜਪਾ ਦੇ ਜਨਰਲ ਸਕੱਤਰ ਨੇ ਅਮਰਾਵਤੀ ਜੁਆਇੰਟ ਐਕਸ਼ਨ ਕਮੇਟੀ ਦੇ ਕਨਵੀਨਰ ਸ੍ਰੀਨਿਵਾਸ ਰਾਓ ’ਤੇ ਕੁਝ ਦੋਸ਼ ਲਗਾਏ ਸਨ।
PC- ABN Telugu
ਇਸੇ ਦੌਰਾਨ ਭਾਜਪਾ ਵਲੋਂ ਲਾਏ ਦੋਸ਼ ਤੋਂ ਕੇ ਸ਼੍ਰੀਨਿਵਾਸ ਰਾਓ ਇੰਨੇ ਨਾਰਾਜ਼ ਹੋ ਗਏ ਕਿ ਉਹਨਾਂ ਨੇ ਪਹਿਲਾਂ ਤਾਂ ਅਪਣੀ ਚੱਪਲ ਉਤਾਰ ਕੇ ਮਾਰਨ ਦੀ ਧਮਕੀ ਦਿਤੀ। ਫਿਰ ਜਦੋਂ ਭਾਜਪਾ ਨੇਤਾ ਨੇ ਉਹਨਾਂ ਨੂੰ ਸਾਵਧਾਨ ਕੀਤਾ ਤਾਂ ਉਹਨਾਂ ਨੇ ਤੁਰਤ ਉਹਨਾਂ ਨੂੰ ਚੱਪਲ ਦੇ ਮਾਰੀ।
PC- ABN Telugu
ਵੀਡੀਉ ਇਕ ਤੇਲਗੂ ਚੈਨਲ ਏਬੀਐਨ ਦੀ ਹੈ ਜਿਸ ਵਿਚ ਆਂਧਰਾ ਪ੍ਰਦੇਸ਼ ਭਾਜਪਾ ਦੇ ਜਨਰਲ ਸੱਕਤਰ ਵਿਸ਼ਨੁਵਰਧਨ ਰੈੱਡੀ, ਅਮਰਾਵਤੀ ਜੁਆਇੰਟ ਐਕਸ਼ਨ ਕਮੇਟੀ ਦੇ ਕਨਵੀਨਰ ਕੇ ਸ਼੍ਰੀਨਿਵਾਸ ਰਾਓ ਅਤੇ ਹੋਰ ਪੈਨਲ ਦੇ ਮੈਂਬਰ ਇਕ ਲਾਈਵ ਬਹਿਸ ਦੌਰਾਨ ਇਕ ਦੂਜੇ ਨਾਲ ਤਿੱਖੀ ਗੱਲਬਾਤ ਕਰਦੇ ਦਿਖਾਈ ਦਿੰਦੇ ਹਨ।
BJP's National vice chairman @SVishnuReddy said 'Farmers are paid artists' on live TV debate.
— Spirit of Congress ✋ (@SpiritOfCongres) February 23, 2021
This is the response he got... ???????? pic.twitter.com/WndhxIp9YW
ਦੱਸਿਆ ਜਾ ਰਿਹਾ ਹੈ ਕਿ ਚੱਪਲ ਮਾਰਨ ਵਾਲੇ ਸ੍ਰੀਨਿਵਾਸ ਰਾਓ ਇਸ ਗੱਲ ਤੋਂ ਗੁੱਸੇ ਵਿਚ ਆ ਗਏ ਕਿਉਂਕਿ ਭਾਜਪਾ ਨੇਤਾ ਨੇ ਉਹਨਾਂ ਦੇ ਟੀਡੀਪੀ ਨਾਲ ਸਬੰਧ ਹੋਣ ਦੀ ਗੱਲ਼ ਕਹੀ ਸੀ। ਦੱਸ ਦਈਏ ਕਿ ਸ਼੍ਰੀਨਿਵਾਸ ਅਮਰਾਵਤੀ ਨੂੰ ਰਾਜਧਾਨੀ ਬਣਾਉਣ ਵਾਲੇ ਅੰਦੋਲਨ ਵਿਚ ਸਰਗਰਮ ਸਨ, ਉਹਨਾਂ ਨੇ ਵਾਈਐਸ ਜਗਨ ਮੋਹਨ ਰੈਡੀ ਸਰਕਾਰ ਵੱਲ਼ੋਂ ਸੂਬੇ ਵਿਚ ਤਿੰਨ ਰਾਜਧਾਨੀਆਂ ਬਣਾਏ ਜਾਣ ਦੇ ਫੈਸਲੇ ਖ਼ਿਲਾਫ ਆਵਾਜ਼ ਚੁੱਕੀ ਸੀ।
