Advertisement
  ਖ਼ਬਰਾਂ   ਰਾਜਨੀਤੀ  26 Jun 2019  ਮਾਬ ਲਿੰਚਿੰਗ ਲਈ ਪੂਰੇ ਝਾਰਖੰਡ ਨੂੰ ਬਦਨਾਮ ਕਰਨਾ ਗ਼ਲਤ : ਮੋਦੀ

ਮਾਬ ਲਿੰਚਿੰਗ ਲਈ ਪੂਰੇ ਝਾਰਖੰਡ ਨੂੰ ਬਦਨਾਮ ਕਰਨਾ ਗ਼ਲਤ : ਮੋਦੀ

ਸਪੋਕਸਮੈਨ ਸਮਾਚਾਰ ਸੇਵਾ
Published Jun 26, 2019, 5:32 pm IST
Updated Jun 26, 2019, 5:32 pm IST
ਕਿਹਾ - ਝਾਰਖੰਡ 'ਚ ਮਾਬ ਲਿੰਚਿੰਗ ਦੀ ਘਟਨਾ ਤੋਂ ਦੁਖੀ ਹਾਂ
Jharkhand mob lynching saddening but why blame entire state : Modi
 Jharkhand mob lynching saddening but why blame entire state : Modi

ਨਵੀਂ ਦਿੱਲੀ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਰਾਜ ਸਭਾ 'ਚ ਮਾਬ ਲਿੰਚਿੰਗ ਦੇ ਮੁੱਦੇ 'ਤੇ ਵਿਰੋਧੀ ਧਿਰ ਨੂੰ ਕਰੜੇ ਹੱਥੀਂ ਲਿਆ। ਮੋਦੀ ਨੇ ਆਪਣੇ ਭਾਸ਼ਣ 'ਚ ਕਿਹਾ ਕਿ ਮਾਬ ਲਿੰਚਿੰਗ ਜਿਹੀ ਘਟਨਾਵਾਂ ਨਹੀਂ ਹੋਣੀ ਚਾਹੀਦੀਆਂ ਅਤੇ ਇਸ 'ਚ ਜਿਸ ਦੀ ਵੀ ਮੌਤ ਹੋਈ ਹੈ, ਉਸ ਲਈ ਸਾਰਿਆਂ ਨੂੰ ਦੁਖ ਹੈ। ਪਰ ਕੀ ਇਸ ਘਟਨਾ ਲਈ ਪੂਰੇ ਸੂਬੇ ਨੂੰ ਬਦਨਾਮ ਕਰਨਾ ਸਹੀ ਹੈ? 


ਮੋਦੀ ਨੇ ਬੁਧਵਾਰ ਨੂੰ ਰਾਸ਼ਟਰਪਤੀ ਦੇ ਅਭਿਭਾਸ਼ਣ 'ਤੇ ਧੰਨਵਾਦ ਮਤੇ 'ਤੇ ਰਾਜ ਸਭਾ 'ਚ ਜਵਾਬ ਦਿੱਤਾ। ਮੋਦੀ ਨੇ ਕਿਹਾ ਕਿ ਝਾਰਖੰਡ ਮਾਮਲੇ 'ਚ ਦੋਸ਼ੀਆਂ ਨੂੰ ਸਖ਼ਤ ਸਜ਼ਾ ਮਿਲਣੀ ਚਾਹੀਦੀ ਹੈ। ਜੋ ਬੁਰਾ ਹੋਇਆ ਹੈ, ਜਿਨ੍ਹਾਂ ਨੇ ਬੁਰਾ ਕੀਤਾ ਹੈ, ਉਨ੍ਹਾਂ ਨੂੰ ਸਜ਼ਾ ਮਿਲਣੀ ਚਾਹੀਦੀ ਹੈ। ਅਪਰਾਧ ਹੋਣ 'ਤੇ ਸਹੀ ਰਸਤਾ ਕਾਨੂੰਨ ਅਤੇ ਨਿਆਂ ਹੈ। 

Mob kills tribalMob lynching

ਮੋਦੀ ਨੇ ਕਿਹਾ, "ਸਾਨੂੰ ਚੰਗੇ ਜਾਂ ਬੁਰੇ ਅਤਿਵਾਦ ਵਿਚਕਾਰ ਅੰਤਰ ਨਹੀਂ ਕਰਨਾ ਚਾਹੀਦਾ। ਸਾਨੂੰ ਝਾਰਖੰਡ, ਬੰਗਾਲ ਜਾਂ ਕੇਰਲ 'ਚ ਜਿੱਥੇ ਵੀ ਹਿੰਸਾ ਹੁੰਦੀ ਹੈ, ਉਥੇ ਹਿੰਸਾ ਦੇ ਸਾਰੇ ਤਰੀਕਿਆਂ ਲਈ ਬਰਾਬਰ ਮਾਪਦੰਡ ਲਾਗੂ ਕਰਨੇ ਚਾਹੀਦੇ ਹਨ। ਇਸ ਨਾਲ ਅਪਰਾਧੀਆਂ ਨੂੰ ਸਪਸ਼ਟ ਸੁਨੇਹਾ ਮਿਲੇਗਾ ਕਿ ਦੇਸ਼ ਉਨ੍ਹਾਂ ਦੇ ਵਿਰੁੱਧ ਹੈ।"

Modi's minister in the parliament asked where is Rahul?Narendra Modi

ਕਾਂਗਰਸ ਦੇ ਵਿੰਨਿਆ ਨਿਸ਼ਾਨਾ :
ਮੋਦੀ ਨੇ ਕਿਹਾ ਕਿ 55 ਸਾਲ ਸੱਤਾ 'ਚ ਰਹਿਣ ਵਾਲੀ ਪਾਰਟੀ 17 ਰਾਜਾਂ 'ਚ ਖਾਤਾ ਨਹੀਂ ਖੋਲ੍ਹ ਸਕੀ ਤਾਂ ਕੀ ਦੇਸ਼ ਹਾਰ ਗਿਆ। 'ਤੁਸੀਂ ਤਾਂ ਜਿੱਤ ਗਏ ਪਰ ਦੇਸ਼ ਹਾਰ ਗਿਆ' ਜਿਵੇਂ ਸ਼ਬਦ ਦੀ ਵਰਤੋਂ ਕਰਨਾ ਦੇਸ਼ ਦੀ ਜਨਤਾ ਦਾ ਹੀ ਅਪਮਾਨ ਹੈ। ਮੋਦੀ ਨੇ ਕਿਹਾ ਕਿ ਕੀ ਵਾਇਨਾਡ 'ਚ ਹਿੰਦੁਸਤਾਨ ਹਾਰ ਗਿਆ, ਕੀ ਰਾਏਬਰੇਲੀ 'ਚ ਹਿੰਦੁਸਤਾਨ ਹਾਰ ਗਿਆ ਜਾਂ ਫਿਰ ਅਮੇਠੀ 'ਚ ਹਿੰਦੁਸਤਾਨ ਹਾਰ ਗਿਆ। ਉਨ੍ਹਾਂ ਕਿਹਾ ਕਿ ਅਜਿਹਾ ਮੰਨਣਾ ਹੈ ਕਿ ਕਾਂਗਰਸ ਹਾਰੀ ਤਾਂ ਦੇਸ਼ ਹਾਰ ਗਿਆ, ਇਹ ਬਿਲਕੁਲ ਗਲਤ ਸੋਚ ਹੈ। ਕੀ ਕਾਂਗਰਸ ਦਾ ਮਤਲਬ ਦੇਸ਼ ਹੋ ਚੱਲਿਆ ਹੈ।

Location: India, Delhi, New Delhi
Advertisement
Advertisement
Advertisement