ਕਾਂਗਰਸ ਮੀਤ ਪ੍ਰਧਾਨ ਰਾਹੁਲ ਗਾਂਧੀ ਗੁਜਰਾਤ ਚੋਣਾਂ ਲਈ ਪੂਰੇ ਜ਼ੋਰ-ਸ਼ੋਰ ਨਾਲ ਜੁਟ ਗਏ ਹਨ।
ਵਡੋਦਰਾ, 23 ਅਕਤੂਬਰ : ਕਾਂਗਰਸ ਮੀਤ ਪ੍ਰਧਾਨ ਰਾਹੁਲ ਗਾਂਧੀ ਗੁਜਰਾਤ ਚੋਣਾਂ ਲਈ ਪੂਰੇ ਜ਼ੋਰ-ਸ਼ੋਰ ਨਾਲ ਜੁਟ ਗਏ ਹਨ। ਇਥੇ ਰੈਲੀ ਨੂੰ ਸੰਬੋਧਿਤ ਕਰਦਿਆਂ ਰਾਹੁਲ ਨੇ ਰੁਜ਼ਗਾਰ, ਜੀਐਸਟੀ, ਜੈ ਸ਼ਾਹ, ਨੋਟਬੰਦੀ ਜਿਹੇ ਕਈ ਮੁੱÎਦਿਆਂ 'ਤੇ ਮੋਦੀ ਸਰਕਾਰ ਨੂੰ ਘੇਰਿਆ। ਰਾਹੁਲ ਨੇ ਜੀਐਸਟੀ ਨੂੰ 'ਗੱਬਰ ਸਿੰਘ ਟੈਕਸ' ਦਸਿਆ ਤੇ ਪ੍ਰਧਾਨ ਮੰਤਰੀ ਮੋਦੀ ਨੂੰ 'ਡਰਾਮੇਬਾਜ਼ ਨੰਬਰ 1' ਵੀ ਕਹਿ ਦਿਤਾ। ਰਾਹੁਲ ਨੇ ਕਿਹਾ ਕਿ ਜਿਹੜਾ ਜੀਐਸਟੀ ਮਤਾ ਕਾਂਗਰਸ ਨੇ ਲਿਆਂਦਾ ਸੀ, ਉਸ ਵਿਚ ਕਾਰੋਬਾਰੀਆਂ ਦੀਆਂ ਮੁਸ਼ਕਲਾਂ ਦੂਰ ਕਰਨ ਦੇ ਕਈ ਪ੍ਰਬੰਧ ਸਨ ਪਰ ਸਰਕਾਰ ਨੇ ਕਾਂਗਰਸ ਦੀ ਇਕ ਨਾ ਸੁਣੀ ਅਤੇ ਅਪਣੇ ਹਿਸਾਬ ਨਾਲ ਜੀਐਸਟੀ ਲਾਗੂ ਕਰ ਦਿਤਾ। ਕਾਂਗਰਸ ਇਕ ਟੈਕਸ ਲਾਉਣਾ ਚਾਹੁੰਦੀ ਸੀ ਪਰ ਸਰਕਾਰ ਨੇ 5-5 ਟੈਕਸ ਲਾ ਦਿਤੇ ਜਿਸ ਕਾਰਨ ਹੁਣ ਕਾਰੋਬਾਰੀ ਦੁਖੀ ਹਨ। ਉਨ੍ਹਾਂ ਕਿਹਾ ਕਿ ਪ੍ਰਧਾਨ ਮੰਤਰੀ ਕਹਿੰਦੇ ਸੀ ਕਿ ਨਾ ਖਾਵਾਂਗਾ ਤੇ ਨਾ ਖਾਣ ਦੇਵਾਂਗਾ ਪਰ ਜੈ ਸ਼ਾਹ ਦੀ ਕੰਪਨੀ ਰਾਕੇਟ ਵਾਂਗ ਉਪਰ ਗਈ। ਸਾਲ 2014 ਮਗਰੋਂ 2-3 ਮਹੀਨਿਆਂ ਵਿਚ ਜੈ ਸ਼ਾਹ ਦੀ ਕੰਪਨੀ 50 ਹਜ਼ਾਰ ਰੁਪਏ ਨਾਲ ਸ਼ੁਰੂ ਹੋ
ਕੇ 80 ਕਰੋੜ ਤਕ ਪਹੁੰਚ ਗਈ। ਉਨ੍ਹਾਂ ਕਿਹਾ ਕਿ ਜੈ ਸ਼ਾਹ ਜ਼ਿਆਦਾ ਖਾ ਗਿਆ ਪਰ ਇਸ ਦੇ ਬਾਵਜੂਦ ਮੋਦੀ ਜੀ ਦੇ ਮੂੰਹ ਵਿਚੋਂ ਇਕ ਸ਼ਬਦ ਨਾਲ ਨਿਕਲਿਆ। ਉਨ੍ਹਾਂ ਕਿਹਾ ਕਿ ਗੁਜਰਾਤ ਵਿਚ ਕਈ ਸਾਲਾਂ ਤੋਂ ਰਾਖਵਾਂਕਰਨ ਅਤੇ ਰੁਜ਼ਗਾਰ ਲਈ ਅੰਦੋਲਨ ਹੋ ਰਹੇ ਹਨ। ਰਾਹੁਲ ਨੇ ਕਿਹਾ ਕਿ ਪਿਛਲੇ ਸਾਲ ਸਰਕਾਰ ਨੇ ਦੇਸ਼ ਦੇ ਸੱਭ ਤੋਂ ਵੱਡੇ ਕਾਰੋਬਾਰੀਆਂ ਦਾ ਇਕ ਲੱਖ 30 ਹਜ਼ਾਰ ਕਰੋੜ ਰੁਪਏ ਦਾ ਕਰਜ਼ਾ ਮਾਫ਼ ਕੀਤਾ ਪਰ ਗੁਜਰਾਤ ਦੇ ਕਿਸਾਨ ਦਾ ਕਰਜ਼ਾ ਮਾਫ਼ ਨਹੀਂ ਕੀਤਾ ਗਿਆ। ਸਿਰਫ਼ ਅਮੀਰਾਂ ਦਾ ਕਰਜ਼ਾ ਮਾਫ਼ ਹੋ ਸਕਦਾ ਹੈ, ਗ਼ਰੀਬਾਂ ਦਾ ਨਹੀਂ। ਕਾਰੋਬਾਰੀਆਂ ਦੀ ਸਰਕਾਰਰਾਹੁਲ ਨੇ ਕਿਹਾ ਕਿ ਗੁਜਰਾਤ ਵਿਚ ਸਿਰਫ਼ 5-10 ਕਾਰੋਬਾਰੀ ਸਰਕਾਰ ਚਲਾ ਰਹੇ ਹਨ। ਗੁਜਰਾਤ ਦੀ ਜਨਤਾ ਦੀ ਆਵਾਜ਼ ਸੁਣੀ ਨਹੀਂ ਜਾ ਰਹੀ, ਇਸ ਲਈ ਗੁਜਰਾਤ ਦਾ ਸਮਾਜ ਅੱਜ ਖ਼ੁਦ ਸੜਕਾਂ 'ਤੇ ਉਤਰ ਕੇ ਅਪਣਾ ਹੱਕ ਮੰਗ ਰਿਹਾ ਹੈ। ਰਾਹੁਲ ਨੇ ਕਿਹਾ ਕਿ ਦੇਸ਼ ਵਿਚ ਮੇਡ ਇਨ ਇੰਡੀਆ ਜਾਂ ਮੇਡ ਇਨ ਗੁਜਰਾਤ ਨਹੀਂ, ਮੇਡ ਇਨ ਚਾਈਨਾ ਦਾ ਸਮਾਨ ਵਰਤਿਆ ਜਾ ਰਿਹਾ ਹੈ। (ਏਜੰਸੀ)
