ਜਿਸ ਦੀ ਰੇਹੜੀ ਫੜੀ ਵਾਲਿਆਂ ਨੇ ਮਿਲ ਕੇ ਵੀਡੀਓ ਬਣਾਉਣੀ...
ਫਾਜ਼ਿਲਕਾ: ਇੱਕ ਪੁਲਿਸ ਮੁਲਾਜ਼ਮ ਵੱਲੋਂ ਰੇਹੜੀ ਫੜੀ ਵਾਲਿਆਂ ਤੋਂ ਹਰ ਰੋਜ਼ ਮੁਫ਼ਤ ਦੀ ਸਬਜ਼ੀ ਚੁੱਕਣ ਖ਼ਿਲਾਫ਼ ਇੱਕ ਦਿਨ ਰੇਹੜੀ ਫੜੀ ਵਾਲਿਆਂ ਦੀ ਅਣਖ ਜਾਗ ਪਈ ਅਤੇ ਉਹਨਾਂ ਇਸ ਦਾ ਵਿਰੋਧ ਕੀਤਾ। ਸੋਸ਼ਲ ਮੀਡੀਆ ਤੇ ਵਾਇਰਲ ਹੋ ਰਹੀ ਇਸ ਵੀਡੀਓ 'ਚ ਸਾਫ ਤੌਰ ਤੇ ਦਿਖਾਈ ਦੇ ਰਿਹਾ ਹੈ ਕਿ ਕਿਵੇਂ ਰੇਹੜੀ-ਫੜੀ ਵਾਲਿਆਂ ਨੇ ਪੁਲਿਸ ਮੁਾਲਾਜ਼ਮ ਦਾ ਵਿਰੋਧ ਕੀਤਾ ਤੇ ਹਰ ਰੋਜ਼ ਫਲ ਸਬਜ਼ੀਆਂ ਚੁੱਕਣ 'ਤੇ ਉਸਨੂੰ ਖਰੀਆਂ -ਖਰੀਆਂ ਸੁਣਾਈਆਂ।
ਜਾਣਕਾਰੀ ਮੁਤਾਬਿਕ ਇਹ ਘਟਨਾ ਫਾਜ਼ਿਲਕਾ ਦੀ ਹੈ। ਜਿਸ ਵਿੱਚ ਇੱਕ ਪੁਲਿਸ ਮੁਲਾਜ਼ਮ ਦਾ ਰੇਹੜੀ ਫੜੀ ਵਾਲੇ ਇਸ ਲਈ ਵਿਰੋਧ ਕਰ ਰਹੇ ਹਨ ਕਿ ਉਹ ਹਰ ਰੋਜ਼ ਉਨ੍ਹਾਂ ਤੋਂ ਮੁਫ਼ਤ ਸਬਜ਼ੀ ਚੁੱਕ ਕੇ ਲੈ ਜਾਂਦਾ ਹੈ, ਪ੍ਰੰਤੂ ਪੈਸੇ ਨਹੀਂ ਦਿੰਦਾ।
ਜਿਸ ਦੀ ਰੇਹੜੀ ਫੜੀ ਵਾਲਿਆਂ ਨੇ ਮਿਲ ਕੇ ਵੀਡੀਓ ਬਣਾਉਣੀ ਸ਼ੁਰੂ ਕਰ ਦਿੱਤੀ ਅਤੇ ਕਿਹਾ ਕਿ ਤੂੰ ਪੰਜਾਹ ਹਜ਼ਾਰ ਰੁਪਏ ਦੇ ਕਰੀਬ ਤਨਖਾਹ ਲੈਂਦਾ ਹੈ ਅਸੀਂ ਗਰੀਬ ਆਪਣੇ ਬੱਚਿਆਂ ਨੂੰ ਛੱਡ ਕੇ ਸਵੇਰੇ ਚਾਰ ਵਜੇ ਸਬਜ਼ੀ ਵੇਚਣ ਲਈ ਆਉਂਦੇ ਹਨ ਅਤੇ ਤੂੰ ਸਾਡੀ ਸਬਜ਼ੀ ਚੁੱਕ ਕੇ ਲੈ ਜਾਂਦਾ ਹੈ।
ਰੇਹੜੀ ਫੜ੍ਹੀ ਵਾਲਿਆਂ ਨੇ ਪੁਲਸ ਮੁਲਾਜ਼ਮ ਨੂੰ ਜ਼ਲੀਲ ਕਰਦਿਆਂ ਕਿਹਾ ਤੈਨੂੰ ਸ਼ਰਮ ਹੋਣੀ ਚਾਹੀਦੀ ਹੈ ਕਿ ਤੂੰ ਗ਼ਰੀਬਾਂ ਦਾ ਹੱਕ ਮਾਰ ਰਿਹਾ ਹੈ। ਇਹ ਪੁਲੀਸ ਮੁਲਾਜ਼ਮ ਕਿਸੇ ਉੱਚ ਅਧਿਕਾਰੀ ਦਾ ਗੰਨਮੈਨ ਦੱਸਿਆ ਜਾ ਰਿਹਾ ਹੈ ਅਤੇ ਇਹ ਵੀਡੀਓ ਇਲਾਕੇ ਵਿੱਚ ਖੂਬ ਵਾਇਰਲ ਹੋ ਰਹੀ ਹੈ।
ਇਹ ਵੀਡੀਓ ਦੇਖਣ ਤੋਂ ਬਾਅਦ ਸਵਾਲ ਖੜ੍ਹਾ ਹੁੰਦਾ ਹੈ ਕਿ ਪੁਲਿਸ ਵਧੀਕੀ ਹਰ ਰੋਜ਼ ਕਿਤੇ ਨਾ ਕਿਤੇ ਸਾਹਮਣੇ ਆ ਰਹੀ ਹੈ। ਜਿਸ ਤਰ੍ਹਾਂ ਇਹ ਮੁਲਾਜ਼ਮ ਗਰੀਬ ਲੋਕਾਂ ਦੀ ਹਰ ਰੋਜ਼ ਛੋਟੇ ਰੂਪ ਵਿੱਚ ਲੁੱਟ ਕਰ ਰਿਹਾ ਹੈ। ਕਿ ਲੋਕ ਇਹਨਾਂ ਤੋਂ ਸੁਰੱਖਿਆ ਦੀ ਉਮੀਦ ਕਰਨਗੇ?
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।