ਕਬੱਡੀ 45 ਕਿਲੋ ਵਿੱਚ ਨਰੈਣਗੜ੍ਹ ਸੋਹੀਆਂ ਨੇ ਕਰਿਆ ਕਬਜ਼ਾ, ਕੁੱਤਿਆਂ ਦੀ ਦੌੜਾਂ ਵਿੱਚ ਧਾਂਦਲੀ ਗਰੁੱਪ ਦਾ ਕੁੱਤਾ ਬਲਿਊ ਰੇਂਜ ਨੀਲਾ ਰਿਹਾ ਪਹਿਲੇ ਸਥਾਨ ਤੇ
ਚੰਡੀਗੜ੍ਹ : ਆਜ਼ਾਦ ਸਪੋਰਟਸ ਸੁਸਾਇਟੀ ਕਲੱਬ ਡੱਡੂਮਾਜਰਾ ਅਤੇ ਪਿੰਡ ਵਾਸੀਆ ਦੇ ਸਹਿਯੋਗ ਨਾਲ 1 ਅਤੇ 2 ਸਤੰਬਰ ਨੂੰ ਸਲਾਨਾ ਕਬੱਡੀ ਕੱਪ ਕਰਵਾਇਆ ਜਾ ਰਿਹਾ ਹੈ ਜਿਸ ਵਿਚ ਅੱਜ ਦੇ ਮੁਕਾਬਲਿਆਂ ਦੇ ਨਤੀਜੀਆਂ ਵਿੱਚ ਕਬੱਡੀ 45 ਕਿੱਲੋ ਵਿੱਚ ਨਰੈਣਗੜ੍ਹ ਸੋਹੀਆਂ ਨੇ ਪਹਿਲਾ ਸਥਾਨ ਪ੍ਰਾਪਤ ਕੀਤਾ ਜਦਕਿ ਧਰਮਗੜ੍ਹ ਦੀ ਟੀਮ ਨੇ ਦੂਜਾ ਸਥਾਨ ਪ੍ਰਾਪਤ ਕੀਤਾ।
ਇਸ ਸਬੰਧੀ ਕਲੱਬ ਦੇ ਪ੍ਰਧਾਨ ਅਮ੍ਰਿਤ ਲਾਲ ਸ਼ਰਮਾ ਨੇ ਦੱਸਿਆ ਕਿ ਕੁੱਤਿਆਂ ਦੀਆਂ ਦੌੜਾਂ ਵਿਚ ਪਹਿਲਾ ਸਥਾਨ ਧਾਂਦਲੀ ਗਰੁੱਪ ਦਾ ਕੁੱਤਾ ਬਲਿਊ ਰੇਂਜ ਨੀਲਾ, ਦੂਜਾ ਸਥਾਨ ਸੌਦਾਗਰ ਰੁੜਕੀ ਫਰੀਡਮ ਗਰੁੱਪ ਦੀ ਕੁੱਤੀ ਸਪੈਰੋ ਚਿੱਤਰੀ, ਤੀਜਾ ਸਥਾਨ ਦਵਿੰਦਰ ਨੰਦਗੜ੍ਹ ਦੀ ਕੁੱਤੀ ਹਾਈ ਕਾਲੀ, ਚੌਥਾ ਸਥਾਨ ਏਕਮਜੋਤ ਡਡਿਆਣਾ ਦਾ ਕੁੱਤਾ ਬਰੂਸ ਕਾਲਾ, ਪੰਜਵਾਂ ਸਥਾਨ ਅੰਮ੍ਰਿਤਵੀਰ ਕਲਹੇੜੀ ਦਾ ਕੁੱਤਾ ਰੇਂਜਰ ਕਾਲਾ ਡੱਬਾ ਨੇ ਹਾਸਲ ਕੀਤਾ।
ਉਨ੍ਹਾਂ ਕਿਹਾ ਕਿ ਦੂਸਰੇ ਦਿਨ 2 ਸਤੰਬਰ ਦਿਨ ਅੈਤਵਾਰ ਨੂੰ 60 ਸਾਲਾ ਬਜੁਰਗਾਂ ਦੀਆਂ ਦੌੜਾਂ ਤੋਂ ਇਲਾਵਾ ਤੋਂ ਲੜਕਿਆਂ ਦੀ 100 ਅਤੇ 1500 ਮੀਟਰ ਦੌੜ, ਡਿਸਕਸ ਥ੍ਰੋਅ, ਉਚੀ ਛਾਲ, ਲੰਮੀ ਛਾਲ ਅਤੇ 65 ਕਿਲੋ ਸਰਕਲ ਕਬੱਡੀ ਅਤੇ ਕਬੱਡੀ ਸਰਕਲ ਸਟਾਇਲ ਆਲ ਓਪਨ ਦੇ ਮੁਕਾਬਲੇ ਹੋਣਗੇ। ਇਸੇ ਦਿਨ ਪੰਜਾਬ ਦੀਆਂ ਪ੍ਰਸਿੱਧ ਕਬੱਡੀ ਅਕੈਡਮੀਆਂ ਦੇ ਮੁਕਾਬਲੇ ਵੀ ਕਰਵਾਏ ਜਾਣਗੇ।
ਇਨ•ਾਂ ਮੁਕਾਬਲਿਆਂ ਵਿਚੋਂ ਜਿੱਤਣ ਵਾਲੀ ਟੀਮ ਨੂੰ 51 ਹਜ਼ਾਰ ਨਗਦ ਇਨਾਮ ਦੇ ਕੇ ਸਨਮਾਨਿਤ ਕੀਤਾ ਜਾਵੇਗਾ। ਇਸਤੋਂ ਇਲਾਵਾ ਮੁਕਾਬਲਿਆਂ ਵਿਚ ਬੈਸਟ ਰੇਡਰ ਅਤੇ ਜਾਫੀ ਨੂੰ ਰਵਿੰਦਰ ਬਿੱਟੂ ਅਤੇ ਗੁਰਪਾਲ ਸਿੰਘ ਪਾਲਾ ਵਲੋਂ ਇਕ ਇਕ ਮੋਟਰਸਾਇਕਲ ਅਤੇ ਪ੍ਰੀਤੀ ਜਵੈਲਰ ਮੁੱਲਾਂਪੁਰ ਵਲੋਂ ਇਕ ਇਕ ਸੋਨੇ ਦੀ ਮੁੰਦੀ ਇਨਾਮ ਦੇ ਕੇ ਸਨਮਾਨਿਤ ਕੀਤਾ ਜਾਵੇਗਾ। ਇਸ ਮੌਕੇ ਮੁੱਖ ਸਕੱਤਰ ਜਸਬੀਰ ਸਿੰਘ, ਸਕੱਤਰ ਹਰਵਿੰਦਰ ਸਿੰਘ ਗੋਲੂ, ਮੀਤ ਕੈਸ਼ੀਅਰ ਗੁਰਪਾਲ ਸਿੰਘ ਪਾਲਾ ਅਤੇ ਪ੍ਰੈਸ ਸਕੱਤਰ ਅਮਰਜੀਤ ਰਤਨ ਅਤੇ ਵਿਸ਼ਾਲ ਸ਼ੰਕਰ ਵੀ ਮੌਜੂਦ ਸਨ।