ਪਟਿਆਲਾ ਦੇ ਜੰਪਲ ਅਤੇ 22 ਸਾਲ ਦੀ ਉਮਰ ’ਚ ਆਈ.ਏ.ਐੱਸ. ਟਾਪਰ ਬਣਨ ਵਾਲੇ ਅੰਕੁਰ ਗਰਗ ਨੇ ਇੱਕ ਵਾਰ ਫੇਰ ਵੱਡਾ ਮਾਰਕਾ ਮਾਰਿਆ ਹੈ...
ਚੰਡੀਗੜ੍ਹ (ਸ.ਸ.ਸ) : ਪਟਿਆਲਾ ਦੇ ਜੰਪਲ ਅਤੇ 22 ਸਾਲ ਦੀ ਉਮਰ ’ਚ ਆਈ.ਏ.ਐੱਸ. ਟਾਪਰ ਬਣਨ ਵਾਲੇ ਅੰਕੁਰ ਗਰਗ ਨੇ ਇੱਕ ਵਾਰ ਫੇਰ ਵੱਡਾ ਮਾਰਕਾ ਮਾਰਿਆ ਹੈ। ਅੰਕੁਰ ਨੂੰ ਦੁਨੀਆ ਭਰ ਦੀਆਂ ਨਾਮਵਰ ਯੂਨੀਵਰਸਿਟੀਆਂ ’ਚ ਸ਼ੁਮਾਰ ਹਾਰਵਰਡ ਯੂਨੀਵਰਸਿਟੀ ’ਚ ਵੱਡਾ ਮਾਣ ਮਿਲਿਆ। ਅੰਕੁਰ ਇੱਥੇ ਮੈਕਰੋ-ਇਕਨੋਮਿਕਸ ਦੀ ਮਾਸਟਰ ਡਿਗਰੀ ਕਰ ਰਿਹੈ ਅਤੇ ਉਸਨੂੰ ਅੰਤਰਰਾਸ਼ਟਰੀ ਮੈਕਰੋ ਇਕਨੋਮਿਸਟ ਜੈਫਰੀ ਫਰੈਂਕਲ ਨੇ 170 ’ਚੋਂ 171 ਨੰਬਰ ਦਿੱਤੇ ਨਟ। ਇਸ ਖੁਸ਼ੀ ਨੂੰ ਅੰਕੁਰ ਗਰਗ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ’ਤੇ ਸ਼ੇਅਰ ਕੀਤਾ ਹੈ।
ਇੱਥੇ ਉਹਨਾਂ ਆਪਣੀ ਕਾਮਯਾਬੀ ਲਈ ਆਪਣੇ ਪਿਤਾ ਦੀ ਇੱਕ ਉਦਾਹਰਨ ਸਾਂਝੀ ਕੀਤੀ ਕਿ ਉਹਨਾਂ ਦੇ ਪਿਤਾ ਅਕਸਰ ਕਹਿੰਦੇ ਸੀ ਕਿ 10 ਵਿੱਚੋਂ 10 ਨੰਬਰ ਲਿਆਉਣੇ ਕਾਫੀ ਨਹੀਂ ਹਮੇਸ਼ਾਂ 10 ਵਿੱਚੋਂ 11 ਨੰਬਰ ਲਿਆਉਣ ਦੀ ਕੋਸ਼ਿਸ਼ ਕਰਨੀ ਚਾਹੀਦੀ ਹੈ ਅਤੇ ਇਹੀ ਕੋਸ਼ਿਸ਼ ਸਦਕਾ ਉਸਨੂੰ ਇਹ ਮਾਣ ਮਿਲਿਆ ਹੈ। ਅੰਕੁਰ ਦਾ ਹਾਰਵਰਡ ਯੂਨੀਵਰਸਿਟੀ ’ਚ ਇਹ ਪ੍ਰੋਗਰਾਮ ਇੰਟਰਨੈਸ਼ਨਲ ਡਿਵੈਲਪਮੈਂਟ ਪ੍ਰੋਗਰਾਮ ਦਾ ਹਿੱਸਾ ਹਨ। ਅੰਕੁਰ ਗਰਗ ਸ਼ੁਰੂ ਤੋਂ ਹੀ ਪੜਾਈ ’ਚ ਕਾਫੀ ਤੇਜ਼ ਹਨ। ਬਚਪਨ ਤੋਂ ਹੀ ਉਹ ਅਤੇ ਉਹਨਾਂ ਦੀ ਭੈਣ ਨੇਹਾ ਗਰਗ ਸਕਾਲਰਸ਼ਿਪ ਹਾਸਲ ਕਰਨ ’ਚ ਸਫ਼ਲ ਰਹੇ ਹਨ।
ਅੰਕੁਰ 22 ਸਾਲ ਦੀ ਉਮਰ ’ਚ ਆਈ.ਏ.ਐੱਸ. ਟੈਸਟ ’ਚ ਟਾਪ ਕਰਕੇ ਸੁਰਖੀਆਂ ’ਚ ਰਹਿ ਚੁੱਕੇ ਹਨ। ਦਿੱਲੀ ਦੇ ਆਈ.ਆਈ.ਟੀ. ਤੋਂ ਡਿਗਰੀ ਹੋਲਡਰ ਹਨ। ਉਹਨਾਂ ਨੂੰ ਮਰਹੂਮ ਸਾਬਕਾ ਰਾਸ਼ਟਰਪਤੀ ਏ.ਪੀ.ਜੇ ਅਬਦੁੱਲ ਕਲਾਮ ਵੱਲੋਂ ਵੀ ਸਨਮਾਨਿਤ ਕੀਤਾ ਜਾ ਚੁੱਕਿਆ ਹੈ। ਚੰਡੀਗੜ੍ਹ, ਅਰੁਣਾਚਲ ਪ੍ਰਦੇਸ਼ ਅਤੇ ਦਿੱਲੀ ’ਚ ਵੱਖ-ਵੱਖ ਸੀਨੀਅਰ ਅਹੁਦਿਆਂ ’ਤੇ ਰਹਿਣ ਦੌਰਾਨ ਉਹਨਾਂ ਨੂੰ ਆਪਣੇ ਵਧੀਆ ਪ੍ਰਦਰਸ਼ਨ ਵਜੋਂ ਜਾਣਿਆ ਜਾਂਦਾ ਰਿਹੈ। ਅੰਕੁਰ ਦੀ ਪਤਨੀ ਸਵਾਤੀ ਸ਼ਰਮਾ ਵੀ ਆਈ.ਏ.ਐੱਸ. ਅਫ਼ਸਰ ਨੇ। ਅੰਕੁਰ ਆਪਣੀ ਇਸ ਕਾਮਯਾਬੀ ਨੂੰ ਆਪਣੇ ਪਿਤਾ ਨੂੰ ਸਮਰਪਣ ਕਰਦੇ ਹਨ।