ਬਟਾਲਾ: “ਨਿਕਲ ਗਿਆ ਵਿਵਾਦ ਦਾ ਸਭ ਤੋਂ ਵੱਡਾ ਹੱਲ” ਜੀ ਹਾਂ ਇਹ ਕਹਿਣਾ ਹੈ ਨਵਤੇਜ ਗੁੱਗੂ ਦਾ ਜਿਹਨਾਂ ਦੇ ਵੱਲੋਂ ਇਕ ਵੀਡੀਓ ਸ਼ੇਅਰ ਕਰ ਕੇ ਦਸਿਆ ਗਿਆ ਹੈ ਕਿ ਜੇ ਕਿਸੇ ਸਮਾਜ ਸੇਵਾ ਸੰਸਥਾ ਕੋਲ ਕੋਈ ਬਿਮਾਰ ਮਰੀਜ਼ ਆਉਂਦਾ ਹੈ ਤਾਂ ਉਸ ਨੂੰ ਸਿੱਧਾ ਬਟਾਲਾ ਦੇ ਨਵਤੇਜ ਹਿਊਮੈਨਿਟੀ ਹਸਪਤਾਲ ਵਿਚ ਭਰਤੀ ਕਰਵਾਇਆ ਜਾ ਸਕਦਾ ਹੈ।

Navtej Singh Guggu

ਜਿਸ ਨਾਲ ਪ੍ਰਾਈਵੇਟ ਹਸਪਤਾਲਾਂ ਵਿਚ ਲੱਖਾਂ ਰੁਪਏ ਖਰਚ ਕਰਨ ਦੀ ਥਾਂ ਤੇ ਮੁਫ਼ਤ ਵਿਚ ਇਲਾਜ ਵੀ ਹੋ ਜਾਵੇਗਾ ਅਤੇ ਐਨਆਰਆਈ ਵੀਰਾਂ ਦਾ ਪੈਸਾ ਵੀ ਸਹੀ ਥਾਂ ਤੇ ਲੱਗੇਗਾ। ਉਹਨਾਂ ਅੱਗੇ ਕਿਹਾ ਕਿ ਇਸ ਸਮੇਂ ਸਮਾਜ ਸੇਵੀਆਂ ਤੇ ਵੀ ਉਂਗਲ ਉਠ ਰਹੀ ਹੈ ਤੇ ਐਨਆਰਆਈ ਵੀ ਮਜ਼ਾਕ ਦਾ ਪਾਤਰ ਬਣੇ ਹੋਏ ਹਨ।

Navtej Singh Guggu

ਉਹਨਾਂ ਨੇ ਐਨਆਰਆਈਜ਼ ਨੂੰ ਵੀ ਬੇਨਤੀ ਕੀਤੀ ਹੈ ਕਿ ਜਦੋਂ ਵੀ ਉਹ ਕਿਸੇ ਦੀ ਮਦਦ ਲਈ ਪੈਸੇ ਭੇਜਦੇ ਹਨ ਤਾਂ ਉਸ ਤੋਂ ਪਹਿਲਾਂ ਉਹ ਉਹਨਾਂ ਦੀ ਪੂਰੀ ਜਾਂਚ ਕਰ ਲੈਣ, ਕੀ ਉਸ ਨੂੰ ਸੱਚਮੁੱਚ ਹੀ ਪੈਸੇ ਦੀ ਲੋੜ ਹੈ ਜਾਂ ਨਹੀਂ। ਜੇ ਉਹਨਾਂ ਕੋਲ ਕੋਈ ਵੀਡੀਓ ਆਉਂਦੀ ਹੈ ਤਾਂ ਉਹ ਉਹਨਾਂ ਨਾਲ ਸੰਪਰਕ ਕਰਨ ਤੇ ਉਹਨਾਂ ਨੂੰ ਪੈਸੇ ਭੇਜਣ ਤਾਂ ਜੋ ਇਹ ਪੈਸਾ ਲੋਕਾਂ ਦੀ ਸੇਵਾ ਲਈ ਵਰਤਿਆ ਜਾ ਸਕੇ।

Navtej Singh Guggu

ਜ਼ਿਕਰਯੋਗ ਹੈ ਕਿ ਪਿਛਲੇ ਦਿਨੀ ਨਵਤੇਜ ਹਿਊਮੈਨਿਟੀ ਹਸਪਤਾਲ ਤੇ ਪ੍ਰਸ਼ਾਸਨ ਵੱਲੋਂ ਬਹੁਤ ਤਸ਼ੱਦਦ ਢਾਹੀ ਗਈ ਸੀ। ਕਿਸੇ ਭਗੌੜੇ ਮਰੀਜ਼ ਦੇ ਹਸਪਤਾਲ ਨਾ ਮਿਲਣ ਤੋਂ ਲੈ ਕੇ ਇਹ ਸਾਰਾ ਵਿਵਾਦ ਸ਼ੁਰੂ ਹੋਇਆ ਸੀ ਤੇ ਨਵਤੇਜ ਤੇ ਉਹਨਾਂ ਦੇ ਹੋਰ ਹਸਪਤਾਲ ਮੈਂਬਰਾਂ ਤੇ ਪਰਚੇ ਵੀ ਦਰਜ ਕੀਤੇ ਗਏ ਸਨ। ਇਸ ਦੇ ਚਲਦੇ ਨਵਤੇਜ ਗੁੱਗੂ ਨੂੰ ਜੇਲ੍ਹ ਵਿਚ ਜਾਣਾ ਪਿਆ ਸੀ ਤੇ ਇਸ ਹਸਪਤਾਲ ਨੂੰ ਪੂਰੀ ਤਰ੍ਹਾਂ ਸੀਲ ਕਰ ਦਿੱਤਾ ਗਿਆ ਸੀ।

Navtej Singh Guggu

ਪਰ ਸੰਗਤਾਂ ਨੇ ਮਿਲ ਕੇ ਨਵਤੇਜ ਦੇ ਹੱਕ ਵਿਚ ਹਾਅ ਦਾ ਨਾਅਰਾ ਮਾਰਿਆ ਤੇ ਨਵਤੇਜ ਗੁੱਗੂ ਨੂੰ ਜੇਲ੍ਹ ਵਿਚੋਂ ਛਡਵਾਇਆ ਤੇ ਇਸ ਹਸਪਤਾਲ ਨੂੰ ਦੁਬਾਰਾ ਤੋਂ ਚਾਲੂ ਕਰਵਾਇਆ। ਉਸ ਸਮੇਂ ਮਰੀਜ਼ਾਂ ਨਾਲ ਬਹੁਤ ਬੁਰਾ ਸਲੂਕ ਕੀਤਾ ਗਿਆ ਸੀ ਕਿਉਂ ਕਿ ਹਸਪਤਾਲ ਬੰਦ ਕਰਨ ਦੀ ਆੜ ਵਿਚ ਕਈ ਬੇਕਸੂਰਾਂ ਨੂੰ ਇਸ ਘਟਨਾ ਦਾ ਪਾਤਰ ਬਣਨਾ ਪਿਆ। ਬਹੁਤ ਸਾਰੇ ਮਰੀਜ਼ਾਂ ਨੂੰ ਸਰਕਾਰੀ ਹਸਪਤਾਲਾਂ ਵਿਚ ਭਰਤੀ ਕਰਵਾਇਆ ਗਿਆ ਤੇ ਉਹਨਾਂ ਵਿਚੋਂ 2 ਦੀ ਮੌਤ ਵੀ ਹੋ ਗਈ ਸੀ।  

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ  ਲਾਈਕ Twitter  ਤੇ follow ਕਰੋ।