ਪਰਵਿੰਦਰ ਸਿੰਘ ਆਰਟਿਸਟ ਕਰੀਬ 20 ਸਾਲਾਂ ਤੋਂ ਸਿੰਘ ਸ਼ਹੀਦਾਂ ਦੇ ਮਾਡਲ ਬਣਾਉਂਦਾ ਆ ਰਿਹਾ ਹੈ ਪਰ ਅੱਜ ਤਕ ਕਿਸੇ ਵੀ ਸਰਕਾਰ ਨੇ ਪਰਵਿੰਦਰ ਸਿੰਘ ਦੀ ਬਾਂਹ ਨਹੀਂ ਫੜੀ।
ਐਸ.ਏ.ਐਸ.ਨਗਰ: ਪਰਵਿੰਦਰ ਸਿੰਘ ਆਰਟਿਸਟ ਕਰੀਬ 20 ਸਾਲਾਂ ਤੋਂ ਸਿੰਘ ਸ਼ਹੀਦਾਂ ਦੇ ਮਾਡਲ ਬਣਾਉਂਦਾ ਆ ਰਿਹਾ ਹੈ ਪਰ ਅੱਜ ਤਕ ਕਿਸੇ ਵੀ ਸਰਕਾਰ ਨੇ ਪਰਵਿੰਦਰ ਸਿੰਘ ਦੀ ਬਾਂਹ ਨਹੀਂ ਫੜੀ।
Photo
ਪਰਵਿੰਦਰ ਸਿੰਘ ਆਰਟਿਸਟ ਨੇ ਦਸਿਆ ਕਿ ਮੈਂ ਆਉਣ ਵਾਲੀ ਨਵੀਂ ਪੀੜ੍ਹੀ ਨੂੰ ਕੁਰਬਾਨੀਆਂ ਭਰੇ ਗੋਰਵਮਈ ਸਿੱਖ ਇਤਿਹਾਸ ਦੀ ਜਾਣਕਾਰੀ ਦੇਣ ਲਈ ਸਿੱਖ ਅਜਾਇਬ ਘਰ ਬਣਾਉਣਾ ਚਾਹੁੰਦਾ ਹਾਂ ਜਿਸ ਵਿਚ ਆ ਕੇ ਬੱਚੇ ਕੁਰਬਾਨੀਆਂ ਭਰੇ ਗੌਰਵਮਈ ਸਿੱਖ ਇਤਿਹਾਸ ਦੇ ਫ੍ਰੀ ਦਰਸ਼ਨ ਕਰ ਸਕਣ।
Photo
ਪਰ ਬਹੁਤ ਅਪੀਲਾਂ ਕਰਨ ਦੇ ਬਾਵਜੂਦ ਪੰਜਾਬ ਦੀਆਂ ਸਰਕਾਰਾਂ ਨੇ ਕੋਈ ਪੱਲਾ ਨਹੀਂ ਫੜਿਆ। ਸਮੇਂ ਸਮੇਂ 'ਤੇ ਅਕਾਲੀ ਦਲ-ਭਾਰਤੀ ਜਨਤਾ ਪਾਰਟੀ ਦੇ ਨੁਮਾਇੰਦੇ ਵੀ ਸਿੱਖ ਅਜਾਇਬ ਘਰ ਵਿਚ ਆਉਂਦੇ ਰਹੇ ਅਤੇ ਹੁਣ ਕਾਂਗਰਸ ਸਰਕਾਰ ਦੇ ਮੰਤਰੀ ਵੀ ਆ ਚੁੱਕੇ ਹਨ।
Photo
ਜ਼ਮੀਨ ਪੱਕੀ ਕਰਨ ਦਾ ਵਾਅਦਾ ਅਤੇ ਮਾਲੀ ਮਦਦ ਦੇਣ ਦਾ ਵੀ ਭਰੋਸਾ ਦਿਤਾ ਪਰ ਅਜੇ ਤੱਕ ਕੋਈ ਵੀ ਵਾਅਦਾ ਪੁਰਾ ਨਹੀਂ ਕੀਤਾ। ਪ੍ਰਿੰਟ ਮੀਡੀਆ ਅਤੇ ਟੀਵੀ ਚੈਨਲਾਂ ਨੇ ਵੀ ਸਿੱਖ ਅਜਾਇਬ ਘਰ ਦਾ ਕਾਫੀ ਪ੍ਰਚਾਰ ਕੀਤਾ ਪਰ ਪੰਜਾਬ ਸਰਕਾਰ ਦੇ ਕੰਨਾਂ 'ਤੇ ਜੂੰ ਤੱਕ ਨਹੀਂ ਸਰਕੀ।
Photo
ਪਰਵਿੰਦਰ ਸਿੰਘ ਨੇ ਪੱਤਰਕਾਰਾਂ ਨੂੰ ਭਰੇ ਮੰਨ ਨਾਲ ਦਸਿਆ ਕਿ ਮੈਂ ਹੁਣ ਕੀ ਕਰਾਂ, ਨਾ ਪੰਜਾਬ ਸਰਕਾਰ ਕੋਈ ਮਦਦ ਕਰਦੀ ਹੈ ਨਾ ਹੀ ਕੋਈ ਗੁਰਦਵਾਰਾ ਪ੍ਰਬੰਧ ਕਮੇਟੀ, ਨਾ ਕੋਈ ਧਾਰਮਕ ਜਥੇਬੰਦੀਆਂ। ਸਿੱਖ ਸੰਗਤਾਂ ਸਿੱਖ ਅਜਾਇਬ ਘਰ ਵਿਚ ਬਹੁਤ ਘੱਟ ਆ ਰਹੀਆਂ ਹਨ। ਇਕ ਵਾਰ ਹੋਰ ਪੰਜਾਬ ਸਰਕਾਰ ਨੂੰ ਅਪੀਲ ਕਰਦਾ ਹਾਂ ਸਿੱਖ ਅਜਾਇਬ ਘਰ ਨੂੰ ਪੱਕੇ ਤੌਰ 'ਤੇ ਜ਼ਮੀਨ ਅਲਾਟ ਕਰੇ ਤਾਂ ਜੋ ਅਸੀ ਸਿੱਖ ਅਜਾਇਬ ਘਰ ਦੀ ਵਿਲਡਿੰਗ ਦੀ ਸੇਵਾ ਅਰੰਭ ਕਰ ਸਕੀਏ।
