ਹੱਥੀ ਕਿਰਤ ਕਰਕੇ ਨੌਜਵਾਨ ਬਣਿਆ ਬਾਕੀਆਂ ਲਈ ਪ੍ਰੇਰਣਾ
ਲੁਧਿਆਣਾ (ਧਰਮਿੰਦਰ ਸਿੰਘ) ਸਾਡੀ ਨੌਜਵਾਨ ਪੀੜ੍ਹੀ ਜਿੱਥੇ ਵਿਦੇਸ਼ ਜਾਣ ਲਈ ਪੱਬਾਂ ਭਾਰ ਰਹਿੰਦੀ ਹੈ ਉੱਥੇ ਹੀ ਸਾਡੇ ਅਜਿਹੇ ਨੌਜਵਾਨ ਵੀ ਹਨ ਜੋ ਲੱਖਾਂ ਰੁਪਏ ਦੀ ਨੌਕਰੀ ਛੱਡ ਕੇ ਇਸੇ ਧਰਤੀ ਤੇ ਆਪਣੀ ਹੱਥੀਂ ਕਿਰਤ ਕਰ ਰਹੇ ਹਨ ਅਤੇ ਦੂਜਿਆਂ ਲਈ ਮਿਸਾਲ ਬਣੇ ਹੋਏ ਹਨ।
Vikramjit Singh
ਸਮਰਾਲਾ ਵਿਖੇ ਇੱਕ ਨੌਜਵਾਨ ਆਰਗੈਨਿਕ ਖੇਤੀ (organic farming) ਕਰਕੇ ਲੱਖਾਂ ਰੁਪਏ ਦੀ ਕਮਾਈ ਕਰ ਰਿਹਾ ਹੈ। ਇਸ ਨੌਜਵਾਨ ਦੀ ਮਿਹਨਤ ਨੂੰ ਸਲਾਮ ਕਰਨਾ ਹੋਵੇਗਾ ਕਿ ਇਸਨੇ 1 ਕਨਾਲ ਦੀ ਖੇਤੀ ਤੋਂ ਕੰਮ ਸ਼ੁਰੂ ਕੀਤਾ ਸੀ ਜੋਕਿ ਹੁਣ 36 ਏਕੜ ਤੱਕ ਪਹੁੰਚ ਗਿਆ ਹੈ।
Vikramjit Singh
ਸਮਰਾਲਾ ਦੇ ਰਹਿਂਣ ਵਾਲੇ ਵਿਕਰਮਜੀਤ ਸਿੰਘ ਇੱਕ ਨਿੱਜੀ ਬੀਮਾ ਕੰਪਨੀ ਚ 8 ਲੱਖ ਰੁਪਏ ਪੈਕਜ ਤੇ ਨੌਕਰੀ ਕਰਦੇ ਸਨ। ਛੇ ਸਾਲ ਪਹਿਲਾਂ ਵਿਕਰਮਜੀਤ ਸਿੰਘ ਨੇ ਦੇਖਿਆ ਕਿ ਪੰਜਾਬ ਦੇ ਕਿਸਾਨ ਕਣਕ ਤੇ ਜੀਰੀ ਦੇ ਫਸਲੀ ਚੱਕਰ ਚੋਂ ਹੀ ਨਹੀਂ ਨਿਕਲ ਰਹੇ ਹਨ।
Vikramjit Singh
ਕਿਸਾਨਾਂ ਲਈ ਮਿਸਾਲ ਬਣਨ ਖਾਤਰ ਵਿਕਰਮਜੀਤ ਨੇ ਨੌਕਰੀ ਛੱਡ ਦਿੱਤੀ ਅਤੇ ਆਪਣੀ 1 ਕਨਾਲ ਜਮੀਨ ‘ਚ ਆਰਗੈਨਿਕ ਖੇਤੀ (organic farming) ਸ਼ੁਰੂ ਕੀਤੀ। ਜਿਸਦਾ ਫਾਇਦਾ ਦੇਖ ਕੇ ਆਪਣੀ 2 ਏਕੜ ਜਮੀਨ ਦੇ ਨਾਲ ਨਾਲ 34 ਏਕੜ ਜਮੀਨ ਠੇਕੇ ਤੇ ਲੈ ਕੇ ਹੁਣ 36 ਏਕੜ ਚ ਇਹ ਕਿਸਾਨ ਆਰਗੈਨਿਕ ਖੇਤੀ (organic farming) ਕਰ ਰਿਹਾ ਹੈ। ਦਿਲਚਸਪ ਗੱਲ ਇਹ ਹੈ ਕਿ ਇਸ ਕਿਸਾਨ ਨੇ ਕਦੇ ਕਣਕ ਜਾਂ ਜੀਰੀ ਨਹੀਂ ਲਾਈ।
ਇਹ ਵੀ ਪੜ੍ਹੋ: ਦੁਖ਼ਦਾਈ ਖ਼ਬਰ: ਟਿਕਰੀ ਬਾਰਡਰ ’ਤੇ ਡਟੇ ਕਿਸਾਨ ਦੀ ਮੌਤ
Vikramjit Singh
ਉਥੇ ਹੀ ਵਿਕਰਮਜੀਤ ਸਿੰਘ ਨੇ ਲੋਕਾਂ ਨੂੰ ਆਰਗੈਨਿਕ ਖੇਤੀ (organic farming) ਤੇ ਫਲ ਦੇਣ ਲਈ ਪਿੰਡ ਅੰਦਰ ਰਿਟੇਲ ਕਾਉਂਟਰ ਖੋਲਿਆ ਹੋਇਆ ਹੈ। ਕੁਝ ਹੀ ਦਿਨਾਂ ਚ ਸਮਰਾਲਾ ਵਿਖੇ ਕਾਉਂਟਰ ਖੋਲਿਆ ਜਾਵੇਗਾ ਅਤੇ ਇੱਕ ਸਾਲ ਅੰਦਰ ਪੰਜਾਬ ਦੇ ਹਰ ਸ਼ਹਿਰ ਅੰਦਰ ਕਾਉਂਟਰ ਹੋਵੇਗਾ।
Vikramjit Singh
ਵਿਕਰਮ ਨੇ ਵਿਦੇਸ਼ ਜਾਣ ਦੀ ਇੱਛਾ ਰੱਖਣ ਵਾਲੇ ਨੌਜਵਾਨਾਂ ਨੂੰ ਅਪੀਲ ਕੀਤੀ ਕਿ ਇੱਥੇ ਹੀ ਆਰਗੈਨਿਕ ਖੇਤੀ (organic farming) ਵਰਗੇ ਧੰਦੇ ਕਰਕੇ ਆਪਣੀ ਤੇ ਲੋਕਾਂ ਦੀ ਸਿਹਤ ਬਚਾਉਣ ਦੇ ਨਾਲ ਨਾਲ ਸੂਬੇ ਨੂੰ ਖੁਸ਼ਹਾਲ ਬਣਾਇਆ ਜਾਵੇ।
Vikramjit Singh
ਇਹ ਵੀ ਪੜ੍ਹੋ: ਹੱਥ ਵਿੱਚ ਸ੍ਰੀ ਗੁਟਕਾ ਸਾਹਿਬ ਪਕੜ ਕੇ ਪੰਜਾਬ 'ਚ ਨੌਜਵਾਨਾਂ ਨਾਲ ਕੀਤੇ ਵਾਅਦਿਆਂ ਤੋਂ ਮੁੱਕਰੇ ਕੈਪਟਨ
