ਉਸ ਨੇ ਆਪਣੇ ਪਿਤਾ ਦੇ ਖਾਤੇ ਵਿਚੋਂ PUBG ਵਿਚ ਵਰਚੁਅਲ ਅਸਲਾ...
ਚੰਡੀਗੜ੍ਹ: PUBG ਗੇਮ ਦਾ ਨਸ਼ਾ ਵੀ ਤੁਹਾਨੂੰ ਅਮਲੀ ਬਣਾ ਸਕਦਾ ਹੈ। ਇਹ ਲੋਕਾਂ ਨੂੰ ਘੰਟਿਆਂ ਮੋਬਾਈਲ ਸਕਰੀਨ ਨਾਲ ਚਿਪਕੇ ਰਹਿਣ ਲਈ ਮਜ਼ਬੂਰ ਕਰ ਦਿੰਦਾ ਹੈ। ਪਰ ਪੰਜਾਬ ਦੇ ਖਰੜ ਦਾ ਇਕ ਨੌਜਵਾਨ ਇਸ ਗੇਮ ਦੀ ਦੀਵਾਨਗੀ ਦੀ ਸਾਰੀਆਂ ਹੱਦਾਂ ਪਾਰ ਕਰ ਗਿਆ।
PUBG
ਉਸ ਨੇ ਆਪਣੇ ਪਿਤਾ ਦੇ ਖਾਤੇ ਵਿਚੋਂ PUBG ਵਿਚ ਵਰਚੁਅਲ ਅਸਲਾ ਬਾਰੂਦ ਜਿਵੇਂ ਕਿ ਬੰਦੂਖਾਂ ਅਤੇ ਹੋਰ ਚੀਜਾਂ ਖਰੀਦਣ ਲਈ 16 ਲੱਖ ਰੁਪਏ ਖਰਚ ਕਰ ਦਿੱਤੇ। 17 ਸਾਲਾਂ ਦਾ ਬੱਚਾ ਆਨਲਾਈਨ ਕਲਾਸਾਂ ਦੇ ਬਹਾਨੇ ਆਪਣੇ ਪਿਤਾ ਦਾ ਮੋਬਾਈਲ ਫੋਨ ਲੈ ਕੇ ਜਾਂਦਾ ਸੀ ਪਰ ਆਪਣੇ ਅਤੇ ਦੋਸਤਾਂ ਲਈ ਐਪ-ਖਰੀਦਾਰੀ ਕਰਨ ਲਈ ਆਪਣੇ ਪਿਤਾ ਦੇ ਬੈਂਕ ਖਾਤਿਆਂ ਨੂੰ ਇਸਤਮਾਲ ਕਰਦਾ ਸੀ।
PUBG
ਬੈਂਕ ਵੱਲੋਂ ਖਾਤੇ ਦੀ ਸਟੇਟਮੈਂਟ ਮਿਲਣ ਤੋਂ ਬਾਅਦ ਹੀ ਉਸਦੇ ਮਾਪਿਆਂ ਨੂੰ ਇਸ ਬਾਰੇ ਪਤਾ ਲੱਗ ਗਿਆ। ਉਸ ਦੇ ਪਿਤਾ, ਵੱਖਰੇ ਸ਼ਹਿਰ ਵਿੱਚ ਤਾਇਨਾਤ ਇੱਕ ਬੈਂਕ ਕਰਮਚਾਰੀ, ਆਪਣੇ ਇਲਾਜ ਲਈ ਪੈਸੇ ਦੀ ਬਚਤ ਕਰ ਰਹੇ ਸਨ. ਲਾਕ ਡਾਊਨ ਦੌਰਾਨ ਤਾਂ PUBG ਦਾ ਕ੍ਰੇਜ਼ ਕੁੱਝ ਜਿਆਦਾ ਹੀ ਰਿਹਾ ਕਿਉਂਕਿ ਸਮਾਂ ਬਿਤਾਉਣ ਲਈ ਨੋਜਵਾਨਾ ਨੂੰ ਇਸਤੋਂ ਵਧੀਆ ਰਾਹ ਨਹੀਂ ਲੱਭਦਾ।
Bank Account
ਰਿਪੋਰਟ ਵਿਚ ਅੱਗੇ ਦਾਅਵਾ ਕੀਤਾ ਗਿਆ ਹੈ ਕਿ ਮਾਪਿਆਂ ਨੇ ਸੋਚਿਆ ਕਿ 17 ਸਾਲਾ ਬੱਚਾ ਬਹੁਤ ਜ਼ਿਆਦਾ ਸਮਾਰਟਫੋਨ ਦੀ ਵਰਤੋਂ “ਆਨਲਾਈਨ ਅਧਿਐਨ ਲਈ” ਕਰ ਰਿਹਾ ਹੈ।
PUBG
ਇਸ ਘਟਨਾ ਤੋਂ ਬਾਅਦ, ਨੌਜਵਾਨ ਨੂੰ ਕਿਸੇ ਰਿਪੇਅਰ ਦੀ ਦੁਕਾਨ 'ਤੇ ਕੰਮ ਕਰਨ ਲਾ ਦਿੱਤਾ ਹੈ, ਤਾਂ ਜੋ PUBG ਮੋਬਾਈਲ 'ਤੇ ਜ਼ਿਆਦਾ ਸਮਾਂ ਗੁਜ਼ਾਰਨ ਤੋਂ ਬਚ ਸਕੇ। ਪਿਤਾ ਨੇ ਦੱਸਿਆ, "ਮੈਂ ਉਸਨੂੰ ਘਰ 'ਚ ਵਿਹਲੇ ਨਹੀਂ ਬਿਠਾ ਸਕਦਾ ਅਤੇ ਪੜ੍ਹਨ ਲਈ ਮੋਬਾਈਲ ਫੋਨ ਨਹੀਂ ਦੇ ਸਕਦਾ।"
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
