ਉਹਨਾਂ ਨੇ ਹੱਥ ਵਿਚ ਕਟੋਰੇ ਫੜ ਕੇ ਭੀਖ ਮੰਗੀ ਹੈ ਤੇ ਪ੍ਰਸ਼ਾਸਨ...
ਸੰਗਰੂਰ: ਪ੍ਰਸ਼ਾਸਨ ਅਤੇ ਸਰਕਾਰ ਤੋਂ ਪਰੇਸ਼ਾਨ ਹੋ ਕੇ ਹੁਣ ਜਿਮ ਮਾਲਕਾਂ ਨੇ ਅਪਣੇ ਹੱਥਾਂ ਵਿਚ ਕਟੋਰਾ ਚੁੱਕ ਲਿਆ ਹੈ ਤੇ ਭੀਖ ਮੰਗਣੀ ਸ਼ੁਰੂ ਕਰ ਦਿੱਤੀ ਹੈ। ਦਰਅਸਲ ਸਰਕਾਰ ਵੱਲੋਂ ਬੱਸਾਂ ਚਲਾ ਦਿੱਤੀਆਂ ਗਈਆਂ ਹਨ ਤੇ ਜਿਮ ਅਜੇ ਵੀ ਖੋਲ੍ਹੇ ਨਹੀਂ ਜਾ ਰਹੇ ਜਿਸ ਦੇ ਰੋਸ ਵਜੋਂ ਸ਼੍ਰੀ ਮੁਕਤਸਰ ਸਾਹਿਬ ਦੇ ਡਿਪਟੀ ਕਮਿਸ਼ਨਰ ਦਫ਼ਤਰ ਸਾਹਮਣੇ ਜਿਮ ਸੰਚਾਲਕਾਂ ਨੇ ਜਮ ਕੇ ਪ੍ਰਦਰਸ਼ਨ ਕੀਤਾ।
Gym Owner
ਉਹਨਾਂ ਨੇ ਹੱਥ ਵਿਚ ਕਟੋਰੇ ਫੜ ਕੇ ਭੀਖ ਮੰਗੀ ਹੈ ਤੇ ਪ੍ਰਸ਼ਾਸਨ ਅੱਗੇ ਜਿਮਾਂ ਦੀਆਂ ਚਾਬੀਆਂ ਵੀ ਪੇਸ਼ ਕਰ ਦਿੱਤੀਆਂ। ਉਹਨਾਂ ਕਿਹਾ ਕਿ ਕਿੰਨੇ ਹੀ ਮਹੀਨਿਆਂ ਤੋਂ ਸਾਡੇ ਘਰਾਂ ਦੇ ਹਾਲਾਤ ਬਦ ਤੋਂ ਬਦਤਰ ਬਣਦੇ ਜਾ ਰਹੇ ਹਨ ਇਸ ਲਈ ਸਾਨੂੰ ਹੁਣ ਭੀਖ ਹੀ ਦੇ ਦਿਓ।
Gym Owner
ਪੰਜਾਬ ਸਰਕਾਰ ਵੱਲੋਂ ਜਿਮ ਨਾ ਚਲਾਉਣ ਦੇਣ ਦੇ ਚਲਦਿਆਂ ਸ਼੍ਰੀ ਮੁਕਤਸਰ ਸਾਹਿਬ ਦੇ ਵੱਖ-ਵੱਖ ਜਿਮ ਸੰਚਾਲਕਾਂ ਨੇ ਸਰਕਾਰ ਦੇ ਵਿਰੁਧ ਨਾਅਰੇਬਾਜ਼ੀ ਕਰਨ ਤੋਂ ਬਾਅਦ ਅਪਣਾ ਮੰਗ ਪੱਤਰ ਸੌਂਪਿਆ। ਉਹਨਾਂ ਪ੍ਰਸ਼ਾਸਨ ਅੱਗੇ ਜਿਮ ਦੀਆਂ ਚਾਬੀਆਂ ਵੀ ਪੇਸ਼ ਕਰ ਦਿੱਤੀਆਂ ਹਨ ਤੇ ਕਿਹਾ ਕਿ ਹੁਣ ਸਰਕਾਰ ਹੀ ਇਹਨਾਂ ਜਿਮ ਦੀਆਂ ਚਾਬੀਆਂ ਸਾਂਭ ਲਵੇ।
Gym Owner
ਉਹਨਾਂ ਕਿਹਾ ਕਿ ਉਹ ਹੁਣ ਭੀਖ ਮੰਗਣ ਨੂੰ ਮਜ਼ਬੂਰ ਹੋ ਗਏ ਹਨ ਤੇ ਉਹਨਾਂ ਨੇ ਸਰਕਾਰ ਨੂੰ ਕਿਹਾ ਕਿ ਉਹ ਜਿਮ ਦੀਆਂ ਚਾਬੀਆਂ ਲੈ ਲੈਣ ਤੇ ਇਹਨਾਂ ਦੀ ਲਾਗਤ ਉਹਨਾਂ ਨੂੰ ਦਿੱਤੀ ਜਾਵੇ। ਫਿਰ ਬੇਸ਼ੱਕ ਉਹ ਜਿਮ ਸਾਲ ਲਈ ਬੰਦ ਕਰਵਾ ਦੇਣ ਉਹ ਹੋਰ ਕੋਈ ਰੁਜ਼ਗਾਰ ਕਰ ਲੈਣਗੇ। ਉਹਨਾਂ ਨੇ ਕੇਂਦਰ ਸਰਕਾਰ ਅਤੇ ਕੈਪਟਨ ਸਰਕਾਰ ਜਵਾਬ ਮੰਗਿਆ ਹੈ ਕਿ ਉਹ ਜਿਮ ਵਾਲਿਆਂ ਨਾਲ ਹੀ ਧੱਕਾ ਕਿਉਂ ਕਰ ਰਹੀ ਹੈ।
Gym Owner
ਉਹਨਾਂ ਦੇ ਜਿਮ 4 ਮਹੀਨਿਆਂ ਤੋਂ ਬੰਦ ਪਏ ਹਨ ਪਰ ਉਹਨਾਂ ਨੂੰ ਬਿਜਲੀ ਦੇ ਬਿਲ, ਈਐਮਆਈ, ਹੋਰ ਖਰਚੇ ਪਈ ਜਾਂਦੇ ਹਨ। ਬੱਸ ਵਿਚ 70 ਸਵਾਰੀਆਂ ਹੁੰਦੀਆਂ ਹਨ ਤੇ ਕੀ ਉਹਨਾਂ ਨੂੰ ਕੋਰੋਨਾ ਨਹੀਂ ਹੁੰਦਾ? ਫਿਲਹਾਲ ਜਿਮ ਮਾਲਕਾਂ ਨੇ ਅਪਣਾ ਮੰਗ ਪੱਤਰ ਪ੍ਰਸ਼ਾਸਨ ਨੂੰ ਸੌਂਪ ਦਿੱਤਾ ਹੈ ਪਰ ਜਿਮ ਮਾਲਕਾਂ ਦਾ ਇਹ ਪ੍ਰਦਰਸ਼ਨ ਦੇਖ ਕੇ ਹਰ ਕੋਈ ਹੈਰਾਨ ਰਹਿ ਗਿਆ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
