ਪੰਜਾਬ ਦੀਆਂ ਸ਼ੇਰਨੀਆਂ ਨੇ ਕਬੱਡੀ ਨਾਲ ਹਿਲਾਈ ਦਿੱਲੀ...
ਨਵੀਂ ਦਿੱਲੀ: ਇਕ ਪਾਸੇ ਤਿੰਨ ਖੇਤੀ ਕਾਨੂੰਨਾਂ ਨੂੰ ਰੱਦ ਕਰਨ ਅਤੇ ਐਮਐਸਪੀ ਨੂੰ ਕਾਨੂੰਨੀ ਰੁਤਬਾ ਦਿਵਾਉਣ ਲਈ ਦਿੱਲੀ ਦਾਂ ਸਰਹੱਦਾਂ ਉਤੇ ਡਟੇ ਕਿਸਾਨਾਂ ਦੇ ਹੌਸਲੇ ਬੁਲੰਦ ਹਨ। ਦੂਜੇ ਪਾਸੇ ਕਿਸਾਨਾਂ ਦੇ ਮਨੋਰੰਜਨ ਲਈ ਕਿਸਾਨ ਮੋਰਚੇ ‘ਚ ਕਬੱਡੀ ਦੇ ਮੈਚ ਵੀ ਕਰਵਾਏ ਜਾ ਰਹੇ ਹਨ।
ਇੱਥੇ ਲੜਕੀਆਂ ਦੇ ਕਬੱਡੀ ਮੈਚ ਦੀਆਂ ਵੱਖ-ਵੱਖ ਥਾਵਾਂ ਤੋਂ ਟੀਮਾਂ ਆਈਆਂ ਹੋਈਆਂ ਹਨ, ਜਿਵੇਂ ਕਿ ਰਾਜਕਸਥਾਨ, ਪੰਜਾਬ, ਹਰਿਆਣਾ ਹੋਰ ਕਈ ਥਾਵਾਂ ਤੋਂ ਟੀਮਾਂ ਕਿਸਾਨੀ ਮੋਰਚੇ ‘ਚ ਕਿਸਾਨਾਂ ਦਾ ਮਨੋਰੰਜਨ ਅਤੇ ਹੌਸਲਾ ਵਧਾਉਣ ਲਈ ਪਹੁੰਚੀਆਂ ਹੋਈਆਂ ਹਨ। ਪੰਜਾਬ ਦੇ ਮੋਗਾ ਜ਼ਿਲ੍ਹੇ ਤੋਂ ਵੀ ਕੁੜੀਆਂ ਦੀ ਕਬੱਡੀ ਟੀਮ ਕਿਸਾਨ ਅੰਦੋਲਨ ‘ਚ ਪੁੱਜੀ।
kabaddi players
ਟੀਮ ਦੇ ਕੋਚ ਨੇ ਦੱਸਿਆ ਕਿ ਸਾਡੀ ਕਬੱਡੀ ਦੇ ਗੇਮ ਸਿਰਫ਼ ਸਰਕਸ ਸਟਾਇਲ ਹੈ ਅਤੇ ਨੈਸ਼ਨਲ ਸਟਾਇਲ ਤਾਂ ਸਿਰਫ਼ ਕਿਸਾਨਾਂ ਦੇ ਮਨੋਰੰਜਨ ਦੇ ਲਈ ਕਰ ਰਹੇ ਹਾਂ। ਉਨ੍ਹਾਂ ਕਿਹਾ ਕਿ ਜਿਵੇਂ ਦਿੱਲੀ ਵਿਚ ਲਗਾਤਾਰ ਮੀਂਹ ਪੈ ਰਿਹਾ ਹੈ ਤਾਂ ਸਾਨੂੰ ਇਸ ਮੀਂਹ ਦਾ ਕੋਈ ਵੀ ਨੁਕਸਾਨ ਨਹੀਂ ਹੈ ਤੇ ਅਸੀਂ ਮੀਂਹ ਵਿਚ ਕਿਸਾਨਾਂ ਲਈ ਮਾਂ ਖੇਡ ਕਬੱਡੀ ਖੇਡ ਸਕਦੇ ਹਾਂ।
kabaddi Coach
ਉਨ੍ਹਾਂ ਕਿਹਾ ਕਿ ਅਸੀਂ ਕਿਸਾਨੀ ਸੰਘਰਸ਼ ਵੀ ਜਿੱਤ ਕੇ ਜਾਵਾਂਗੇ ਤੇ ਕਬੱਡੀ ਮੈਚ ਵੀ ਜਿੱਤ ਜਾਵਾਂਗੇ। ਕਿਸਾਨ ਮਜ਼ਦੂਰ ਸੰਘਰਸ਼ ਕਮੇਟੀ ਦੇ ਪੰਡਾਲ ਵਿਚ ਲੜਕੀਆਂ ਦਾ ਪ੍ਰਦਰਸ਼ਨੀ ਕਬੱਡੀ ਮੈਚ ਹੋਇਆ। ਕਿਸਾਨਾਂ ਨੇ ਗੱਲਬਾਤ ਕਰਦਿਆਂ ਕਿਹਾ ਕਿ ਪੰਜਾਬ ਦੀ ਧੀਆਂ ਨੇ ਕਿਸਾਨੀ ਅੰਦੋਲਨ ਵਿਚ ਸਾਡਾ ਸਾਥ ਦਿੱਤਾ ਹੈ।
kisan
ਇਸ ਨਾਲ ਸੰਘਰਸ਼ਾਂ ਨੂੰ ਮੀਂਹ ਕਾਰਨ ਪੈਦਾ ਹੋਈਆਂ ਔਕੜਾਂ ਭੁੱਲ ਗਈਆਂ। ਫ਼ਾਜ਼ਿਲਕਾ ਤੇ ਸੋਨੀਪਤ ਦੀਆਂ ਕੁੜੀਆਂ ਦੀਆਂ ਕਬੱਡੀ ਟੀਮਾਂ ਦਰਮਿਆਨ ਮੈਚ ਦਾ ਸੰਘਰਸ਼ੀਆਂ ਨੇ ਪੂਰਾ ਆਨੰਦ ਮਾਣਿਆ।
