ਉਨ੍ਹਾਂ ਕਿਹਾ ਕਿ ਇਹ ਤਿੰਨੇ ਕਾਲੇ ਕਾਨੂੰਨ ਦੇਸ਼ ਦੇ ਕਿਸਾਨਾਂ ਦੇ ਜਨਤਾ ਦੇ ਉਲਟ ਬਣਾਏ ਹਨ
ਨਵੀਂ ਦਿੱਲੀ , (ਹਰਦੀਪ ਸਿਘ ਭੋਗਲ ) : ਦਿੱਲੀ ਕਿਸਾਨੀ ਅੰਦੋਲਨ ਵਿਚ ਕੋਲਕਾਤਾ ਤੋਂ ਪਹੁੰਚੇ ਇੱਕ ਕਿਸਾਨ ਹੇਮੰਤ ਕੁਮਾਰ ਨੇ ਕੇਂਦਰ ਸਰਕਾਰ ਤੇ ਵਰ੍ਹਦਿਆਂ ਕਿਹਾ ਕਿ ਇਹ ਕਿਸਾਨ ਅੰਦੋਲਨ ਇਕੱਲੇ ਇਕ ਰਾਜ ਜਾਂ ਦੇਸ਼ ਦਾ ਨਹੀਂ ਰਿਹਾ, ਇਸ ਅੰਦੋਲਨ ਦਾ ਡੰਕਾ ਪੂਰੀ ਦੁਨੀਆਂ ਵਿਚ ਵੱਜ ਰਿਹਾ ਹੈ । ਕੇਂਦਰ ਸਰਕਾਰ ਨੂੰ ਕਿਸਾਨਾਂ ਦੇ ਸੰਘਰਸ਼ ਦੀ ਗੂੰਜ ਸੁਣ ਲੈਣੀ ਚਾਹੀਦੀ ਹੈ । ਕਿਸਾਨ ਹੇਮੰਤ ਨੇ ਸਪੋਕਸਮੈਨ ਨਾਲ ਵਿਸ਼ੇਸ਼ ਗੱਲਬਾਤ ਕਰਦਿਆਂ ਕਿਹਾ ਕਿ ਕਿਸਾਨ ਸਾਡੇ ਦੇਸ਼ ਦੀ ਰੀੜ੍ਹ ਦੀ ਹੱਡੀ ਹੈ, ਕੇਂਦਰ ਸਰਕਾਰ ਕਾਲੇ ਕਾਨੂੰਨ ਬਣਾ ਕੇ ਦੇਸ਼ ਦੀ ਰੀੜ੍ਹੱਹ ਦੀ ਹੱਡੀ ਤੋੜ ਕੇ ਦੇਸ਼ ਨੂੰ ਕਮਜ਼ੋਰ ਕਰਨਾ ਚਾਹੁੰਦੀ ਹੈ ।
farmerਉਨ੍ਹਾਂ ਕਿਹਾ ਕਿ ਇਹ ਤਿੰਨੇ ਕਾਲੇ ਕਾਨੂੰਨ ਦੇਸ਼ ਦੇ ਕਿਸਾਨਾਂ ਦੇ ਜਨਤਾ ਦੇ ਉਲਟ ਬਣਾਏ ਹਨ , ਜਿਸ ਦੇ ਖ਼ਿਲਾਫ਼ ਦੇਸ਼ ਦਾ ਜਨ ਜਨ ਸੰਘਰਸ਼ ਕਰ ਰਿਹਾ ਹੈ. ਕੇਂਦਰ ਸਰਾਕਰ ਕਿਸਾਨੀ ਸੰਘਰਸ਼ ਅਣਗੋਲਿਆਂ ਕਰ ਹਹੀ ਹੈ । ਉਨ੍ਹਾਂ ਕਿਹਾ ਕਿ ਕੇਂਦਰ ਸਰਕਾਰ ਝੂਠ ਬੋਲ ਰਹੀ ਹੈ ਕਿ ਇਹ ਕਾਨੂੰਨ ਕਿਸਾਨਾਂ ਤੋਂ ਪੁੱਛ ਕੇ ਬਣਾਏ ਗਏ ਹਨ ਜਦਕਿ ਅਸਲ ਵਿੱਚ ਇਹ ਕਾਨੂੰਨ ਸਰਕਾਰ ਨੇ ਕਾਰਪੋਰੇਟ ਘਰਾਣਿਆਂ ਦੀ ਮਰਜ਼ੀ ਮੁਤਾਬਕ ਬਣਾਏ ਹਨ । ਇਸ ਲਈ ਇਹ ਕਾਲੇ ਕਾਨੂੰਨ ਕਿਸਾਨਾਂ ਪੱਖੀ ਨਹੀ ਕਿਸਾਨ ਵਿਰੋਧੀ ਹਨ ।
photoਕਿਸਾਨ ਨੇ ਕਿਹਾ ਕਿ ਇਨ੍ਹਾਂ ਕਾਨੂੰਨ ਨੂੰ ਕਾਨੂੰਨ ਕਹਿਂਣਾ ਠੀਕ ਨਹੀ ਹੈ . ਇਨ੍ਹਾਂ ਨੂੰ ਕੈਂਸਰ ਕਾਨੂੰਨ ਦਾ ਨਾਮ ਦੇਣਾ ਚਾਹੀਦਾ ਹੈ ਕਿਉਂਕਿ ਇਹ ਕਾਨੂੰਨ ਆਉਣ ਵਾਲੇ ਸਮੇਂ ਵਿੱਚ ਕਿਸਾਨਾਂ ਨੂੰ ਕੈਂਸਰ ਦੀ ਬਿਮਾਰੀ ਵਾਂਗ ਖਾ ਜਾਏਗਾ । ਦੇਸ਼ ਵਿਚ ਜੈ ਜਵਾਨ ਤਾਂ ਰਹੇਗਾ ਪਰ ਜੈ ਕਿਸਾਨ ਖ਼ਤਮ ਹੋ ਜਾਵੇਗਾ ।
Farmerਉਨ੍ਹਾਂ ਕਿਹਾ ਕਿ ਕੇਂਦਰ ਸਰਕਾਰ ਕਿਸਾਨਾਂ ਨੂੰ ਨਕਸਲੀ, ਮਾਓਵਾਦੀ ਅਤੇ ਅਤਿਵਾਦੀ ਕਹਿ ਕੇ ਬਦਨਾਮ ਕਰ ਕੇ ਸੀਮਿਤ ਕਰਨਾ ਚਾਹੁੰਦੀ ਹੈ ਪਰ ਦੇਸ਼ ਦੇ ਕਿਸਾਨਾਂ ਨੇ ਸਰਕਾਰ ਦੇ ਮੂੰਹ ਤੇ ਚਪੇੜ ਮਾਰੀ ਹੈ । ਉਨ੍ਹਾਂ ਕਿਹਾ ਕਿ ਹੁਣ ਦੇਸ਼ ਦੇ ਕਿਸਾਨ ਸਰਕਾਰ ਦੀਆਂ ਚਾਲਾਂ ਵਿੱਚ ਨਹੀਂ ਆਉਣਗੇ ।
