ਸ਼ਹਿਰ ਵਿਚ ਹੁਣ ਰੈਸਟੋਰੈਂਟ, ਬਾਰ ਅਤੇ ਹੋਟਲ 1 ਵਜੇ ਦੀ ਬਜਾਏ ਸਵੇਰੇ 3 ਵਜੇ ਤੱਕ ਖੁੱਲ਼੍ਹੇ ਰਹਿ ਸਕਦੇ ਹਨ।
ਚੰਡੀਗੜ੍ਹ: ਸ਼ਹਿਰ ਵਿਚ ਹੁਣ ਰੈਸਟੋਰੈਂਟ, ਬਾਰ ਅਤੇ ਹੋਟਲ 1 ਵਜੇ ਦੀ ਬਜਾਏ ਸਵੇਰੇ 3 ਵਜੇ ਤੱਕ ਖੁੱਲ਼੍ਹੇ ਰਹਿ ਸਕਦੇ ਹਨ। ਦਰਅਸਲ ਯੂਟੀ ਪ੍ਰਸ਼ਾਸਨ ਨੇ ਸ਼ੁੱਕਰਵਾਰ ਨੂੰ ਨਾਈਟ ਲਾਈਫ ਨੂੰ ਉਤਸ਼ਾਹਿਤ ਕਰਨ ਲਈ ਆਪਣੀ ਨਵੀਂ ਆਬਕਾਰੀ ਨੀਤੀ ਦਾ ਐਲਾਨ ਕੀਤਾ। ਇਸ ਦੇ ਤਹਿਤ ਰੈਸਟੋਰੈਂਟ, ਬਾਰ ਅਤੇ ਹੋਟਲ ਵਾਧੂ ਲਾਇਸੈਂਸ ਫੀਸ ਦੇ ਭੁਗਤਾਨ 'ਤੇ ਸਵੇਰੇ 1 ਵਜੇ ਦੀ ਬਜਾਏ ਸਵੇਰੇ 3 ਵਜੇ ਤੱਕ ਗਾਹਕਾਂ ਨੂੰ ਖਾਣੇ ਅਤੇ ਪੀਣ ਦੀ ਸਰਵਿਸ ਦੇ ਸਕਦੇ ਹਨ।
Chandigarh
ਤਿੰਨ-ਸਿਤਾਰਾ ਅਤੇ ਚਾਰ-ਸਿਤਾਰਾ ਹੋਟਲਾਂ ਵਿਚ ਵੀ ਵਾਧੂ ਫੀਸ ਦੇ ਕੇ 24 ਘੰਟੇ ਸ਼ਰਾਬ ਦੀ ਸੇਵਾ ਦੀ ਇਜਾਜ਼ਤ ਦੇਣ ਵਾਲੀ ਨੀਤੀ 1 ਅਪ੍ਰੈਲ ਤੋਂ ਲਾਗੂ ਹੋਵੇਗੀ। ਨੀਤੀ ਨੂੰ ਯੂਟੀ ਦੇ ਪ੍ਰਸ਼ਾਸਕ ਬਨਵਾਰੀ ਲਾਲ ਪੁਰੋਹਿਤ ਨੇ ਸਲਾਹਕਾਰ ਧਰਮਪਾਲ, ਡਿਪਟੀ ਕਮਿਸ਼ਨਰ ਵਿਨੈ ਪ੍ਰਤਾਪ ਸਿੰਘ ਅਤੇ ਹੋਰਾਂ ਦੁਆਰਾ ਵਿਸਤ੍ਰਿਤ ਪੇਸ਼ਕਾਰੀ ਤੋਂ ਬਾਅਦ ਪ੍ਰਵਾਨਗੀ ਦਿੱਤੀ।
New Excise policy
ਇਸ ਤੋਂ ਇਲਾਵਾ ਚੰਡੀਗੜ੍ਹ ਪ੍ਰਸ਼ਾਸਨ ਨੇ ਸ਼ਰਾਬ ’ਤੇ ਇਕ ਨਵੇਂ ਸੈੱਸ ਦੀ ਸ਼ੁਰੂਆਤ ਕੀਤੀ ਹੈ। ਈ-ਵ੍ਹੀਕਲ ਪਾਲਿਸੀ ਤਹਿਤ ਸ਼ਰਾਬ ’ਤੇ ਈ-ਵ੍ਹੀਕਲ ਸੈੱਸ ਲਾਉਣ ਦਾ ਵੀ ਫ਼ੈਸਲਾ ਲਿਆ ਗਿਆ ਹੈ। ਇਹ ਪ੍ਰਤੀ ਬੋਤਲ ਵੱਖ-ਵੱਖ 2 ਤੋਂ 40 ਰੁਪਏ ਦੇ ਕਰੀਬ ਹੋਵੇਗਾ।
