ਅਧਿਆਪਕ ਅਵਤਾਰ ਸਿੰਘ ਨੂੰ ਮਿਲੇਗਾ ਸਟੇਟ ਐਵਾਰਡ
ਨਾਭਾ- ਸੰਸਾਰ ਦੇ ਬਹੁਤ ਸਾਰੇ ਦੇਸ਼ਾਂ ਵਿੱਚ ਜਿੱਥੇ ਵੀਰਵਾਰ ਨੂੰ ਅਧਿਆਪਕ ਦਿਵਸ ਮਨਾਇਆਂ ਜਾ ਰਿਹਾ ਹੈ ਉੱਥੇ ਹੀ ਸੂਬੇ ਵਿਚੋ 55 ਅਧਿਆਪਕਾਂ ਨੂੰ ਚੰਡੀਗੜ ਵਿਖੇ ਸਟੇਟ ਐਵਾਰਡ ਨਾਲ ਮਾਨਿਤ ਕੀਤਾ ਜਾਵੇਗਾ।ਇਸ ਸਟੇਟ ਐਵਾਰਡ ਵਿਚ ਨਾਭਾ ਬਲਾਕ ਦੇ ਪਿੰਡ ਸੋਜਾ ਦੇ ਰਹਿਣ ਵਾਲੇ ਅਵਤਾਰ ਸਿੰਘ ਜੋ ਕਿ ਸਰਕਾਰੀ ਐਲੀਮੈਟਰੀ ਸਮਾਰਟ ਸਕੂਲ ਕਾਦਰਾਬਾਦ ਸਮਾਣਾ ਵਿਖੇ ਬਤੋਰ ਸੇਵਾ ਨਿਭਾ ਰਿਹਾ ਹੈ।ਉਹਨਾਂ ਨੂੰ ਵੀ 10 ਸਾਲ ਦੀ ਕੜੀ ਮਿਹਨਤ ਦੇ ਸਦਕਾ ਸਟੇਟ ਐਵਾਰਡ ਦਾ ਮਾਣ ਹਾਸਿਲ ਹੋਵੇਗਾ।
ਇਸ ਮੋਕੇ ਤੇ ਸਟੇਟ ਐਵਾਰਡ ਤੋ ਪਹਿਲਾ ਅਵਤਾਰ ਸਿੰਘ ਨੇ ਕਿਹਾ ਕਿ ਉਹ ਇਸ ਐਵਾਰਡ ਲਈ ਬਹੁਤ ਖੁਸ ਹਨ ਇੰਨਾਂ ਹੀ ਨਹੀਂ ਉਹਨਾਂ ਕਿਹਾ ਕਿ ਦਿਨ ਰਾਤ ਮਿਹਨਤ ਦੇ ਸਦਕਾ ਹੀ ਅੱਜ ਇਸ ਮੁਕਾਮ ਤੇ ਪਹੰਚੇ ਹਨ। ਉੱਥੇ ਹੀ ਅਵਤਾਰ ਸਿੰਘ ਦੇ ਪਿਤਾ ਦਰਸਨ ਸਿੰਘ ਅਤੇ ਉਹਨਾਂ ਦੀ ਪਤਨੀ ਮਨਪ੍ਰੀਤ ਕੌਰ ਨੇ ਕਿਹਾ ਕਿ ਉਹਨਾਂ ਨੂੰ ਬਹੁਤ ਜ਼ਿਆਦਾ ਖੁਸੀ ਹੈ ਕਿ ਅਵਤਾਰ ਸਿੰਘ ਨੇ ਉਹਨਾਂ ਦੇ ਪਰਿਵਾਰ ਅਤੇ ਪਿੰਡ ਦਾ ਨਾਮ ਰੋਸ਼ਨ ਕੀਤਾ ਹੈ। ਇਸ ਮੋਕੇ ‘ਤੇ ਪਿੰਡ ਦੇ ਸਰਪੰਚ ਬਹਾਦਰ ਸਿੰਘ ਨੇ ਕਿਹਾ ਕਿ ਉਹਨਾਂ ਦਾ ਪਿੰਡ ਭਾਗਾ ਵਾਲਾ ਹੈ ਕਿ ਅਧਿਆਪਕ ਦਿਵਸ ‘ਤੇ ਅਵਤਾਰ ਸਿੰਘ ਨੂੰ ਐਵਾਰਡ ਮਿਲਣ ਜਾ ਰਿਹਾ ਹੈ।
ਉੱਥੇ ਹੀ ਇਸ ਮੋਕੇ ਤੇ ਅਵਤਾਰ ਸਿੰਘ ਦੇ ਭਰਾ ਅਧਿਆਪਕ ਗੁਰਵਿੰਦਰ ਸਿੰਘ ਨੇ ਕਿਹਾ ਕਿ ਉਹਨਾਂ ਨੂੰ ਇਸ ਗੱਲ ਦਾ ਮਾਣ ਹੈ ਕਿ ਉਹਨਾਂ ਦਾ ਭਰਾ ਅੱਜ ਸਟੇਟ ਐਵਾਰਡ ਲੈਣ ਜਾ ਰਿਹਾ ਹੈ ,,,ਇੰਨਾਂ ਹੀ ਨਹੀਂ ਉਹਨਾਂ ਇਹ ਵੀ ਦੱਸਿਆਂ ਕਿ ਉਹ ਤਿੰਨੋ ਭਰਾ ਅਧਿਆਪਕ ਹਨ। ਦੱਸ ਦੇਈਏ ਕਿ ਅਧਿਆਪਕ ਅਵਤਾਰ ਸਿੰਘ ਨੇ ਸਮਾਰਟ ਸਕੂਲ ਬਣਾਉਣ ਤੋ ਇਲਾਵਾ ਸਕੂਲ ਦੇ ਬੱਚਿਆ ਨੂੰ ਸਟੇਟ ਪੱਧਰ ਦੀਆ ਗਤੀਵਿਧੀਆ ਵਿਚ ਹਿੱਸਾ ਦਿਵਾਉਣ ਸਦਕਾ ਸਟੇਟ ਐਵਾਰਡ ਮਿਲਣ ਜਾ ਰਿਹਾ ਹੈ ,,ਉੱਥੇ ਉਹਨਾਂ ਦੇ ਘਰ ਵਿਚ ਖੁਸੀ ਦੀ ਲਹਿਰ ਵੇਖਣ ਨੂੰ ਮਿਲ ਰਹੀ ਹੈ।